4 Te deɓaʼa ka da gèɗè tʼhai tʼherkeda, a ma ngaya a tsenkaɗauda te ndev hutsoɗ. Daʼai ngaya a cinè ara daʼai mèzhèɓ skwai te vèvèɗ, a ma ngaya a tsenkaɗauda te va mberfenèk ara daʼai mbatsa.
Jérusalem mʼmbeɗ na, Juda ngedas na, ko te skwi man ta gèɗèʼa, ko te skwi man ta giaʼa, ta woy Ndo nzi pèc pècèk ɓai, ta gi zlau a sam di bi nengaʼa azɓai.
I da va ta a ri a ndohi man ta ga ka matakwan, man ta gaɗa ka: Guɓda deɓ a hai, a nga bizhè a pa! A deɓ ngaya a ngau a sam man ta beza a pa, ara civèɗ man ndohi ta shèwèlè a pa.
Aman ta gaɗa kinè: Vo-goɗ vrai, vo-do a gi ngwozla man a gèɗ ma numnumaʼa a ngél kwa! — kin gada ta: Ndohi kokwar ta jhèɗè a sam Zhiklè nengaʼa ka ɓi ɗè? A ndohi man ta zhè a nshèffè ta jhèɗè ndohi mʼmetsa ʼa ɗè?
Derɗa ntotpa a maslaka na, a mhur nʼndikè-ma nengaʼa ɓai, a nkalahi a vata, ndo mbidèʼa azɓai. Ndo nzi pèc pècèk, wor matakwan ga, aman ndo mayam a fi va!