Esaie 19:22 - Ma Zhiklè

²² Ndo nzi pèc pècèk a da tse ta ndohi Egypte; a da tse ta, aman a da mbel ta zaʼa. A ta menkaɗa deɓa a sam Ndo nzi pèc pècèk, a nengaʼa a cè ma tengaʼa, a mbel ta.

Esaie 19:22 ပူးပေါင်းရင်းမြစ်များ

II Rois 20:5

Do a deɓa a ka gada na Ezéchias; bi ndohi ga: Ndo nzi pèc pècèk, Zhiklè David, bab ngaya, a goɗa ar haha: I tsena ntsi ri ngaya, a i rka kuɗa a di ngaya. I woy a i mbel ka te matakwan ngaya. Te deɓ mʼmèn makar ka dè a gi Zhiklè.

Job 22:23

Aman ka manda géɗ a hi a ka ngwodko ndav a sam Zhiklè Bi-wuɗai, aman ka dzomko skwi nzura ka ɓai auda te gi ngaya,

Job 5:18

Aman Zhiklè a gi mblè a va ndo, a mènè zaʼa. A tsi ndo, a mbélèʼa zaʼa.

Exode 8:4

A Pharaon a mbaha na Moise a Aaron, a ngaɗa: Va-tsu ri a Zhiklè kinè, a nhulkoy kudofihai auda a tsagai, a tsagi ndohi ga, a i da va ta civèɗ a ndohi aman ta dè a ta zli skwi a Zhiklè ta.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 30:26

Te deɓaʼa skwi nhél sam kia, lèmèlèmè ara skwi nhèl sam pats. Skwi nhél sam pats ta ta mpats ngiɗè tsaraɗ, a pats staɗ a hél sam te di mʼmèn tsaraɗ; a pats man Ndo nzi pèc pècèk a da mèn mblè ndohi na, a pa na zungwa a va mpaslaʼa.

Esaie 45:14

Ndo nzi pèc pècèk a gaɗa: Skwi ntul mizlinè ndohi Egypte, a gani kokwar Ethiopie a ndohi Saba, ngur-gurhiaʼa, a dè a sam ngaya, a gi a skwi ngaya. Ta dè a verzi ngaya a cèlèlèu te sak, ta da kèlèhi a deɓ sak ngaya, a ta kuɗi a sam ngaya: Zhiklè a zhè, sèi a sam ngaya genè Israel, a sam ngiɗè azɓai, Zhiklè ngiɗè azɓai.

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Esaie 57:18

I rka civèɗ tengaʼa; i woya a i mbel ta, i woya a i de ta, i woya a i bid ta a i va ta wuɗai a ndohi tengaʼa man ta kuɗai.

Esaie 6:10

Sassaya ndav ndohi haha, ndèma ta zlembaɗ, ndèma ta dai, a ta rka di ɓai, a ta tsena zlembaɗ ɓai, a ndav tengaʼa a ngècè may a azɓai, ta da menkaɗa deɓa asaɓai, a ta mbél ta azɓai.

Ezéchiel 29:13

Gar haha Bi Zhiklè a gaɗa: Te deɓ mvi 40 i da ɓicka ta ndohi Egypte a deɓa te ndev ndohi herkeda man i ksar ta a pa.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 5:15

I dè ga, i minè a deɓa a sam nʼnzi ga, ha ta ndev ta a géɗ mali ta, a ta hèsh di ga, ha te ri zlau mʼmetsai ta woy iyè.

Osée 6:2

Te deɓ mʼmèn cèw, a mendko nga nshèffe a pa. Te mʼmèn mamakaraʼa a da slambaɗda nga a nga nzi a nshèffe a sam nengaʼa.

Deutéronome 32:39

Va-suna, iyè nengaʼa man i zhè, Zhiklè ngiɗè az a tsagi ga ɓai. Iyè man i kéd ndo, iyè man i vi nshèffè a ndo; i tsau, a i tilèʼa; ndo man a mbèlè auda te ri ga azɓai.

Hébreux 12:11

A pats man ta ngez nga, a wuffède nga azɓai, nga kuɗai. Aman te deɓaʼa, ndohi man ta slebau, a ta shkè auda te pa ma, ta nzi a, nshèffè a gumai te ngi-zuraʼa.