Esaie 23:13 - Ma Zhiklè

¹³ Na haha kokwar ndohi Chaldee; halaʼa, nʼazɓai. Ndohi Assyrie ta ngau. Ta ramda gi ngurèʼa a pa, a kokwar mbiaʼa, a gi bihai, ta mbeɗda Tyr aussa.

Esaie 23:13 ပူးပေါင်းရင်းမြစ်များ

Genèse 11:28

Haran a myu Lot. A Haran a mʼmets na, aman Térach, bab nengaʼa a zhè a nshèffê dai, te kokwar Ur, te Chaldée, kokwar bab na.

Genèse 11:31

Térach a nhul Abram, kra na, a Lot, kra Haran, kra kra na, a Sarai, ngwoz kra na, ngwoz Abram, kra na, a nde ta auda te kokwar Ur te Chaldée, aman ta de a kokwar Canaan. A ta shkè Charan, a ta nza te pa.

Genèse 11:9

Gar haha nzlembaɗ kokwar sa, Babel, a géɗ man Ndo nzi pèc pècèk a ndzakaɓama ta nèʼèn a ndohi herkeda tèlèba te pa, a venda ta gèd a géɗ herkeda tèlèba.

Genèse 2:14

Woyam mamakaraʼa, nzlembaɗ na Hiddékel. Nengaʼa a hi te civèɗ mvèng pats a Assyrie. Woyam mafaɗaʼa, nzlembaɗ na Euphrate.

II Rois 17:24

Bi Assyrie a mbaha ta ndohi te Babylone, te Cutha, te Avva, te Hamath, te Sepharvaim, a mva ta herkeda te Samarie a tengaʼa te di man a ndohi Israel, a ta co kokwar-bi Samarie a kokwar ta, a ta nza a herkeda sa ara kokwar ta.

II Rois 20:12

A pats nasa, Berodac-Baladan, kra Baladan, bi Babylone, a nzlinda na ɗèlèwèr a skwi mbalai a bi Ezéchias, a géɗ man a ntsena, nengaʼa mbelakaɓai.

II Chroniques 33:11

Te deɓaʼa Ndo nzi pèc pècèk a nzlinda ta bihi ndohi var bi Assyrie a va, a ta gso Manassé, a ta dzawaʼa, a teɓa züdo, a ta feda a dangai,

Job 1:17

Ngèd na, ngiɗè a nshkè, a ngaɗa: Ndohi Chaldée ta poko nʼngélè makar, ta kala ta va a zlugumihi ngaya, a ta helda ma, a ta bazl ta ndohi mɓer ta a tsakwal. I staɗ i mbelkaɗ ga a i hakaɗai a i da ngra ka.

Psaumes 72:9

Ndohi ngi shèwa sèi ta kèlèhai a deɓ sak nengaʼa, a ndohi mayam nengaʼa sèi ta bhöm mberfenèk.

Esaie 10:5

Wobau a géɗ ndohi Assyrie! I fu a gada mbèzl va ga, a mènèwèd man i ndèh ndohi a vna.

Esaie 10:7

Aman Assyrie a nhera te gèɗ arsa ɓai, a woya te ndav arsa ɓai; aman a nhur a ngedas ta ndohi herkeɗa klèk, kètè genè ka ɓai.

Esaie 13:19

Skwi haha a da gi te Babylone, kokwar-bi man a fena kokwar-bihi ngiɗè tèlèba. Nʼnjèlè man ndohi Chaldée ta fi va a vna, a da gi lèmèlèmè ara Sodome a Gomorrhe, man Zhiklè a ngedas ta.

Esaie 13:21

Sèi skwi dak a nzi te pa. A gihi tengaʼa, zhèrèu a hayda va a pa, a madzagihi ta tsi mɓarwasl te pa.

Esaie 18:6

I jèke ta a ri paramagerzihai a skwi dak tè-lèba, ko ngwar, ko via, ta nzi a pa.

Esaie 43:14

Ndo nzi pèc pècèk, man a mbel kinè, Zhiklè Israel nkezlaʼa, a goɗ aranta: I zlindè ndohi var a kokwar Babylone, a ndohi tenga tèlèba ta hi ta auda a sam ta, a i ngwoda mwuffè ndohi Chaldée a wobau, a gèɗ kinè.

Ezéchiel 23:23

ndohi Babylone, ndohi Chaldée tèlèba, Pekod, Shoa a Koa, a ndohi Assyrie tèlèba a nda tengaʼa, golahi mbelahiaʼa tèlèba, bihi a tsuvomhiaʼa, bihi sojè, mbibihiaʼa, tèlèba ndohi plèsh.

Ezéchiel 29:18

Ka ndo, Nebucadnetsar, bi Babylone, a mva ta mizlinè mwuɗitpa a ndohi var nengaʼa, a géɗ Tyr. Gèɗ ndo staɗ staɗ tèlèba kurndazlndazlaʼa, nkelbadza mɓerzl na. Aman ko nengaʼa, ko ndohi var nengaʼa, ta ngatsa skwi ntul ta bai, a géɗ mizlinè man ta gu te Tyr.

Daniel 4:30

Bai a ngaɗa: Nasa Babylone, kokwar mbiaʼa, man i rom a sam nʼnzi bi ga, a wuɗi ga mbiaʼa, a nʼnjèl wuɗi bi ga!

Habakuk 1:6

Na haha, i da baha ta ndohi Chaldée, ndohi mwuɗitpa, ndohi shèwa, man ta hi a verzi herkeda, a ta duma gihi man a tenga ka ɓai.

Actes 7:4

A nengaʼa a njèkeda kokwar Chaldée, a nʼnza a Charran. Aman bab nengaʼa a mʼmets na ma, Zhiklè a nckoɗa a kokwar haha, man kin nza te pa antanta.