Esaie 26:11 - Ma Zhiklè

¹¹ Ndo nzi pèc pècèk, wuɗi ri ngaya a zhè, aman ta rka ɓai. Sèi ta da rka pats ngiɗè, a ta ngècè hori a dai. Srak a géɗ ndohi ngaya, a vogwa a géɗ mayamhi ngaya, sèi da nde ta a ma.

Esaie 26:11 ပူးပေါင်းရင်းမြစ်များ

Job 34:27

A géɗ man ta jèkeda, a ta fu gèɗ a civèɗ nengaʼa tèlèba bai.

Psaumes 10:12

Ndo nzi pèc pècèk, Zhiklè ga, slambaɗa, zlatseda ri ngaya, ndohi mbelawa da pca ka a gèɗ ɓai!

Psaumes 21:8

Halau, bai a pi ndav a Ndo nzi pèc pècèk. A gèɗ pombi Zhiklè te géɗèʼa a kèlèhi azɓai.

Psaumes 28:5

Aman ta fi gèɗ a mizlinè Ndo nzi pèc pècèk a skwi man ri nengaʼa a ngau azɓai. A nengaʼa a da gedas ta, a da til ta te deɓaʼa asaɓai.

Psaumes 78:63

Vogwa a nʼndeda golahi tengaʼa a ma, a ta tsima dalahi tengaʼa a ganzavar asaɓai.

Psaumes 86:17

Gay skwi man amba, a ndohi nʼngay shèwa ta ngècè hori adai, a tarkaʼa, ka Ndo nzi pèc pècèk, ka takahayè, ka bidyè.

Exode 9:14

Aman antanta i da faha kinè a golahi ngaya a ndohi ngaya matakwan ga tèlèba, a ka da shinèʼa, Zhiklè ngiɗè gar iyè tʼherkeda azɓai.

Esaie 1:31

Ndo mbiaʼa a da ndi lèmèlèmè ara kda gogumai, a mizlinè nengaʼa a da gi lèmèlèmè ara nwurcè vogwa. Cèw ba vogwa a da ndiaʼa, ndo mbècè vogwa azɓai.

Esaie 10:16

Gar haha Bi Zhiklè bi mbiaʼa a ga na matakwan a va ndo, a sama na pombaz auda te va; nʼnjèl nengaʼa, a pa na vogwa a va, ara vogwa man a vècè.

Esaie 10:17

Skwi nhél sam Israel a ndi a vogwa, Zhiklè nengaʼa nkezlaʼa a ndi a nèʼèn vogwa. Nengaʼa a da vècè, a ndi vatak a nkuddzari a pats staɗ.

Esaie 11:13

Srak Ephraim klèng, ndohi nʼnga ta matakwan a Juda, a nzede ta. Ephraim a da gi srak a géɗ Juda asaɓai, a Juda a da ga na matakwan a Ephraim asaɓai.

Esaie 18:3

Kin tèlèba man kin nzi a géɗ herkeda, man kinè a zhè a géɗ herkeda: Aman ta da zlatseda lamba a géɗ za, va-pu dai! Aman ta da tsi tolom, va-tsenaʼa!

Esaie 37:32

Aman njèkèdia a zhè, aman a da shkè te Jérusalem, a ndohi man ta hu ta a ta mbel ta te za Sion. Srak Zhiklè bi mbiaʼa a da gi arsa.

Esaie 42:13

Ndo nzi pèc pècèk a dè a ma ma ara ngul ndo, ara ngul var a nslambaɗda ta ndohi ngiɗè, a ntsi tolom, a nguzli var, a gi ngul mayamhi na.

Esaie 44:18

Ta rka ɓai, ta sun nɗèlè ɓai, di tengaʼa ndahaʼa, ta rka ɓai, ndav ta a sun maya ɓai.

Esaie 44:9

Ndohi nrèm vrai, ta tèlèba ndohi ambalai. Skwi man ta wuffè a géɗèʼa, skwi ka ɓai. Ndohi malwudihi tengaʼa, ta rka skwa ɓai, ta sun skwa ɓai, ta ngècè hori a dai.

Esaie 5:24

Gar haha lèmèlèmè ara nèʼèn vogwa a ndi düsh dau, a vogwa a ndeda ksof a ma hüyom, zluzlor tengaʼa a da nde na a ndefèn vogwa, a nwurzhè a nɗuz na ara mbokom. A géɗ man ta dérɗè ma kita Zhiklè bi mbiaʼa, a ta kwola ma Zhiklè Israel Zhiklè bi mbiaʼa, a ta kwola ma Zhiklè Israel nkezlaʼa,

Esaie 59:17

A mfeda ngi-zuraʼa a va ara limbèt, a skwi mʼmbel ndo a gèɗ ara dzokwom. Skwi mpil gèɗ man a jhèɗèʼa, nara man a feda skwi var a va, a feda srak a va ara dawar.

Esaie 60:14

Wud ndohi man ta zumda ka gèɗ a di ta shkè a sam ngaya a gurmbèzh. Tengaʼa tèlèba man ta derɗe ka, ta da kèlèhi a deɓ sak ngaya, a ta baha ka ‘kokwar Ndo nzi pèc pècèk’ – ‘Sion Zhiklè Israel nkezlaʼa’.

Esaie 63:15

Paka di te zhiklè, te gi ngaya nkezlaʼa, nʼnzalaʼa, a herkeda! Srak ngaya tema, wuɗi ngaya tema? Mwoy-ndo ngaya mbia tema? Nga se ka te va azɓi ɗè? Nga da se ka te va genè!

Esaie 66:15

Na haha, Ndo nzi pèc pècèk a di a shkè te va vogwa, a ndzoan nengaʼa ara nèʼèn vogwa.

Esaie 66:24

Ta dè auda, a ta rka nckondo ndohai man ta kwolyè. Meturɗi te va tengaʼa a metsi azɓai, a vogwa a sam tengaʼa a mbècè azɓai, a ta ndara ta ndohi tèlèba.

Esaie 66:5

Kinè man kin gi zlau ma Zhiklè, va-tsena ma Ndo nzi pèc pècèk! Kramamhi kinè man ta gi shèwa a kinè, man ta kwol kinè a gèɗ nzlembaɗ ga, ta gada: Ndo nzi pèc pècèk da ngreda nʼnjèl na, a nga humda a mwuffè kinè! Aman ta dá ngècè hori a dai.

Esaie 9:18

A gèɗ ndzoan Ndo nzi pèc pècèk, vogwa a nʼndeda kokwar a ma, a vogwa a ndi ndohi tèlèba. Ndo ngiɗè azɓai man a nhur a woya a ntakaha kra-mam na.

Esaie 9:19

Ta gi metsar tʼuna, mi a keɗ ta genè. Ta ndi skwi tʼuna, a ngeza ta ɓi genè. Ndo staɗ staɗ tèlèba ta ndi va ta a ma a dai.

Esaie 9:7

Bi Zhiklè a nzlündo ma nengaʼa a sam ndohi gi Jacob, a ma a nkala ta a gèɗ a ndohi Israel,

Jérémie 44:28

Ndohi man ta hu ta te ri tsakwal, ta da shkè ta a deɓa te kokwar Egypte, a ta shkè a kokwar Juda; njèkè ndohi kètè genè; A njèkèdi ndohi Juda man ta do a kokwar Egypte, aman ta nzi a pa, ta da shinèʼa: ma ngè man nzuraʼa: ma ga ɗè, ɗè ma tenga ɗè?

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Michée 5:9

Ndo nzi pèc pècèk a gaɗa: A pats nasa, i da dzomko plèsh auda a sam ngaya, i da gedasseda kiki var ngaya aussa.

Michée 7:10

Mayam ga da rkaʼa, da ngots hori a dai, nengaʼa man a gaɗayè: Ndo nzi pèc pècèk, Zhiklè ngaya, tema? Di ga a da wuffè a géɗ nengaʼa, man ta mbatsaha a sak ara koskosi a civèɗ.

Michée 7:16

Ndohi herkeda ta da rkaʼa, a ta ngècè hori a dai a géɗ wuɗi tenga tèlèba. Ta rzl ta, ta winè ma asaɓai, zlembaɗ tengaʼa ndèʼa.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Matthew 25:41

Te deɓaʼa a da gaɗa ta tengahi ba man ta te civèɗ ri gula: Kinè ndohi mphomdaʼa, vo-do vogwa, man ntila a gèɗ bi-madzagai a golahi na, man a mbècè azɓai a mèdèp.

Luke 16:23

Skwa a ndza na a vata a sam mʼmetsai. A mpu di a Zhiklè, a nrka Abraham dra, ta nza a Lazare.

Actes 28:27

Aman ndav ndohi haha nsassaya, a ta ndè zlembaɗ dislèʼa, a ta pizlè di ticèʼa, a géɗ man pats ngiɗè ta rka di asaɓai, a ta tsena zlembaɗ asaɓai, a ndav tengaʼa a sun asaɓai, a ta menkada deɓa ɓai aman i mbél ta.

2 Thessalonians 1:8

te nèʼèn vogwa, a ga ta kita a ndohi man ta sun Zhiklè ɓai, a ndohi man ta fa na gèɗ a ma mbelaʼa Bi nga Yèsu ɓai.

Hébreux 10:27

Sèi nga zhèr skwi man mwuɗitpa holholaʼa, kita, a vogwa man a ndi skwi tèlèba, a mayamhi tèlèba.

1 Peter 3:16

Va-mbeɗa ta a ma a ndav nlüɓekwaʼa, a maya nlèɓèslè. Va-gu aman mèzhèɓ ndav kinè amba, a, tengahiaʼa man ta tsa kinè derngasl, man ta ngwossaha maya nshèffè kinè man amba te Kristi, ta ngècè hori a dai.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.

Apocalypse 3:9

Na haha i woy a i gi aman ndohi te gi njèngè ma Sadan, man ta gaɗa, nga ndohi Juif, a ta goɗ a ncèkèlma, a ta da shkè, a ta kèlèhai a deɓ sak ngaya, a ta suna ara man i woy ka.

I Samuel 6:9

Aman va-wora: Aman a dè, a gshè civèɗ Beth-Shémesh, nga suna, Ndo nzi pèc pècèk, nengaʼa man a ga nga matakwan mbiaʼa haha. Man ɓai, nga suna, skwi ntse nga, Zhiklè a ngu ka ɓai, skwi nʼnga nga, a ga nga kata genè.