Esaie 24:18 - Ma Zhiklè

¹⁸ Ndo man a hi auda a sam wobau, a kèlèhi a vèvèɗ; ndo man a shkè auda te vèvèɗ, teɓa a slawama na sak. Nvakavar te géɗèʼa mwinèʼa, verzi herkeda a gudzai.

Esaie 24:18 ပူးပေါင်းရင်းမြစ်များ

Genèse 19:24

A Ndo nzi pèc pècèk a mwusheda vogwa a skwi mvècè vogwa a gèd Sodome a Gomorrhe, ara iyam man a shkè te zhiklè,

Genèse 7:11

Mvi Noé 600, a ki staɗ, a mʼmèn 17; a pats nasa iyam a ntsoko gèɗ auda te vèvèɗ te herkeda, a nvakavar te giɗfêk a mwin na,

II Rois 7:2

A bigol bai, nengaʼa man a ngu va a vna, a mbeɗa na a ma ndo Zhiklè, a ngaɗa: Ko Ndo nzi pèc pècèk a nzlünko giɗfèk, skwi haha a gi ar haha azɓai. Elisée a ngaɗa: Skwi haha ka da rka a di mènè; aman ka, ka da tèr nengaʼa azɓai.

Job 20:24

Aman a hi na te ri tsakwal, ta ɓèrèʼa a sulom,

Psaumes 18:15

A mɓorko sulom nengaʼa, a ndzar ta ndohai, a nzlündkoɗi ndidiyam, a ndzam ta.

Psaumes 18:7

Aman i gu zlau, i tsu ri a Ndo nzi pèc pècèk, a i kuɗau a sam Zhiklè ga. A nengaʼa a ntsena daʼai ga te gi nengaʼa, a kuɗ ga a ntsena na a zlembaɗ.

Psaumes 18:8

Herkeda a ngede va, gagagaʼa, a verzi giɗfèk a ngudzau, ta giɗè va a gèɗ ndzoan Zhiklè.

Ecclésiaste 9:12

Ndo a sun man tiɗè sam skwi a ma ɓai; lèmèlèmè ara klèf man jir a gshèʼa, ɗiak man votok a gshèʼa, aranta ndohi herkeda ba, pats staɗ matakwan a gs ta. Man a nkala ta va, ta sun ɓai.

Esaie 13:13

A géɗ nengaʼa giɗfèk a da gudzai, a herkeda a da gi zlau a samaʼa, a sam ndzoan Zhiklè bi mbiaʼa, a pats ngi ndav nengaʼa man a vècè ara vogwa.

Esaie 2:19

Va-hau a gi za, va-ngheda va kinè a vèvèɗ, te ri zlau Ndo nzi pèc pècèk, a sam nʼnjèl bi nengaʼa mbiaʼa, aman a slèm-bèɗè, a gudzeda herkeda.

Esaie 2:21

A ta da hi ta a slerɗi kwa, a slrats kwa, te ri zlau Ndo nzi pèc pècèk, a sam nʼnjèl bi nengaʼa mbiaʼa, aman a slèmbèɗè, a gudzeda herkeda.

Esaie 42:22

Aman anai, ndohi haha, metsarhi ta helama ta skwai, ndo ntakaha ta azɓai. Ta dzaw ta a gi za, a ta pizl ta a gi dangai, ta te ri me-tsarhai, ndo ntakaha ta azɓai. Ta ndeva-ma ta skwi ta, ndo a gaɗa: ckoɗa deɓa, azɓai.

Esaie 8:14

Nengaʼa a ndi a sam nkezlaʼa, a kwa ntsama ta sak a ndohai, a go-dokwom nkala ta a sak ndohi gi Israel cèw, a gaɗda a ɓalai a ndohi Jérusalem.

Jérémie 48:43

Zlau, vèvèɗ, ɓalai a zhè, nasa skwi ngaya, Moab, Ndo nzi pèc pècèk a gaɗa.

Jérémie 48:44

Ndo man a hi te ri zlau, a kèlèhi a vèvèɗ. Ndo man a nzevkaɗauda te vèvèɗ, ɓalai a mbéɗèʼa. Aman tiɗè sam kita Moab ma, Ndo nzi pèc pècèk a gaɗa.

Lamentations de Jérémie 3:47

Zlau a mʼmetsai, skwi man nga ngotso, skwi ngedas nga, skwi nzede nga.

Ezéchiel 11:8

Kin gi zlau tsakwal; a i zlindè tsakwal a sam kinè! Bi Zhiklè a gaɗa.

Ezéchiel 12:13

I da pa na gadda ga a hai, a i gshè a vna. A i daʼa a kokwar Babylone, a kokwar Chaldée. Aman nengaʼa a da rka ɓai. Te pa a da metsi na.

Ezéchiel 15:7

I ngwoda ta gèɗ a va. Ta mbelka ta auda te vogwa, a vogwa a nde ta ma zaʼa, a kin da suna, i Ndo nzi pèc pècèk, man i da ngwoda ta gèɗ a va,

Amos 5:18

Wobau a géɗ tengaʼa man ta woy pats kita Ndo nzi pèc pècèk a shkè. Pats Ndo nzi pèc pècèk a takaha kinè te mè?

Amos 5:19

Nengaʼa ruva, skwi nhél sam ka ɓai. A da gi ara ndo man a hi na a marizhèlè, a ta zli gèɗ a kokoya. Aman a ndo a gai, a ngu va a dergai, a zhüzhok a njo.