Esaie 26:7 - Ma Zhiklè

⁷ Civèɗ ndo nzuraʼa, civèɗ nlèmda fèhèʼa. Civèɗ ndo nzuraʼa, ka nlèmdèʼa.

Esaie 26:7 ပူးပေါင်းရင်းမြစ်များ

I Chroniques 29:17

I suna, Zhiklè ga, ka jkeda ndav ndo; skwi nzuraʼa ambaha ka. Skwi haha tèlèba i va ka a ndav nzuraʼa, a i wuffè, aman i rka ndohi ngaya man ta ɓica va haha, a ta va ka skwi a ndav tèlèba.

Job 31:6

Zhiklè da li vyè, a skwi nlivè ngi-zuraʼa! Bi Zhiklè a da suna, i zuraʼa.

Psaumes 1:6

Ndo nzi pèc pècèk a sun civèɗ ndohi nzuraʼa; aman civèɗ ndohi ambaɓihiaʼa a zi na.

Psaumes 11:4

Ndo nzi pèc pècèk a zhè te gi bi nengaʼa nkezlaʼa. Sam nʼnzi bi Ndo nzi pèc pècèk a zhè te zhiklè. A paka di a hai a géɗ herkeda, a ngél dai a géɗ ndohi tʼherkeda.

Psaumes 11:7

Aman Ndo nzi pèc pècèk zuraʼa, a woy skwi nzuraʼa. Ndohi nzuraʼa ta da rka di nengaʼa.

Psaumes 25:4

Ndo nzi pèc pècèk, ngray civèɗ ngaya, njèy sam ngaya man i bizhè a pa.

Psaumes 25:5

Ngrayè aman i dè te ma ngaya nzuraʼa, slebdayè! Aman ka, Zhiklè man ka mbelyè.

Psaumes 27:11

Ndo nzi pèc pècèk, sendayè civèɗ ngaya, dyè a civèɗ nlèmdaʼa, a géɗ mayamhi ga.

Psaumes 5:9

Ndo nzi pèc pècèk, feday ma te ngi-zuraʼa ngaya, a géɗ mayamhi ga, tilay civèɗ ngaya a ma ga.

Proverbes 11:5

Ngi-zuraʼa a tila ta civèɗ a ndohi nzuraʼa; ndo ambaɓiaʼa a kèlèhi a géɗ shèwa na.

Proverbes 20:7

Ndo nzuraʼa a gi mali a civèɗ na azɓai. Mwuffè a sam wudahi nte verzi na!

Proverbes 21:8

Civèɗ ndo malai nlèwèdè nlèwèdè; a skwi ndo man a gi mali azɓai a dè zuraʼa.

Proverbes 3:6

Hur nengaʼa a civèɗ ngaya tèlèba, a nengaʼa a da lèmdè ka civèɗ ngaya fèhèʼa.

Proverbes 4:18

Civèɗ ndohi nzuraʼa, nara skwi nhél sam man a hél sam a ma ma, ha géɗ pats.

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 35:8

Civèɗ mʼmbazla te pa, man ta baha na civèɗ nkezlaʼa. Ndo man ambaɓai a dè a pa azɓai. Civèɗ man ndohi nengaʼa ta da bizhè a pa. Ko ndo man maya na azɓai, a zi te pa azɓai.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Esaie 52:12

Aman kin vasso va ɓai, kin hu mhi ɓai! Ndo nzi pèc pècèk a dè a ma kinè, Zhiklè Israel nkezlaʼa a dè a verzi kinè.

Esaie 57:2

a dè a sam gumai. Ta da shèk va, tengaʼa man to do a civèɗ nzuraʼa.

Jérémie 10:23

Ndo nzi pèc pècèk, i suna, ndo a slaha a gèɗè a ri na ɓai: i bizh ga auna. Ndo nshèwèlè a ncè sak a ri na ɓai.

Osée 14:9

Ndo man maya na zhè, da tsena ma haha; ndo man a sun skwai, da sun skwi haha! Aman civèɗ Ndo nzi pèc pècèk, civèɗ nzuraʼa; ndohi nzuraʼa ta dè a pa; aman ndohi malihai ta kèlèhi a pa.

Sophonie 3:5

Ndo nzi pèc pècèk te ndev tengaʼa, zuraʼa, a gi skwi zuraʼa ka ɓi azɓai. A prèk a prèk a bèzlè kita, skwi nhél sam na zhè, aman a ngreda malai.

1 Corinthians 4:5

Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

2 Corinthians 1:12

Nga jégèr va a géɗ skwi haha: Mèzhèɓ ndav nga a gi malwuɗai, aman nga nza a maya te nshèffè nga tʼherkeda, holholaʼa a sam kinè: ndav nkezlaʼa, a ndav nzuraʼa, ara Zhiklè man a woyaʼa, a maya ndo ka ɓai, aman a pombi Zhiklè.

Ephésiens 2:10

Aman nga skwi ri na, nʼngaʼa te Yèsu Kristi, aman nga gi mizlinè man amba, man Zhiklè a ntila nshèlèkuraʼa, a woya a nga giaʼa.

1 John 3:10

Skwi haha a ngreda auda, man ta wudahi Bi Zhiklè, man ɓai wudahi bi madzagai: Ndo man a gi skwi zuraʼa azɓai, a shkè te Bi Zhiklè ka ɓai, lèmèlèmè ndo man a woy kramam nengaʼa ɓai.

1 John 3:7

Wudahi ga, ndo da zlakede kinè ɓai! Ndo man a gi skwi zuraʼa, nengaʼa ndo nzuraʼa, ara Kristi, nzuraʼa.