Esaie 2:11 - Ma Zhiklè

¹¹ Ndohi nfi va ta da kèldè gèd ta a hai, ngurhi man ta grè gèd ta da mèndè gèɗ a hai. Ndo nzi pèc pècèk staɗgenè man nʼnzalaʼa a pats nasa.

Esaie 2:11 ပူးပေါင်းရင်းမြစ်များ

II Samuel 22:28

Halau, ka takaha ta ndohi man ta manda gèɗ ta a hai. A ndo nfi va ka manda na gèɗ a hai.

Psaumes 18:27

A sam ndo ndzuwaɗaɗaʼa, ka gi skwi ndzuwaɗaɗaʼa. A sam ndo ambaɓiaʼa, ka gi skwi ambaɓiaʼa.

Psaumes 18:28

Halau, ka takaha ta ndohi man ndohi ngiɗè ta zumda ta gèɗ. Aka manda na gèɗ a hai a ndo nfi va.

Psaumes 20:8

Matakahia ngiɗè ta hèsh wuɗi tekiki var, te plèsh; aman nga, nga hèshè te nzlembaɗ Ndo nzi pèc pècèk, Zhiklè nga.

Psaumes 46:10

a til ma var tʼherkeda tèlèba, a pasla lèkèɗ, a pasla tsakwal, a peda gambar a vogwa.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 94:2

Ka ndo kita herkeda, slambaɗa, pel ta ndohi nfi va a skwi ambaɓiaʼa!

Proverbes 16:5

Ndo man a fi va, a ndara na Ndo nzi pèc pècèk. A vava, a da ngècè kita na.

Proverbes 30:13

Verzi ndohi nfi va, man ta gurshè dai.

Esaie 10:12

Aman Bi Zhiklè a da ndeva mizlinè nengaʼa te za Sion, te kokwar Jérusalem tèlèba ma, a pats nasa a da ga na kita a gèɗ a bi Assyrie, a géɗ nfi va a njégèr va nengaʼa tèlèba.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 12:4

Kin tèlèba kin da gada a pats nasa: Va-shida na gèɗ a Ndo nzi pèc pècèk, va-slubordo nzlembaɗ nengaʼa, va-ngreda skwi man a ga ta ndohi a géɗ herkeda, va-ngreda nzlembaɗ nengaʼa nʼnzalaʼa!

Esaie 13:11

I woy a herkeda a mpela mali na, a ndohi man ta woy Zhiklè ɓai ta pil skwi tengaʼa ambaɓiaʼa. I woya a i ndeva njégèr va ndohi nfi va, a i mbatsa massayaf ndohi mbibihiaʼa.

Esaie 14:15

Aman anai ta kalde ka a sam mʼmetsai, te godok te vèvèɗ mpèltemtemaʼa.

Esaie 2:17

A pats nasa ndohi nfi va ta da mèndè gèɗ a hai, ndohi ngrè gèɗ ta gi huyokokoʼa. Ndo nzi pèc pècèk staɗgenè man nʼnzalaʼa a pats nasa.

Esaie 23:9

Zhiklè bi mbiaʼa a nhur aranta, aman a gédèshè nfi va herkeɗa a skwi nengaʼa mbelaʼa tèlèba, a manda ta gèɗ a hai a ndohi mbibihiaʼa tʼherkeda.

Esaie 24:21

A pats nasa Ndo nzi pèc pècèk a da ga ta kita a ndohi var mɓicaʼa te géɗèʼa, a bihi herkeda a géɗ herkeda.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 26:1

A pats nasa ndohi kokwar Juda ta da sli dimèsh haha: Nga ngots kokwar mbiaʼa nʼngala te pa ndadeɓa cèw, a nga nzi ɓarɓararaʼa.

Esaie 28:5

A pats nasa Ndo nzi pèc pècèk, Zhiklè bi mbiaʼa, a da ndi a skwi mpèɗè gèɗ mbelaʼa, a shèwadai man a si dai, a sam njèkèɗi ndohi na.

Esaie 29:18

A pats nasa ndaɓazlamhai ta da cinè ma te ɗèlèwèr, a ndohi mandazlihi ta shkè auda te ruva, te va vaɗ.

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 30:23

Zhiklè a da vi iyam nzlekai, a dau te gi dau a gi ngurlaklakaʼa, nhuɓalaʼa. Skwi kinè a da ndi mandai a pats nasa a dalbara mbiaʼa.

Esaie 37:23

Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Esaie 4:1

A pats nasa ngwozi tsaraɗ ta woy a ta dè a gi ndo staɗ, a ta gada: Nga ndi skwi ri nga, nga fi maslaka a va a ri nga, sèi nzlembaɗ ngaya man ta baha nga a vna! Ca nga hori auda a dai!

Esaie 40:23

Nengaʼa man a bazl ta bihai, a ndede ta ndohi kita herkeda a skwi ambalai.

Esaie 52:6

Gar haha a pats nasa ndohi ga sèi ta shin nzlembaɗ ga, a ta suna, iyè, man i goda, i zhè.

Jérémie 12:9

Skwi nʼndi gi ga ara mangayak vezai, mangayakihi ngiɗè ta hi a verziaʼa. Vo-do, skwi dakhi tèlèba, vo-hoy ko va, a ta shkè a ta ndiaʼa.

Jérémie 9:24

Aman ndo man a woya a nfi va, da fu va a géɗ skwi haha: aman a hér maya, aman a senyè. Aman iyè i vi pombai, i gi kita nzuraʼa a géɗ herkeda. Aman skwi haha ambahayè, Ndo nzi pèc pècèk a gaɗa.

Ezéchiel 38:14

Gar haha hod ma, ka ndo, a ka gaɗa na Gog: Bi Zhiklè a goɗ ar haha: A pats nasa, aman Israel, ndohi ga, ta nzi amba amba, ka da slèmbèɗè

Ezéchiel 38:19

I gèɗè a srak, a ndav man a dzay worworaʼa: A vava a pats nasa herkeda a da gudzai kumba te kokwar Israel.

Ezéchiel 39:11

A pats nasa i woy a i va na gi dzavi a Gog te Israel: dal Abarim, a ma iyam mbiaʼa, te civèɗ mvèng pats, a ta da ɓer civèɗ ndè a slrats sa. A pa ta da ri nda Gog a ndohi var nengaʼa, a ta da baha na dal ndohi Gog rèdèdèʼa.

Ezéchiel 39:22

A ndohi gi Israel ta da suna, i Ndo nzi pèc pècèk, Zhiklè tengaʼa, a hinè a pats sa, ha ndè a ma ma a mèdèp.

Daniel 4:34

Te deɓ mvi tsaraɗ, iyè Nebucadnetsar, i pu di a zhiklè, a maya ga a mʼmenkaɗ na a deɓa. I shüd gèɗ a Zhiklè te géɗèʼa, i slébèrdèʼa, a i nzalaʼa, nengaʼa man a nzi a mèdèp, man kokwar-bi nengaʼa a dè a ma ma te verzi wud wuda.

Osée 2:16

A géɗ nengaʼa i da pètèda hèshèkèɗ, i da njè na ma a gèɗ te pa.

Osée 2:18

A pats nasa, a da bahayè ‘baki ga’, Ndo nzi pèc pècèk a gada. A bahayè ‘Baal ga’ asaɓai.

Osée 2:21

A nga dérzlè va a ka a mèdèp, nga dérzlè va a ka te ngi-zuraʼa, te ma kita, te mwoy-ndo, te nsi ndo te va.

Joel 3:18

A pats nasa a gi aman barassa a hakaɗi te za, a wa te ngègèɗhai. Iyam a hi te woyam Juda tèlèba. Nlèlè iyam a hakaɗauda te gi Ndo nzi pèc pècèk, a ruɓa dal Sittim.

Amos 9:11

A pats nasa i da ɗèɗèyè gi David man mʼmbeɗ na a pa, a i ndè zlerɗi mbazlaʼa, a i cèpè sam man i ɗaɗayda a pa, a i rèmeʼa ara zlèzleʼa zaʼa.

Abdias 1:8

I da zede ta ndohi maya tèlèba te Edom a pats sa, Ndo nzi pèc pècèk a gaɗa, a ndohi man ta sun skwai, te za Esau. Maya te pa klèng.

Michée 2:3

Gar haha Ndo nzi pèc pècèk a gaɗa: I ba i hér skwi man ambaɓai a géɗ tengaʼa. Kin slaha kin suɗkoɗauda te daʼai kinè ɓai. Kin zlècèdè gèɗ azɓai.

Michée 4:6

A pats nasa, Ndo nzi pèc pècèk a gaɗa, i da ɓic ta ndohi vedal, a i ɓic ta tenga man ta venda gèɗ ta, a tenga man i ga ta matakwan.

Michée 5:10

I da gedasseda kokwar ngaya mbibihiaʼa, a i da mbeɗa gihi ngaya ndakmaʼa tèlèba.

Sophonie 3:11

A pats nasa ka ngècè hori a di azɓai a géɗ skwi man ambaɓai man ka gu a sam ga. A pats nasa i preka ta ndohi nfi va ngaya auda te va kinè, a ka grè gèɗ a géɗ za ga nkezlaʼa asaɓai.

Sophonie 3:16

A pats nasa ta da gèɗè te Jérusalem: Sion, ka gu zlau ɓai, skwi ngiɗè da wusheda ka ri a hi asaɓai!

Zacharie 9:16

Ndo nzi pèc pècèk, Zhiklè tengaʼa, a da takaha ta a pats nasa, a da war ta ndohi na ara man a wèr tambakihai, a sam herkeda nengaʼa.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Luke 18:14

I gaɗa kinè: Nengaʼa a nʼndo ngwai a ndo nzuraʼa, nara ngiɗè ka ɓai. Ndo man a gre gèɗ na a ri na, ta manda na gèɗ a hai. Ndo man a manda gèɗ na a hai a ri na, ta da slambaɗda na gèɗ.

2 Corinthians 10:17

Aman ndo man a jégèr Va, da dzugor va a géɗ Bai Yèsu.

2 Corinthians 10:5

Nga gédèshè skwi man amba man ta huro amba man a woya a gre gèɗ na a sam nshin Zhiklè, a nga gseda nhér gèɗ ndohi tèlèba a hai a ta fi gèɗ a ma Kristi.

2 Thessalonians 1:10

Aman pats nasa a mshkè ma, a ngudko va a dai, a ndohi Zhiklè nkezlaʼa ta nzalaʼa, a ndohi man ta co a ndav, ta slébèrdèʼa, a nda kinè te man skwi man nga ngreda kinè, kin co a ndav.

1 Peter 5:5

Lèmèlèmè kinè golahai, va-manda gèɗ a hai a sam babgihai. A vava, kin tèlèba, va-manda gèɗ a hai a sam tèlèba! Aman Zhiklè a sassaya ndav a sam ndohi nfi va, a va ta pombai a ndohi mʼmanda gèɗ ta a hai.