Esaie 26:4 - Ma Zhiklè

⁴ Va-pu ndav kinè pèc pècèk a Zhiklè! Aman Ndo nzi pèc pècèk, nengaʼa sam ngedeng-gedengaʼa a mèdèp.

Esaie 26:4 ပူးပေါင်းရင်းမြစ်များ

II Chroniques 20:20

Te mangoslèmaʼa to do a prèk te gai a civèɗ ndè hèshèkèɗ Tekoa. Ga ta dè, Josaphat a mshkè a ngaɗa: Va-tsenaʼa, ndohi Juda a ndohi Jérusalem! Va-pu ndav a Ndo nzi pèc pècèk, Zhiklè kinè, a kin nza taraʼa! Va-pu ndav a ndohi nhadka ma nengaʼa, a da gi amba a sam kinè.

II Chroniques 32:8

Ri ndo a zhè a takaha nengaʼa; aman Ndo nzi pèc pècèk, Zhiklè nga, a sam nga. Nengaʼa a da takaha nga a ngi var a géɗ nga. A ndohi ta pu ndav a ma Ezéchias, bi Juda.

Job 9:19

Aman ka jhèdè wuɗai: nengaʼa wuɗi na zhè. Ko a sam kita: mwoy a mbaha na wa?

Psaumes 125:1

Dimèsh ndè a gi Zhiklè. A Tengaʼa man ta pi ndav a Ndo nzi pèc pècèk, ta ara za Sion man a gidè va azɓai.

Psaumes 18:2

Ndo nzi pèc pècèk, i woy ka, ka wuɗi ga!

Psaumes 46:1

Dimèsh ndohi Koré.

Psaumes 55:22

Ma nengaʼa a hi ara iyam te woyam; aman te ndav nengaʼa a her shèwa. Ma nengaʼa ara mbar wa, njèkèm ɓai nara tsakwal nzlatsedaʼa.

Psaumes 62:11

Kin fu gèɗ a wuɗi kinè ɓai, kin hur a géɗ skwi man kin da hilè a wuɗi ɓai! Aman mèshèlè kinè a grè a ma ma, da gso ndav kinè ɓai!

Psaumes 62:8

Skwi mbelyè, a nʼnjèl ga, sèi a sam Bi Zhiklè. Sam ga ngedeng-gedengaʼa man a vay wuɗai, sam ga nlèaʼa, a sam Bi Zhiklè.

Psaumes 62:9

Kin mpi ndohi tèlèba, va-pu ndav a nengaʼa pèc pècèk, va-hada na ndav kinè! Bi Zhiklè sam nga nlèaʼa.

Psaumes 66:7

A wuɗi nengaʼa a gi bai a mèdèp. Di nengaʼa a wèr ndohi herkeda. A va ta civèɗ a ndohi mèdègèɗ a ta gi ma azɓai.

Psaumes 93:1

Ndo nzi pèc pècèk, bai! A nʼnjèl bi a va. Ndo nzi pèc pècèk, wuɗi te va, a ndzawa va na a vna. Gar haha herkeɗa nʼngaʼa ngedeng-gedengaʼa, a gidè va azɓai.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 17:10

Aman Zhiklè, man a mbel ka, mpca ka a gèɗ. Za man ka slaha ka nghédè va a pa, ka hera ɓai. Gar haha ka gi gi lak a zhiklè mbèh skwi ngaya, a ka geda wof zhiklè mbèh skwi ngiɗè a pa.

Esaie 30:29

Kin da sli dimèsh ara pats ngolala, ha ndikè a ma vaɗ. Ndav kinè a da wuffè ara ndo man shingelèk a ma na, a dè a za Ndo nzi pèc pècèk, za Israel.

Esaie 32:2

Staɗ staɗ tèlèba ta ara sam nlèaʼa te ri ndombozlor, ara bodom te ri iyam, ara woyam a sam ngworaʼa, ara za mbiaʼa man a pa na mèzhèɓ a di a herkeda ngworaʼa harkangkangaʼa.

Esaie 44:8

Kin gudzu ɓai, kin gu zlau ɓai! I senda kinè, i ngreda kinè nʼnzi a zhè ka ɓi ɗè? Kinè ndohi malwuɗihi ga! Zhiklè ngiɗè a zhè a tsagi ga ɗè? Sam ngedeng-gedengaʼa ngiɗè a zhi ɗè? I sun ngiɗè ɓai.

Esaie 45:17

Ndo nzi pèc pècèk a mbel Israel, a mbelaʼa a mèdèp; kin ngècè hori a di azɓai a mèdèp.

Esaie 45:24

Nʼngul skwai a wuɗai sèi te Ndo nzi pèc pècèk. Tèlèba man ta gu ndav a géɗ nengaʼa, ta da shkè a sam na, a ta gi horai.

Esaie 50:10

Te ndev kinè ndo man a gi zlau Ndo nzi pèc pècèk, da tsena ma ɓèl nengaʼa! Ndo man a dè te ruva, skwi nhél sam az a sam na ɓai, da pu ndav a nzlembaɗ Ndo nzi pèc pècèk, da gso va a Zhiklè na!

Esaie 51:5

Te deɓaʼa ngi-zura ga a herda kinè va, a nasa nasa skwi mʼmbel ndo ga a gudoko kinè va a dai, a ri ga a gi kita ndohi herkeɗa. Tʼherkeda dra ta zhèryè te ndav, ta pi di a ri ga.

Esaie 63:1

Nenga wa, man a shkè te Edom, te Botsra, a maslaka vèvèzh a va, a dzugorko va a ri a géɗ maslaka nengaʼa, ndaɓaraʼa a wuɗai! Iyè man i goɗ a géɗ ngi-zuraʼa, a i pasla kinè ri ma mʼmbel ndo a hai.

Daniel 3:17

Bi nga, Zhiklè nga, man nga tsi ri a nengaʼa, a slaha man a mbel nga ko te vogwa vovar, a slaha a nda mbel nga ko te ri ngaya ba.

Daniel 3:28

Bi Nebucadnetsar a nhüno a ngaɗa: Nga shid gèɗ a Zhiklè Shadrac, Méshac a Abed-Nego, a gèɗ man a nzlündo gol nengaʼa, a mbel ta ɓèlèlihi nengaʼa man ta pu ndav a vna, a ta fa gèɗ a ma bi ɓai. Ta huro: dara nga vi va nga, a nga slébèrdè zhiklè ngiâè azɓai, a nga tsi ri a zhiklè ngiɗè azɓai, sèi Zhiklè nga.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Matthew 6:13

Ka de nga a sam man a pe nga a wi ɓai, aman ɓer nga te ri nengaʼa man ambaɓai. Aman kokwar-bi a ngaya, a wuɗai, a nʼnjèlè, pèc pècèk a mèdèp ba. Amen.

Deutéronome 32:15

A Jacob a nʼndau skwai, a nʼngeza hwaɗ a vna, a ngraʼa. Yeshurun a gra ndaɓalaʼa, a gra pertataʼa, a njèkeda Bi Zhiklè man a gau, a nkwola za, skwi mʼmbél na.

Deutéronome 32:4

Nengaʼa za, skwi man a giaʼa, nʼngaʼa jèlèlèʼa. Civèd nengaʼa tèlèba, civèɗ nzuraʼa. Zhiklè nlèɓèslèʼa, ncèkèlma a te nengaʼa ɓai; nengaʼa zuraʼa ndzarɓiaʼa.

Deutéronome 33:27

Zhiklè man a zhè a mèdèp, sam nlèaʼa; a ri man ta nzi a mèdèp tʼhwaɗaʼa. A dzama ndo mayam auda a ma ngaya, a ngaɗa: Ngedassa!

Philippiens 4:13

I slaha skwi tèlèba a nda nengaʼa, man a vay wuɗai.

I Samuel 2:2

Nkezlaʼa gar Ndo nzi pèc pècèk, nʼazbai. Ngiɗè azɓai, sèi ka. Sam gedeng-gedengaʼa ngar Bi Zhiklè nga, azɓai.