Esaie 26:16 - Ma Zhiklè

¹⁶ Ndo nzi pèc pècèk, te va matakwan ta woy ka. Aman ndzoan ngaya a nʼngats ta, ta kuɗai.

Esaie 26:16 ပူးပေါင်းရင်းမြစ်များ

Psaumes 142:2

Ma ga a bèhè a Ndo nzi pèc pècèk. Ma ga a tsi ri a Ndo nzi pèc pècèk.

Psaumes 27:8

Ndav ga a gaɗayè a géɗ ngaya: Hos di nengaʼa! Ndo nzi pèc pècèk, i woy a i hèsh di ngaya.

Psaumes 42:4

I nèkèɗè kuɗa ga a hwaɗ ara skwi nʼndai, a pats a vaɗ, aman pèc pècèk ta gaɗayè: Kos Zhiklè ngaya tema?

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 77:3

A pats matakwan ga i hos Bai, Zhiklè. A vaɗ tèlèba i pelaha ri ga, i jèkeda ɓai. Ndav ga a bidè azɓai.

Psaumes 78:34

Aman a mbazl ta, ta hos Zhiklè zaʼa; ta menkaɗa deɓa a ta hos Zhiklè.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Esaie 37:3

Ta gaɗa na: Ezéchias a goɗ arsa: A patsna, pats matakwan, a ndzoan, pats man ta derɗe nga. Pats nyi wudahi ma, wuɗi man ta jkaʼa azɓai.

Jérémie 2:27

Ta gaɗa na wof. Ka bab nga! Ta gaɗa na kwa: Ka nyaka nga! Ta ngwodkay deɓa, ta pakay di asaɓai. Te deɓaʼa man matakwan a ngs ta, ta gaɗa: Slambaɗa, takaha nga!

Jérémie 22:23

Ka man ka nza a géɗ Liban, man sam nʼnzi ngaya a zhè te va wof tsna. Ka da gi wobau, aman matakwan a shkè, ka da ɗish va lèmèlèmè ara ngwoz man a woy nyi kra.

Jérémie 29:12

Kin da dzhaɗyè, i da fi zlembaɗ a ma kinè; kin da tsi ri a iyè, i da mbeɗa kinè a ma;

Lamentations de Jérémie 2:19

Gu wobau a vaɗ, a sam nkezawaʼa, ngurdo skwi auda te ndav tèlè a sam Ndo nzi pèc pècèk, da hakaɗauda te pa ara iyam; geda ri a zhiklè a ka tsu ri a géɗ nshèffè wudahi ngaya, man ta tiɗ ta a mai a zolom civèɗ tèlèba.

Osée 5:15

I dè ga, i minè a deɓa a sam nʼnzi ga, ha ta ndev ta a géɗ mali ta, a ta hèsh di ga, ha te ri zlau mʼmetsai ta woy iyè.

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Nombres 21:7

A ndohi ta shkè a sam Moise a ta gada na: Nga gu malai, nga ga ka ma a va, nga ga na ma a va Ndo nzi pèc pècèk. Tsu ri a Ndo nzi pèc pècèk, a nhela nga zhü-zhok auda a tsagai. A Moise a ntsu rai a géɗ ndohai.

Apocalypse 3:19

Ndohi man i woy ta a ndav ga, i ngatsa ta maya a ndzoan, a i ngez ta. Gar haha nzala va ngaya, a ka ngwode ndav ngaya!

Juges 10:15

A ndohi Israel ta gaɗa na Ndo nzi pèc pècèk: Nga gu malai. Ga nga ara man ka woyaʼa. Aman kam kam, a patsna mbel nga di genè!

I Samuel 1:15

Anne a mʼmbeɗa na a ma: Aʼai, a bi ga, i ngwoz man matakwan a gay kumba. I sa zom ɓai, i sa barassa ɓai, i hadka kuɗa a ndav Ndo nzi pèc pècèk.