Esaie 2:2 - Ma Zhiklè

² A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Esaie 2:2 ပူးပေါင်းရင်းမြစ်များ

Genèse 49:1

A Jacob a mbaha ta wudahi na, a ngaɗa: Va-ɓicko va, a i ngreda kinè skwi man a da ga kinè, a nʼndikèma nshèffè kinè.

Job 19:25

Iyè i suna, ndo nʼnzakay a deɓa a zhè a nshèffè, nengaʼa ndi-kè-ma ndo a géɗ herkeda.

Psaumes 102:23

aman ndohi herkeda ta da ɓicè va tèlèba a kokwar bihi ba, a ta gi mizlinè Ndo nzi pèc pècèk.

Psaumes 2:8

Dzhoɗo a sam ga, i da va ka ndohi herkeda a skwi nʼndi gi ngaya, kala verzi herkeda tèlèba ka ngècè a skwi ngaya.

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 22:28

Ndohi tʼherkeda tèlèba ta da her Ndo nzi pèc pècèk, a ta menkaɗa deɓa a sam na, a verzi ndohi herkeda tèlèba ta da kèlèhi a deɓ sak nengaʼa.

Psaumes 48:2

Ndo nzi pèc pècèk mbiaʼa, amba aman nga slébèrdèʼa, te kokwar Zhiklè nga, te za nengaʼa nkezlaʼa;

Psaumes 68:17

Kin zahai, kinè a gèɗ tsultsultsulaʼa, kin gi srak a géɗ za man Bi Zhiklè a woyaʼa a sam nʼnzi na, man Bi Zhiklè a da nzi a pa a mèdèp, èhèmè?

Psaumes 72:8

A da gi bai, a hinè te woyam mbiaʼa staɗ a ndè a woyam mbiaʼa ngiɗè, a hinè te woyam Euphrate, a ndè a verzi herkeda.

Psaumes 86:9

Ndohi herkeda tèlèba man ka ge ta, ta da shkè a ta da kèlèhi a deɓ sak ngaya a ta slébèrdè nzlembaɗ ngaya, bai, Zhiklè.

Psaumes 87:1

Psaume ndohi Koré. Dimèsh. Skwi man Ndo nzi pèc pècèk a mpau a gèɗ za nkezlaʼa, a woya kumba.

Psaumes 87:2

A woy ntamagi kokwar Sion, a fena gi Jacob ngiɗè tèlèba.

Esaie 11:10

A pats nasa ndohi man ta sun Zhiklè ɓai ta da menkaɗa deɓa a sam zluzlor Isai. A zluzlor Isai a gi a skwi malwuɗai a sam ndohi tèlèba, sam nʼnzi bi nengaʼa nʼnzala.

Esaie 25:6

Zhiklè bi mbiaʼa a da tila ta movar a ndohi herkeda tèlèba a géɗ za haha, skwi nʼndi ngraʼa, barassa nva a gai, skwi nʼndi laɓdekdekaʼa, barassa nva a gai, nɗizhèʼa.

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 30:29

Kin da sli dimèsh ara pats ngolala, ha ndikè a ma vaɗ. Ndav kinè a da wuffè ara ndo man shingelèk a ma na, a dè a za Ndo nzi pèc pècèk, za Israel.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 56:5

i woya a i hér ta te gi ga, a i slubarde nzlembaɗ ta tʼhwaɗ gi ga, a fena wudahi a dalahi ga. I woya a i va ta nzlembaɗ man a gédèshè azɓai a mèdèp.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Esaie 60:3

Ndohi herkeda ta hi a sam skwi nhél sam ngaya; a bihi a sam nhelaʼa aman a vèngè a géɗ ngaya.

Esaie 65:11

Aman kinè man kin jèkeda Ndo nzi pèc pècèk, man za ga nkezlaʼa mpca kinè a gèɗ, man kin va na skwi nʼndi a Gad, a kin ndha kokwi a kin va na Meni,

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Esaie 66:23

A mvèng ki ngiɗè, a mvèng ki ngiɗè, a pats nshèk va ngiɗè, a pats nshèk va ngiɗè, ndohi tèlèba ta shkè a ta tsi rai a sam ga, Ndo nzi pèc pècèk a gaɗa.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 23:20

Ndo nzi pèc pècèk a gi ndav, ndav nengaʼa a mènèhi azɓai, ha a rufa skwi na, a nʼnga skwi man a nhuro. A pats nʼndikèma skwai kin da cinè zuraʼa.

Jérémie 26:18

Michée te Morésheth a nhodko ma te va man Ezéchias, bi Juda, a ngaɗa ta ndohi Juda tèlèba: Zhiklè bi mbiaʼa a gaɗa: Sion a da ndi a dak man ta pizhè te pa, a Jérusalem a di a mbeɗ na. Za gi Zhiklè a da ndi a hèshèkèɗ.

Jérémie 3:17

A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Jérémie 30:24

Nara ndzoan mbiaʼa. Ndav Ndo nzi pèc pècèk a mènèhi azɓai, ha a nrufa skwi na, ha a ngau skwi man a nhuro a nda giaʼa. A pats nʼndikèma skwai kin da cinèʼa.

Jérémie 31:12

Ta da shkè a ta da hèzlèwè a mwuffè a géɗ za Sion. Ta da hakaɗai a sam pombi Ndo nzi pèc pècèk: ara dau, a barassa, a mbar, a tambakihi a zlèhai. Ta da gi ara gi lak man ta gedza na iyam, a ta tèkwèn skwa te deɓaʼa asaɓai.

Jérémie 48:47

Aman i da helka ta ndohi ɓèlè Moab a deɓa a pats ndikèma skwai, Ndo nzi pèc pècèk a gaɗa. Kita Moab aranta.

Jérémie 49:39

Aman te deɓaʼa, a pats ndikèma skwai, i da helka ta ndohi ɓèlè Elam a deɓa, Ndo nzi pèc pècèk a gaɗa.

Jérémie 51:44

I gi kita a géɗ Bel, te Babylone, i ngézlè skwi te ma na, man a gerdè a hwaɗ. A ndohi herkeda ta haya a sam na asaɓai. Ko zlazlar Babylone mʼmbeɗ na!

Ezéchiel 38:16

a ka da shkè, a ka da gi var a Israel, ndohi ga, ara dzarai, syem pats. A pats ndikè-ma skwai i da zlinde ka a géɗ ndohi ga, a ndohi herkeda ta da senyè, aman i da ngrédè va ga auda a sam di ta a nda ka, iyè, i Zhiklè nkezlaʼa.

Ezéchiel 40:2

a kokwar Jérusalem te nshunè, a nʼnzedyè a hai a géɗ za mbiaʼa. I rka skwi ngiɗè mbiaʼa zuraʼa a ma ga, ara kokwar.

Daniel 10:14

A i shkè, aman i da ngra ka skwi man a da gi a ndohi ngaya, a pats ngiɗè man a ma. Skwi haha ba a goɗ a gèɗ ndikè-ma skwai.

Daniel 2:28

Aman Zhiklè te zhiklè te géɗèʼa a zhè, man a sun skwi nʼnghedaʼa, a ngra na bi Nebucadnetsar skwi man a da gi a ma. Nshun ngaya, a skwi man a nrka ka a dai a sam mʼmènè ngaya, na haha:

Daniel 2:35

A mbatsa züdo a rɓasl a zi pats a verzhègenè a guro tèlèba, a kozlar a nheldama ara topok dau te hedak, a ta rka te deɓaʼa ɓi fèt. A kwa mbatsa skwi sa, a ngre na a vata, a ngi a za mbiaʼa, a nʼndha herkeda tèlèba.

Daniel 2:45

Ka rka kwa man a gudumbolko va te za, ndo a ngudumbolko, ka ɓai, a mbatsa rɓasl a züdo a zi pats a verzhègenè a guro. Zhiklè mbiaʼa a ngra na a bai skwi man a di a shkè te deɓa. Nshunè ngaya nzuraʼa a vava, a verzi man i ngra ka, zuraʼa.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Zacharie 14:10

Kokwar tèlèba a ndi a dalbara, a hinè te Guéba, ha ndè Rimmon, te tsagi Jérusalem. Kokwar a nzi falawaʼa a samaʼa, a hinè a ntamagi Benjamin, a tsoko gèɗ auda a ntamagi zlèzlèʼa, a ntamagi man ta derzla gèɗ a pa, a sam gi ngurèʼa Hananeel a ndè a klok bai.

Zacharie 14:9

Te deɓaʼa Ndo nzi pèc pècèk a gi bai a géɗ herkeda tèlèba. A pats nasa Ndo nzi pèc pècèk bi staɗgenè, nzlembaɗ nengaʼa staɗgenè.

Zacharie 8:22

Ndohi herkeda kumba, a kokwar-bihi mbiaʼa ta shkè a ta woy Zhiklè bi mbiaʼa te Jérusalem, a ta tsi ri a Ndo nzi pèc pècèk.

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Mal. 3:12

Te deɓaʼa ndohi herkeda tèlèba ta da gaɗa: Mwuffè a sam tengaʼa! Aman herkeda kinè nʼngaʼa a kokwar mbelaʼa, Zhiklè bi mbiaʼa a gaɗa.

Nombres 24:14

Anai i dè a deɓa a sam ndohi ga. A i woy a i ngra ka skwi man ndohi haha ta da ga ta ndohi ngaya a pats ngiɗè.

Actes 2:17

Zhiklè a gaɗa: A pats ndikèma skwai i woya man a i bèdè Mèzhèɓ ga a géɗ ndohi tèlèba, a wudahi kinè a dalahi kinè ta da hèdè ma Zhiklè; golahi kinè ta da rka skwi man a ma, a ndohi kinè nhalaʼa ta ngècè nshu-nè.

2 Timothy 3:1

Aman sèi sun skwi haha: a pats man ndul ndul ndikèma skwi tèlèba, pats mwuɗitpa holholaʼa.

Hébreux 1:2

Antanta, man tiɗè sama ma, a ngaɗa nga ma te kra nengaʼa. Zhiklè a ngu nengaʼa a ndo ngècè skwi Zhiklè tèlèba. Te nengaʼa ba a ngu herkeda.

2 Peter 3:3

Va-suna man ndul ndul herkeda a da ndiv na, ndohi mparaha civèɗ Zhiklè ta shkè, a ta jèjèr ntétékè tengaʼa, a ta gaɗa:

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.