Esaie 26:2 - Ma Zhiklè

² Va-wina ntamagai, a ndohi nzuraʼa ta dè a pa, man ta lèɓèslè a ma ma.

Esaie 26:2 ပူးပေါင်းရင်းမြစ်များ

Psaumes 106:5

a i rka manam ndohi man ka par ta, a i wuffè a gèɗ mwuffè ndohi ngaya.

Psaumes 118:19

Va-winay ntamagi ngi-zuraʼa! I da bizhè a pa, a i da shid gèɗ a Ndo nzi pèc pècèk.

Psaumes 118:20

Ntamagi Ndo nzi pèc pècèk a nta, ndohi nzuraʼa ta bizhè a pa.

Psaumes 24:7

Va-winè ntamagi twèng tʼherkeda, voco ntatak auda a ntamagi nzlèzlèa, va-herdaha a deɓa, a bi nʼnzalaʼa a dè a pa.

Exode 19:6

Kinè ndohi mvi skwi a Zhiklè, Bai, a sam ga, ndohi ga nkezlaʼa. Na haha ma ga man ka da gada ta ndohi Israel.

Esaie 45:25

Ndohi te verzi Israel tèlèba ta da gi a ngul ndo-hai, a ta wuffè a géɗ Ndo nzi pèc pècèk.

Esaie 54:14

ngi-zuraʼa a da zhè te verzi ngaya. Ka zhè dra a sam shè-wa. Skwi ngiɗè man ka gi zlauaʼa, azɓai, skwi a pra ka zlau a va, a zhè dra a sam ngaya, a herdeka ka va azɓai.

Esaie 54:17

Skwi var ko mèmè man ta gu a géɗ ngaya, a slaha ka ɓai. Ma wawa man a pin ka, ka tseda ta a sam kita. Nasa nʼndi gi ɓèlèlihi Ndo nzi pèc pècèk, a skwi man ta ngècèʼa a sam ga, Ndo nzi pèc pècèk a gaɗa.

Esaie 58:8

Te deɓaʼa skwi nhél sam ngaya a shkè auda ara pats wushèr, a mbel ka tsam tsam. Ngi-zuraʼa a dè a ma ngaya, nʼnjèl Ndo nzi pèc pècèk a dzadzar ka te deɓa.

Esaie 60:11

Ntamagi kokwar ngaya mwinèʼa pèc pècèk, mpizlè ɓai, ko pats ko vaɗ, a ndohi man ta hulkoɗi skwi mèshèlè, ta slaha ta bizhè a pa, a verzi bi tengaʼa.

Esaie 60:18

Shèwa a cinè te kokwar ngaya azɓai. Gi mʼmbeɗaʼa a diki ta ngècè te kokwar ngaya azɓai. Ka da baha na zlazlar ngaya ‘skwi mʼmbel ndo’, a ntamagi kokwar ngaya ‘nʼnjèlè’.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Esaie 62:1

I slaha a i nzi tètè azɓai a géɗ Sion. I nzeda verzi a hi azɓai a géɗ Jérusalem, ha pats man ngi-zura nengaʼa a hél sam ara pats wushèr, a skwi mʼmbel ndo nengaʼa a gi ara skwi ntiv vogwa.

Esaie 62:10

Va-beza a pa, va-beza a pa a ntama-gai! Va-tila ta civèɗ a ndohi ga! Va-ɗaɗala civèɗ, va-ɗaɗala civèɗ! Va-par ta kwa auda a civèɗ, va-zlatseda skwi man ndohi herkeda ta shinè te pa!

Esaie 62:2

Te deɓaʼa ndohi herkeda ta da rka ngi-zura ngaya, a bihi tèlèba ta rka nʼnjèl ngaya, a ta da baha ka a nzlembaɗ mɓuaʼa, man Ndo nzi pèc pècèk a ngoɗ te ma na.

Zacharie 8:20

Zhiklè bi mbiaʼa a gaɗa: Ndohi herkeda ngiɗè a di ta shkè, a ndohi kokwar kumba.

Actes 2:47

a ta slubordo Bi Zhiklè, a ta ngots pombai a sam ndohi tèlèba. Aman a nciɗ sam a nciɗ sam Zhiklè a mpe ta ndohi man a mbel ta a va mpi ndohi Zhiklè.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

2 Peter 3:13

Aman nga ngots mpèsl ri nengaʼa, a nga zhèr giɗfèk mɓuaʼa a herkeda mɓuaʼa, man ngi-zuraʼa a zhè te pa.

Jude 1:3

Kinè dalahimam ga! Nshèlèkuraʼa i huro ara man i windè lanè ma a géɗ skwi mʼmbel nga man nga a nda kinè, nga ngotso. Aman te deɓaʼa i gaɗa, sèi i bid kinè te ɗèlèwèr ga, aman kin gi var a kin nza na a deɓa a ncè-a-nɗav man Zhiklè a mva ta ndohi na, sak staɗ a mèdèp.

Apocalypse 21:24

A ndohi herkeda ta da shèwèlè te va skwi nhél samaʼa. A bihi herkeda ta da ckoɗi nʼnjèl ta a pa.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,