Esaie 24:14 - Ma Zhiklè

¹⁴ Tengaʼa ta wuffè a ta sli dimèsh. Ta njèl Ndo nzi pèc pècèk a ma woyam mbiaʼa:

Esaie 24:14 ပူးပေါင်းရင်းမြစ်များ

Esaie 25:1

Ndo nzi pèc pècèk, ka Zhiklè ga! I woya a i nzal ka, i woya a i slébèrdè nzlembaɗ ngaya. Ka gu nrkedai. Skwi man ka hur daga zlèzlèa, skwi nzuraʼa a vava.

Esaie 26:1

A pats nasa ndohi kokwar Juda ta da sli dimèsh haha: Nga ngots kokwar mbiaʼa nʼngala te pa ndadeɓa cèw, a nga nzi ɓarɓararaʼa.

Esaie 27:2

A pats nasa, ta da sli dimèsh a géɗ gi wof barassa mbelaʼa:

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Esaie 40:9

Ka man ka hada na ma mbelaʼa a Sion, do za ngurèa! Boho a wuɗai, ka man ka hada na ma mbelaʼa a Jérusalem! Ka goɗ a zlau bail Gaɗa ta kokwarhi te Juda: Na haha, Zhiklè kinè!

Esaie 44:23

Kinè gidfèkihai, va-gu langlangaʼa; aman Ndo nzi pèc pè-cèk a ngau. Kinè herkeda tʼhwaɗaʼa, va-wuffa! Kinè zahai, a wof nhayaʼa, a wofhi ngaya tèlèba, va-hazlawa a mwuffè! Aman Ndo nzi pèc pècèk a sumka Jacob a deɓa, a ngreda nʼnjèl na auda a sam Israel.

Esaie 48:20

Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 54:1

Hazlawa a mwuffè, ka delai man ka ya kra ɓai! Da wuffede ka, ngwossa man ka disha kra ɓai! Aman ngwoz man nya kra ɓai, wudahi nengaʼa a fena wudahi man a baki na zhè, Ndo nzi pèc pècèk a gaɗa.

Esaie 60:5

Ka da rkaʼa, a ka wuffè, ndav ngaya a gi langlangaʼa, mʼmana tʼhi ma. Skwi mèshèlè a géɗ iyam mbiaʼa a ndikè a sam ngaya a skwi mèshèlè ndohi herkeda ta da hulkoɗi a sam ngaya.

Jérémie 30:19

Te pa dimèsh nslèbèrdè, ma nʼngwè-shè, a shkè auda. I gi a ta mènè a vata, ta mènèhi azɓai. I da nzal ta, ta derde ta azɓai.

Jérémie 31:12

Ta da shkè a ta da hèzlèwè a mwuffè a géɗ za Sion. Ta da hakaɗai a sam pombi Ndo nzi pèc pècèk: ara dau, a barassa, a mbar, a tambakihi a zlèhai. Ta da gi ara gi lak man ta gedza na iyam, a ta tèkwèn skwa te deɓaʼa asaɓai.

Jérémie 33:11

ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Jérémie 51:10

Ndo nzi pèc pècèk a nʼngreda ngi-zura nga auda; vo-washkè, ngo-njokoy te Sion, skwi man Ndo nzi pèc pècèk, Zhiklè nga, a ngau.

Zacharie 2:10

Kokwar Sion, wuffa, gu langlangaʼa! Na haha i shkè a i nzi a ndev kinè, Ndo nzi pèc pècèk a gaɗa.