Esaie 26:3 - Ma Zhiklè

³ Ndo man a mʼmana ndav na kangaʼa, a nzi a gumai, a géɗ man a pi ndav a ka.

Esaie 26:3 ပူးပေါင်းရင်းမြစ်များ

I Chroniques 5:20

Zhiklè a ntakaha ta, a ta fen ta ndohi Hagaren a ndohi tèlèba man ta humda va a tengaʼa, a ta dum ta. Te ndev var, ta tsu ri a Zhiklè, a nengaʼa a nco ntsi ri tengaʼa, a géɗ man ta pu ndav a vna.

II Chroniques 13:18

A ndohi Israel ta manda gèɗ ta a hai, a pats sa, a ndohi Juda ta gu a ngul ta, a gèɗ man ta thü va a Ndo nzi pèc pècèk, Zhiklè bab ta.

II Chroniques 16:8

Ndohi Ethiopie a ndohi Lybie, ndohi var kumba, a kiki var a vata, a ndohi plèsh, ka bi dè? A géɗ man ka pu ndav a Ndo nzi pèc pècèk, a mpa ka a rai.

Psaumes 119:165

Ndohi man ta woy ma kita ngaya, gumi a zhè a sam ta kumba. Skwa a slafaɗama ta sak azɓai.

Psaumes 125:1

Dimèsh ndè a gi Zhiklè. A Tengaʼa man ta pi ndav a Ndo nzi pèc pècèk, ta ara za Sion man a gidè va azɓai.

Psaumes 9:10

Gar haha Ndo nzi pèc pècèk hwaɗ zlazlar ndo man ta ga na matakwan, hwaɗ zlazlar a pats mwuɗitpa.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 26:12

Ndo nzi pèc pècèk, ka da va nga gumai. Skwi tèlè man nga giaʼa, ka rufaʼa.

Esaie 27:5

Man ta woy a i takaha ta, sèi ta tsi gumi a iyè kla, a nga tsi gumi a tengaʼa.

Esaie 31:1

Wobau a géɗ ndohi man ta dè hi a kokwar Egypte, a ta hèsh skwi ntakaha ta te pa. Ndohi man ta pi ndav a plèsh a kiki var, man ta zhè kumba, a ta pi ndav a ndohi plèsh, man ta zhè a vata, aman ta pa ndav a Zhiklè ɓai, a ta jhèɗè te ri nengaʼa azɓai.

Esaie 32:17

Ngi-zuraʼa a cko gumi auda, nyi ngi-zuraʼa, nengaʼa man ta nzi ɓar-ɓararaʼa a mèdèp.

Esaie 32:18

A ndohi ga ta da nzi a sam gumai, a gi man skwa a ga ta te pa azɓai, a sam man ta nzi ɓar-ɓararaʼa.

Esaie 42:19

Mandazli a wa, ɓèl ga ka ɓi ɗè? Ndaɓazlam man i zlündo ara ndo sak ga, wa? Mandazli, ara nengaʼa man Zhiklè nkezlaʼa, wa? Ndaɓazlam ara ɓèl Ndo nzi pèc pècèk, wa?

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 48:2

Kin co nzlembaɗ kokwar nkezlaʼa, kin thè va a Zhiklè Israel, nzlembaɗ na Zhiklè bi mbiaʼa.

Esaie 49:8

Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Esaie 50:1

Ndo nzi pèc pècèk a gaɗa: Ɗèlè-wèr man i va na mam kinè man i kwolaʼa, na tema? Ndo man i pre kinè a ma a sam na, na tema? Kin pra ma a géɗ mali kinè. I kwola mam kinè a géɗ mphömè nengaʼa.

Esaie 50:10

Te ndev kinè ndo man a gi zlau Ndo nzi pèc pècèk, da tsena ma ɓèl nengaʼa! Ndo man a dè te ruva, skwi nhél sam az a sam na ɓai, da pu ndav a nzlembaɗ Ndo nzi pèc pècèk, da gso va a Zhiklè na!

Esaie 66:12

Aman Ndo nzi pèc pècèk a gaɗa: Na haha i da wuzhè gumi ga a sam na ara woyam man iyam a hi te pa, a nʼnjèl ndohi herkeda ara woyam man a hi auda a dzah, Ta humbat ta wudahi tengaʼa a rai, ta pe ta a gsa a ta bid ta.

Jérémie 39:18

Aman a vava i da mbél ka, ka da metsi te ri tsakwal azɓai, ka da mbél ngaya, a géɗ man ka pu ndav a iyè, Ndo nzi pèc pècèk a gaɗa.

Daniel 3:17

Bi nga, Zhiklè nga, man nga tsi ri a nengaʼa, a slaha man a mbel nga ko te vogwa vovar, a slaha a nda mbel nga ko te ri ngaya ba.

Daniel 3:28

Bi Nebucadnetsar a nhüno a ngaɗa: Nga shid gèɗ a Zhiklè Shadrac, Méshac a Abed-Nego, a gèɗ man a nzlündo gol nengaʼa, a mbel ta ɓèlèlihi nengaʼa man ta pu ndav a vna, a ta fa gèɗ a ma bi ɓai. Ta huro: dara nga vi va nga, a nga slébèrdè zhiklè ngiâè azɓai, a nga tsi ri a zhiklè ngiɗè azɓai, sèi Zhiklè nga.

Daniel 6:23

A bai a wuffè holholaʼa, a ngoɗa aman ta ckoɗi Daniel auda te vèvèɗ. A ta ckoɗi Daniel auda te vèvèɗ, mblè az a va ɓai, a géɗ man a mpu ndav a Zhiklè na.

Michée 5:5

Ta da bazl ta ndohi Assyrie a tsakwal, a ndohi kokwar Nimrod a kafahi gwèsh. Ta da mbel nga te ri ndohi Assyrie, aman ta shkè a kokwar nga, a ta mbècè sak a kuma herkeda nga.

Jean 14:27

I jèka kinè gumi ga. Gumi ga i va kinè. I va kinè, ara man herkeda a va kinè ka ɓai. Kin gu zlau te ndav kinè ɓai, kin gudzu ɓai!

Jean 16:33

Na haha i gaɗa kinè a kin gumi te iye. Tʼherkeda matakwan a ga kinè. Aman va-gsa ndav kinè, i ngul herkeda.

Romans 5:1

Aman anai nga gaʼa a ndohi nzuraʼa te ncè-a-ndav, nga ngots gumi Zhiklè, te Bi nga Yèsu Kristi.

Philippiens 4:7

A gumi Bi Zhiklè man a fena maya te gèɗ nga tèlèba, da ɓür ndav kinè, a nhér gèɗ kinè te Yèsu Kristi!