Esaie 25:1 - Ma Zhiklè

¹ Ndo nzi pèc pècèk, ka Zhiklè ga! I woya a i nzal ka, i woya a i slébèrdè nzlembaɗ ngaya. Ka gu nrkedai. Skwi man ka hur daga zlèzlèa, skwi nzuraʼa a vava.

Esaie 25:1 ပူးပေါင်းရင်းမြစ်များ

Psaumes 111:4

A ngeda nrkedi nengaʼa aman a ta hérèʼa. Ndo nzi pèc pècèk a woy ndo, a ndo a sia te va.

Psaumes 118:28

Ka Zhiklè ga, i woy a i shida ka gèɗ. Bi Zhiklè ga, i woy a i nzal ka.

Psaumes 145:1

Dimèsh nshidgèɗ. Man a David. I woy a i nzal ka, Zhiklè, bi ga! A i slébèrdè nzlembaɗ ngaya a ma ma a mèdèp.

Psaumes 146:2

I woy a i slébèrdè Ndo nzi pèc pècèk, ha nshèffè ga a ndev na. I woy a i sli dimèsh a Zhiklè ga, aman i nzi a nshèffè dai.

Psaumes 31:15

Aman iyè, i pi ndav a ka, Ndo nzi pèc pècèk. I gaɗa: Ka Zhiklè ga.

Psaumes 40:5

Mwuffè a sam ndo man a pi ndav na a Ndo nzi pèc pècèk, a ndè a verzi ndohi nfi va azɓai, a ndè a verzi ndohi ncèkèl-ma azɓai.

Psaumes 40:6

Ka gu nrkedi kumba a sam nga, ka hur skwi a géɗ nga kumba, Ndo nzi pèc pècèk, Zhiklè ga. Skwi man a lèmdè va a ka, azɓai. I woy a i ngredè nrkedi auda, a i gèɗèʼa; aman i slaha ɓai, ta kumba, ta ngrè azɓai.

Psaumes 46:10

a til ma var tʼherkeda tèlèba, a pasla lèkèɗ, a pasla tsakwal, a peda gambar a vogwa.

Psaumes 75:2

Nga slebarde ka, bi Zhiklè, nga slebarde ka; a tengaʼa man ta bèhè nzlembaɗ ngaya, ta njè ma nrkedi ngaya.

Psaumes 78:4

Ta nghedaha a sam wudahi tengaʼa ɓai, ta njè ta a ndohi te verzi tengaʼa, skwi nʼnzalaʼa man Ndo nzi pèc pècèk a gau, a wuɗi nengaʼa, a nrkedi nengaʼa.

Psaumes 89:1

Dimèsh Ethan, ndo Ezrach.

Psaumes 98:1

Psaume. Va-sla na dimèsh mɓuaʼa a Ndo nzi pèc pècèk, aman nengaʼa a ngau nrke-dai a ri mandi na, ri nengaʼa nkezlaʼa!

Psaumes 99:5

Va-nzala Ndo nzi pèc pècèk, Zhiklè nga, va-kalahai a deɓ skwi nfi sak nengaʼa! Zhiklè nkezlaʼa!

Exode 15:2

Ndo nzi pèc pècèk, wuɗi ga, dimèsh nslébèrdè ga, a nde na a skwi mbelyè. Nengaʼa Zhiklè ga, i woy a i shida na géɗ, Zhiklè bab ga, i woy a i nzalaʼa.

Esaie 11:5

Va nengaʼa ndzawaa ngi-zuraʼa, hwaɗ nengaʼa mʼmana a nlèɓèslè.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 26:13

Ndo nzi pèc pècèk, Zhiklè nga, bihi ngiɗè ta gi bi a géɗ nga. Nga sen ka staɗgenè, nga slébèrdè nzlembaɗ ngaya.

Esaie 26:8

Ko a civèɗ kita ngaya, nga zhèr ka, Ndo nzi pèc pècèk. Ndav ga a woya a shid gèɗ, a slebarde ka.

Esaie 28:29

Skwi haha ba a nshkè te Zhiklè bi mbiaʼa. Skwi man nengaʼa a mhuro, skwi mbelaʼa. Maya nengaʼa mbiaʼa.

Esaie 40:27

Kinè ndohi Jacob, a ndohi Israel, kin gèɗè èhèmè: Civèɗ ga nʼnghedaʼa a sam Bi Zhiklè; ngi-zuraʼa ga bezaw bezawaʼa a sam Zhiklè ga.

Esaie 46:10

Tʼhinkaɗ na i njè kinè skwi man a da gai; halaʼa, man nʼnga di ɓai. I gaɗa: Skwi man i huro, i giaʼa; skwi man i woya a i giaʼa, i rufaʼa.

Esaie 46:11

I baha na ndo man ara mangayak te verzi gai, a i gi skwi a vna ara man i huro. Aman i goɗo, a shkè; i huro, a i gi arsa.

Esaie 49:4

Aman i gada: I ngeza ambalai, i keɗa ndhtsan a gèɗ ambalai; aman Ndo nzi pèc pècèk a gi kita ga, skwi ntul ga te ri Zhiklè ga.

Esaie 49:5

Aman Ndo nzi pèc pècèk, man a ngiyè a ɓèl na, man i tʼhwaɗ mam ga dai, a woy aman i hulkoɗi ndohi Jacob a deɓa a sam na, a i ɓicka ta ndohi Israel a sam na. Ndo nzi pèc pècèk a nzalyè; Zhiklè ga, nengaʼa wuɗi ga.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 7:13

Te deɓaʼa Esaie a ngaɗa: Va-tsena, ɗakwa, kinè ndohi gi David! Kin ngez ta ndohi na, a slra kinè ɓai, a kin ngézhè Zhiklè ga a va ɗè?

Joel 2:26

Kin ngézhè va a skwi nʼndai, a kin da slébèrdè nzlembaɗ Ndo nzi pèc pècèk, Zhiklè kinè, man a ngu nrkedi a sam kinè.

Nombres 23:19

Zhiklè nara ndo ka bai, a cèkèlma azbai, kra-ndo ka bai, man a mindè ma na a deɓa. Skwi man a mpasla ri a pa, a rufaʼa azɓi dè? Ma man a ngoɗa, a giaʼa azɓi dè?

Ephésiens 1:11

Te nengaʼa nga da ngècè skwi Zhiklè, nga man a mpu saba nga, ara man a huro a géɗ skwi tèlèba man a woya a ngiaʼa.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.

Apocalypse 19:11

A i rka zhiklè mwinèa: na haha, plèsh nslekaɗaʼa. Nzlembaɗ ndo plèsh: ‘nlèɓèslèʼa a nzuraʼa’, man a gi kita, a gi var te ngi-zuraʼa.

Apocalypse 7:12

a ta gaɗa: Amen, nshid gèɗ, a nslébèrdè, a maya, a susai, a nʼnjèlè, a wuɗi-bai, wuɗai a Zhiklè nga te nhinkaɗ na a mèdèp. Amen.