Esaie 22:5 - Ma Zhiklè

⁵ Pats man Bi Zhiklè bi mbiaʼa a mpra ta zlau a va, a nzler ta, a ndzakaɓ ta. Te slrats za Hinnom a mʼmbeɗa zlazlar, a ta tsi lalau a der za.

Esaie 22:5 ပူးပေါင်းရင်းမြစ်များ

II Rois 19:3

Ta gada na: Ezéchias a goɗ arsa: A patsna, pats matakwan, a ndzoan, pats man ta derde nga. Pats nyi wuda ma, wuɗi njka asaɓai.

II Rois 25:10

Ndohi var Chaldée tèlèba man ta zhè a verzi bi sojè, ta mbeɗda zlazlar Jérusalem a hai.

Esther 3:15

Ndohi sak to do tsam tsam, ara man bi a goɗo. A ta ngreda ma bi te gi bi Suse. Bai a Haman ta nza tʼhai a ta si zom. A kokwar Suse tèlèba a lèyè.

Esaie 10:6

I hilèʼa, a i ndèhè ndohi mphö-mè a vna. I zlindèʼa a sam ndohi herkeda man i gi ndav a géɗ tengaʼa, a da düm skwi te pa, a gi metsar te pa, am batsaha ta a civèɗ ara koskosai.

Esaie 22:1

Nhèdè ma a géɗ slrats za Hinnom. Kin tèlèba, kin tivè a géɗ gai, nʼnga kine mè?

Esaie 25:10

Aman mpshè ma Ndo nzi pèc pècèk a da nzi a géɗ za haha. Ndohi Moab, Ndo nzi pèc pècèk a da mbatsaha ta a sak a sam nʼnzi ta, ara man ta gècè wujèɗ a kuza te diaʼa.

Esaie 37:3

Ta gaɗa na: Ezéchias a goɗ arsa: A patsna, pats matakwan, a ndzoan, pats man ta derɗe nga. Pats nyi wudahi ma, wuɗi man ta jkaʼa azɓai.

Esaie 5:5

Anai i woya a i ngra kinè skwi man i da gi a gi wof barassa ga. I zlinè civèɗ a pa, i ptsoda zlazlar aussa, a i fa na vogwa.

Esaie 63:3

I kala nyi wof a géɗ ga, a ndohi ngiɗè ta takahayè ɓai. I kal ta, i gats ta hi a sak a ndzoan ga. A iyamaʼa a nguckay a maslaka ga, a ntsa-tsaslay maslaka.

Esaie 63:6

I mbats ta ndohi herkeda a hi a sak a ndzoan ga. I kerd ta a pa a sak a ndav, a pombaz tengaʼa a nhu a herkeda.

Jérémie 30:7

Wobau! Pats mbiaʼa, ngiɗè ngar nengaʼa azɓai! Nlèyè mbiaʼa a sam Jacob; aman nengaʼa a da shkè auda te pa, a di a mbelda auda te pa.

Lamentations de Jérémie 1:5

Ndohi nʼnga ta matakwan ta gi a ngul ta, mayamhi tengaʼa ta nza amba amba, te man Ndo nzi pèc pècèk a nkalde Sion a matakwan, a géɗ mali nengaʼa tèlèba. Wudahi nengaʼa ta hel ta a ɓèlè, mayam tengaʼa a pe ta a ma.

Lamentations de Jérémie 2:2

Bi Zhiklè a ngedassa sam nwèr skwi Jacob tèlèba, a sia te va azɓai, a mbeɗda zlazlar kokwar Juda a hai a ndav. Kokwar-bai a wud bihi nengaʼa a nkalde ta hai, a nderɗe ta.

Lamentations de Jérémie 2:8

Ndo nzi pèc pècèk a mhur a woya a ngedassa zlazlar kokwar Sion, a mpra teɓa nlivè skwai, a mpra ri nengaʼa, aman a gédèshè skwai. Zlazlar kokwar, a kokwar nʼngala te pa, sèi ta lèyè, ta mbeɗ ta tèlèba.

Ezéchiel 7:7

Di man a kinè ma, a ndohi kokwar! Tiɗè sama ma, patsa kalka ma, pats matakwan a géɗ kinè, pats mwuffè ka ɓai.

Osée 10:8

Mblom Israel a géɗ za ta gedas ta. Nkuɗdzarai a vatak a da grè a sam mblom tengaʼa! Ta da gada ta zahai: Va-pizla nga a pa! A ngègèɗhai: Va-mbeɗka nga a gèɗ!

Michée 7:4

Mwoy-ndo man ta woy ndo a vna, nara ncèkncèkè sulom. Ngi-zuraʼa tengaʼa nara zlazlar vatak. Pats man ta da war ka, a ta ga ka kita, kalka ma. Antanta ta gi zlau ma.

Sophonie 1:15

Pats nasa, pats ndzoan, pats ngedèshè skwai, pats matakwan, pats nzhidè skwai, ruva, di a rkè azɓai, vani sam téɗéɗikaʼa, vaɗ.

Matthew 24:16

ndohi te Judée, sèi ta hi ta a za,

Luke 23:30

Te deɓaʼa ta da gaɗa ta zahai: Va-wurzlka nga a gèɗ! A ta da gaɗa ta ngè-gèdhai: Va-mbeɗka nga a gèɗ!