Esaie 24:6 - Ma Zhiklè

⁶ Gar haha ma mphömdè herkeda a gedassa herkeda, a ndohi herkeda ta pil gèɗ mali ta. Vogwa a ndi ndohi herkeda a ma, njèkè kèshkata genè.

Esaie 24:6 ပူးပေါင်းရင်းမြစ်များ

II Rois 24:12

Jojakin, bi Juda, a mshkè auda a sam bi Babylone, nengaʼa a mam na, a golahi nengaʼa, a bihi nengaʼa, a ndohi mizline nengaʼa, ta pu va ta a ri ta. A bi Babylone a ndzawaʼa, man a ngu bai, te mvi 18.

II Rois 25:12

Bi sojè a njèka ta ndohi nkamaʼa, tengaʼa man ta pizhè gi lak, a ta pizhè gi dau.

Esaie 1:31

Ndo mbiaʼa a da ndi lèmèlèmè ara kda gogumai, a mizlinè nengaʼa a da gi lèmèlèmè ara nwurcè vogwa. Cèw ba vogwa a da ndiaʼa, ndo mbècè vogwa azɓai.

Esaie 1:9

Aman agassa Zhiklè bi mbiaʼa a njèkaha nga kèshkata ɓai, ar nga lèmèlèmè ara Sodome, ara Gomorrhe.

Esaie 34:5

Tsakwal Ndo nzi pèc pècèk a pombaz a pa, a nkeɗa Edom, ndohi man a mpe ta a ri a ngédèshè, a mpe ta a ri a kita.

Esaie 43:28

Gar haha bihi mizlinè Zhiklè, sèi i rka ta ara ndohi nderda Zhiklè. I jè-keɗa Jacob a ri a ndohi man ta phömdèʼa, a Israel a ri a ndohi man ta dérɗèʼa.

Esaie 5:24

Gar haha lèmèlèmè ara nèʼèn vogwa a ndi düsh dau, a vogwa a ndeda ksof a ma hüyom, zluzlor tengaʼa a da nde na a ndefèn vogwa, a nwurzhè a nɗuz na ara mbokom. A géɗ man ta dérɗè ma kita Zhiklè bi mbiaʼa, a ta kwola ma Zhiklè Israel Zhiklè bi mbiaʼa, a ta kwola ma Zhiklè Israel nkezlaʼa,

Esaie 9:19

Ta gi metsar tʼuna, mi a keɗ ta genè. Ta ndi skwi tʼuna, a ngeza ta ɓi genè. Ndo staɗ staɗ tèlèba ta ndi va ta a ma a dai.

Jérémie 12:4

Kokwar da loyo, skwi mɓayaʼa te dak da gwor na, ta ngèmè? Skwi dak a ɗiakihai ta azɓai a géɗ shèwa ndohi na, man ta gaɗa: Zhiklè a rka civèɗ nga azɓai.

Jérémie 5:14

Gar haha Zhiklè bi mbiaʼa a goɗ aranta: A géɗ man kin goɗ ar haha, i gi aman ma ga te ma ngaya a gi ara vogwa, a ndohi ta ndi ara shègwa, a vogwa a ndiaʼa.

Ezéchiel 5:3

Aman manda gwots kèshkata a ma maslaka ngaya.

Lèv. 26:22

I pra kinè skwi dak a va, ta da parama kinè wud kinè, a ta ndiv skwi kinè, ta ndiv kinè, a ndo a shèwèlè te kokwar kinè azbai.

Mal. 2:2

Aman kin fi zlembaɗ azɓai, a kin fi gèɗ a kin njèl nzlembaɗ ga azɓai, i pra kinè ma man a phomde kinè a gèɗ, a i ngwode mpshè ma kinè a ma mphomdaʼa. Halau, i da phomde kinè, te man kin fi gèɗèʼa azɓai.

Mal. 3:9

Ani haha i phomde kinè, te man kin gi rai a sam ga, kin tèlèba.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Mal. 4:6

Nengaʼa a da ngwodko ndav babhi a sam wud ta, a ndav wudahi a sam bab ta; man ɓai i da shkè, a i phomde herkeda tèlèba.

Matthew 27:25

A ndohi tèlèba ta mbeɗa na a ma: Pombaz nengaʼa da shkè a gèɗ nga, a gèɗ wudahi nga!

Matthew 7:14

A ntamagi nlühaʼa, a civèɗ nlühaʼa, man a daʼa a nshèffè; ndohi man ta ngècèʼa matskata genè.

Romans 9:27

Esaie a bèhè a géɗ Israel: Ko wudahi Israel ta mènè ara wyak a ma woyam mbiaʼa, sèi njèkèɗiaʼa kèshkata ta da mbél ta.

Deutéronome 28:62

Nshèlèkuraʼa kin kumba, ara bantihai te giɗfèk; te deɓaʼa kin kèshkata genè, a géɗ man kin fu gèɗ a daʼai Ndo nzi pèc pècèk, Zhiklè kinè, ɓai.

Deutéronome 4:27

Ndo nzi pèc pècèk a da ksar kinè a va ndohi herkeda, njèkè kinè kètè genè te va ndohi herkeda man Ndo nzi pèc pècèk a de kinè a pa.

2 Peter 3:10

Aman pats Bi Zhiklè a shkè ara ndo metsar. Te deɓaʼa giɗfèk a tuw na toa, skwi ntil herkeda a ndiv na a sam vogwa mbiaʼa, a herkeda a skwi a géɗ herkeda, vogwa a da ndiaʼa.