Esaie 26:8 - Ma Zhiklè

⁸ Ko a civèɗ kita ngaya, nga zhèr ka, Ndo nzi pèc pècèk. Ndav ga a woya a shid gèɗ, a slebarde ka.

Esaie 26:8 ပူးပေါင်းရင်းမြစ်များ

II Samuel 23:5

Gi ga a sam di Zhiklè arsa. Nengaʼa a mpaslay ri a hai a mèdèp, ntila mbelembela tèlèba, a nengaʼa a ɓerèʼa; a nengaʼa a gi a skwi tèlèba a gi a skwi mʼmbelyè a skwi man ambahayè.

Psaumes 106:3

Mwuffè a sam tengaʼa man ta jèjèr ma kita, man ta gi skwi nzuraʼa pèc pècèk.

Psaumes 130:5

Ndo nzi pèc pècèk, i zhèr ka, ndav ga a zhèr ka, a gshè va a ma ngaya.

Psaumes 18:23

Halau, ma nkwèr nengaʼa tèlèba i ngots a sam di ga, a i kwola ma kita nengaʼa ɓai.

Psaumes 42:2

Ara mènèɗ man a shèkèt na a iyam, lèmèlèmè ndav ga a shèkèt na a gèɗ ngaya, Zhiklè!

Psaumes 65:6

Ka Zhiklè man ka mbel nga, ka da mbeɗa nga a ma a skwi mbiaʼa man ka giaʼa te ngi-zuraʼa. Ndohi te verzi herkeda tèlèba ta pi ndav ta a ka, a herkeda dra man ta tsoko gèɗ auda te iyam, lèmèlèmè arsa.

Psaumes 73:25

Ngiɗè a zhè man i ngots te zhiklè te géɗèʼa dè? Sèi ka man i ngotso. Aman i ngats ka genè, i jhèɗè skwi tʼherkeda azɓai.

Psaumes 84:2

Zhiklè bi mbiaʼa, gi ngaya mbikaɓai!

Exode 3:15

A Zhiklè a ngaɗa na Moise a vaʼa: Ka da gada ta ndohi Israel ar haha: Ndo nzi pèc pècèk, Zhiklè bababhi kinè, Zhiklè Abraham, Zhiklè Isaac, Zhiklè Jacob, a nzlindekayè a sam kinè. Nasa nzlembaɗ ga a mèdèp, a i woy a ta bahayè a nzlembaɗaʼa te verzi verzi ndohi tè-lèba.

Cantique des Cantiques 5:8

I tsa kinè rai, dalahi Jérusalem, aman kin da zli gèɗ a skwi ndav ga, kin da gaɗa na ma mè? Mwoy-gola a fahay matakwan.

Esaie 12:4

Kin tèlèba kin da gada a pats nasa: Va-shida na gèɗ a Ndo nzi pèc pècèk, va-slubordo nzlembaɗ nengaʼa, va-ngreda skwi man a ga ta ndohi a géɗ herkeda, va-ngreda nzlembaɗ nengaʼa nʼnzalaʼa!

Esaie 24:15

Gar haha vo-slubordo Ndo nzi pèc pècèk a géɗ herkeda te civèɗ mvèng pats, vo-slubordo nzlembaɗ Ndo nzi pèc pècèk, Zhiklè Israel, a géɗ herkeda nte ndev iyam!

Esaie 25:1

Ndo nzi pèc pècèk, ka Zhiklè ga! I woya a i nzal ka, i woya a i slébèrdè nzlembaɗ ngaya. Ka gu nrkedai. Skwi man ka hur daga zlèzlèa, skwi nzuraʼa a vava.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 26:13

Ndo nzi pèc pècèk, Zhiklè nga, bihi ngiɗè ta gi bi a géɗ nga. Nga sen ka staɗgenè, nga slébèrdè nzlembaɗ ngaya.

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 33:2

Ndo nzi pèc pècèk, nga da se ka te va! Nga pi ndav nga a ka. A nciɗ sam a nciɗ sam, takaha nga! Mbel nga te matakwan!

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 51:4

Ndohi ga, va-tsena, va-fu zlembaɗ a ma ga, kinè ndohai! I vi ma kita, a ngi a skwi nhél sam ndohi herkeda.

Esaie 56:1

Ndo nzi pèc pècèk a goɗ arsa: va-dzodzor ma kita, va-gu zuraʼa, skwi mʼmbel ndo ga a shkè ndul ndul; a ngi zura ga a gudoko va auda a di ndohai ndul ndul.

Michée 4:5

Ndohi herkeda tèlèba ta jèjèr zhi-klèhi ta. Aman nga, nga jèjèr Ndo nzi pèc pècèk a mèdèp.

Michée 7:7

Aman iyè i woy a i pi di a Ndo nzi pèc pècèk, a i zhèr Zhiklè man a mbelyè. Zhiklè ga a da tsena ma ga.

Mal. 4:4

Va-hur ma kita Moise, ɓèl ga, man i va na ma kita a ma nkwèr ndohi Israel tèlèba te za Horeb.

Nombres 36:13

Nasa ma nkwèr a ma kita man Ndo nzi pèc pècèk a mva ta ndohi Israel, te ma Moise, a dal Moab, a ma woyam Jourdain, zuraʼa a Jericho.

Luke 1:6

Ta cèw ba, ta ndohi nzuraʼa a sam di Zhiklè, a ta dzodzor ma nkwèr Bi Zhiklè a ma kita nengaʼa, ta tawaɗaha ɓai, ko staɗ.

Actes 1:4

Pats ngiɗè, man ta a sam skwi nʼndai, a ngaɗa ta: Kin jèkeda kokwar Jérusalem ɓai, aman vo-zhor skwi Zhiklè, Bab kinè, man a mpasla kinè rai, ara man kin tsena te ma ga.

Romans 8:25

Aman nga zhèr skwi te ndav, man nga rka a di di ɓai, nga nza a nga zhèrè genè.

2 Thessalonians 3:5

Aman Bai Yèsu da ngwodkoɗi ndav kinè a sam mwoy-ndo Zhiklè, a sam nzhèr skwia dai te Kristi.