A mèdèp ndo a da gi gi te pa azɓai, a ndohi te verzi verzi ndohai ta nzi a pa azɓai. Ndohi Arabes ta gi gi a pa azɓai, a ndohi nwèr skwai ta lè ta skwihi a pa azɓai.
Zhiklè a ngeda ri nengaʼa a géɗ woyam mbiaʼa, a gudzede ta kokwar-bihai. Ndo nzi pèc pècèk a ngoɗ a géɗ Canaan, man ta mbeɗda zlazlar ko-kwar nengaʼa aussa:
Kokwar mbiaʼa a nza, ndohi ta jèkeda, ndo a te pa ɓai, nʼnza a pa ara hèshèkèɗ. Kra zlè a da ndi mandi te pa, a mènè a pa, a ndeda vah ntustusaʼa tèlèba a ma.
Aman gi bihi nʼnde na a dikai. Nhèzlèwè kokwar klèng, ko kuda ɗiak a cinè te pa azɓai. Gi ngurèʼa a ma ntskal a nʼnde na hi ara dala ambalai. Skwi dak a wuffè te pa, skwi kuɗom a ndi mandi a pa,
Skwi ndümè ka hulko te kokwar sa, a ka peda a dal luma, a ka fa na vogwa a kokwar a skwi ndümè nengaʼa tèlèba. A mèdèp a Ndo nzi pèc pècèk, Zhiklè ngaya. A ndi a dikai, ta dèdèya a pa te deɓaʼa asaɓai.
A ta peda hutsoɗ a gèɗ, a ta boho a ta kuɗiaʼa, a ta lèyèʼa, a ta gaɗa: Wobau, wobau, ka kokwar mbiaʼa; a sam ngaya ndohi tèlèba, a wurom a géɗ iyam, ta ndaʼa a ndohi mèshèlè te nwèl va ngaya, a pats staɗ ngedas na ma!