Esaie 2:8 - Ma Zhiklè

⁸ Kokwar tengaʼa nʼndha a skwi mbèh skwai. Ta kalahi a deɓ sak skwi man ta gau, a skwi man ta rom a ri ta.

Esaie 2:8 ပူးပေါင်းရင်းမြစ်များ

I Rois 16:7

A Ndo nzi pèc pècèk a ngaɗa na Baescha a ndohi gi na, te ma Jéhu, ndo nhadka ma, kra Hanani, a géɗ skwi man ambaɓi tèléba man a gu a sam Ndo nzi pèc pècèk, a géɗ skwi man ri nengaʼa a ngau, aman a poko na gèɗ ndav auda a vna, lèmèlèmè ara ndohi gi Jéroboam ta gau, a Ndo nzi pèc pècèk a ngedas ta aussa.

II Rois 17:10

Ta Zlatseda kwa a mblom a géɗ za staɗ staɗ tèlèba, a verzi wof staɗ staɗ tèlèba man vahaʼa a wushè azɓai.

II Rois 17:16

Ta jèkeda ma nkwèr Ndo nzi pèc pècèk, Zhiklè tengaʼa, tèlèba, a ta vüɗo marihi cèw, a ta gu mblom, a ta tsu ri a bantihai, a kia, a pats, a ta dzodzor Baal.

II Chroniques 27:2

Jotham a ngau skwi nzuraʼa a sam di Ndo nzi pèc pècèk, lèmèlèmè ara Ozias, bab na, a gau. Aman a nda a gi Zhiklè ɓai. Ndohai ta ngwoda ndo ta genè.

Esaie 17:8

A pi di a vri man ri nengaʼa a ngau, a skwi man ri nengaʼa nroma, asaɓai, a woy skwi mbèh skwai a kwa man ta zlatseda a mblom asaɓai.

Esaie 26:13

Ndo nzi pèc pècèk, Zhiklè nga, bihi ngiɗè ta gi bi a géɗ nga. Nga sen ka staɗgenè, nga slébèrdè nzlembaɗ ngaya.

Esaie 37:19

Ta wusheda zhiklèhi mbèh skwi tengaʼa a vogwa. Tengaʼa Zhiklè ka ɓai, sèi skwi man ri ndo a ngau, wof a kwa. Skwi man ta slaha ta gedassaʼa.

Esaie 40:19

Ngwozla man a sun nrèm vrai, a rèmèʼa, a ngwozla nviɗè guro a mbèda guro a deɓaʼa, a pa na cirèɓ verzhègenè a va.

Esaie 41:29

Na haha, tèlèba ndohi ambalai; skwi man ta gia, skwi ambalai; kwa man ta zlatseda ara mblom, skwi ambalai.

Esaie 57:5

Kin gi wai a sam mʼmbèh fakalau, te verzi gagaɗ, te verzi wof mèmè, a kin zlama ta daʼai a wudahi kinè te slrats te gi za.

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 11:13

Aman zhiklèhi mbèh skwi ngaya kumba, Juda, ta kokwarhi ngaya. Sam mʼmbèh skwi ngaya man hori te pa, ta zhè a civèɗ Jérusalem tèlèba, sam mvi skwi a Baal.

Jérémie 2:28

Zhiklèhi ngaya man ka ram ta, ta tema? Da slambaɗa, da takaha ka a pats matakwan ngaya! Ara man kokwar ngaya kumba, zhiklèhi ngaya ba kumba, kokwar Juda!

Osée 12:11

A i gaɗa ta ma ga a ndohi nhadka ma, i ngra ta ma te nshunè, i ngra ta skwi a ma ndohi nhadka ma.

Osée 13:2

a ta bazl ta. Antanta ta gi mali holholaʼa, ta gi zlèhi mʼmbèh skwai a verzhègenè, a ta viɗè mèzhèɓ skwi ta. Tèlèba ngwozlazlihi a ngau. Ta gaɗa: Na haha Zhiklè! Tengaʼa ndohai man ta zli skwai, ta kalahi a deɓ sak zlè.

Osée 14:3

Assyrie da takaha nga ɓai, nga da nzi a deɓ plèsh azɓai, a nga da baha na skwi man ri nga a ngau: Zhiklè nga, azɓai. Ka man kra dikai a se ka te va.

Osée 8:6

Israel a ngu genè. Ndo nsun nvidè guro a ngau, nengaʼa Zhiklè ka ɓai.

Michée 5:12

I da cko mblom auda a sam ngaya, a zhiklèhi mbèh skwai, a ka da tsi ri a skwi man ri ngaya a ngau asaɓai.

Actes 17:16

Aman Paul a zhèr ta te kokwar Athène, ndav nengaʼa a hubètè, aman a rka kokwar Athène tèlèba, nʼndha a vrai a skwi mbèh skwai.

Deutéronome 4:28

Te pa kin da jèjèr zhiklè mbèh skwai, skwi man ri ndo a ngau, ko wof ko kwa, man ta rka di ɓai, man ta tsena zlembaɗ ɓai, man ta ndi skwa azɓai, man skwa a zhkèha ta azɓai.

Apocalypse 9:20

Njèkèɗi ndohi man ta bazl ta ɓai a skwi ngedassa haha, ta ngwode ndav ta ɓai a ta gu skwi ta genè, a ta jèka ntsi ri a bi mazdagi ɓai; ta tsu ri a zhiklèhi man ta gu a guro, a verzhègenè, a züdo, a kwa, a wof, man ta rka di ɓi genè, man ta tsena zlembaɗ ɓai, ta dè a sak azɓai.