Esaie 18:4 - Ma Zhiklè

⁴ Aman Ndo nzi pèc pècèk a ngaɗayè aranta: A sam man i zhè a pa, i nza ga nshèffaʼa, a i pi dai, ara pats a vècè, ara minmèn man a gi te ndev ntsi dau.

Esaie 18:4 ပူးပေါင်းရင်းမြစ်များ

II Samuel 23:4

nengaʼa a hél sam ara man pats a hulko gèɗ, ara pats wushèr man vani a te di ɓai, man a fcè skwi tʼherkeda, man iyam a zhè.

II Chroniques 6:21

Sèi ka tsena ntsi ri ɓèl ngaya, a ndohi Israel, ndohi ngaya, man ta tsi ri a ka a sam na haha. A vava sèi ka cèʼa a sam nʼnzi ngaya te zhiklè te géɗèʼa; ka da tsenaʼa, a ka da pra nga mali nga.

Psaumes 72:6

Nara iyam man a gi a sam ndaʼa; aman iyam a gai, a hi a géɗ herkeda.

Proverbes 19:12

Aman bi a gi ndzoan, nara kuɗ ma-rizhelè; mwoy-ndo nengaʼa nara minmèn a kuza.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 14:32

Ta da mbeɗa na a ma a ndo sak tengaʼa a ma mè? Ndo nzi pèc pècèk a ngau Sion. A mbelaw ndohi te va ndohi na ta da hi a pa.

Esaie 18:7

A pats nasa ndohi ngur-gurhiaʼa ntevaʼa, ndohi man ko ahngwa ahngwa ta gi zlau tengaʼa, ndohi nkurslaslaʼa nsalsalaʼa, man woyam tsaɗ tsaɗ a bèzlè kokwar ta, ta da cko na skwi mbalai a Zhiklè bi mbiaʼa, a za Sion, a sam man ta bèhè nzlembaɗ Zhiklè bi mbiaʼa.

Esaie 26:19

Ndohi ngaya mʼmetsaʼa ta da nzi a nshèffè, nckondohi ngaya ta da slèmbèɗè, ndohi te va mberfenèk ta da piɗèkwe ta a ta wuffè. Minmèn ngaya a tèsl sam, a herkeda a da vi mèzhèɓ zaʼa.

Esaie 26:21

Na haha Ndo nzi pèc pècèk a nslambaɗkaɗa a sam nʼnzi nengaʼa ma, a nʼnga ta kita a ndohi herkeda. Te deɓaʼa herkeda a ngrédè pombaz ndohi mbazlaʼa auda, a nghédè asaɓai.

Esaie 31:9

Za nengaʼa a wérzl na te ri zlau, a ngul ndohai ta hi ta a ta jèkeda gambar a pa. Ndo nzi pèc pècèk, man vogwa nengaʼa a zhè te Sion, rèwèc nengaʼa a zhè te Jérusalem, a goɗ aranta.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Osée 14:5

I woy a i gi a minmèn a sam Israel, da winè ma na ara nwurzhè, da tsu zluzlor ara wof te Liban.

Osée 5:15

I dè ga, i minè a deɓa a sam nʼnzi ga, ha ta ndev ta a géɗ mali ta, a ta hèsh di ga, ha te ri zlau mʼmetsai ta woy iyè.

Joel 3:17

Kin da suna, i Ndo nzi pèc pècèk, Zhiklè kinè, man i zhè te Sion, za ga nkezlaʼa. Jérusalem, kokwar nkezlaʼa, ndo nte deɓa a da bizhè a pa azɓai.

Amos 3:7

Bi Zhiklè Ndo nzi pèc pècèk a gi skwi ngidè azɓai, sèi a ngreda ta skwi man a woya a ngiaʼa a ndohi nhadka ma, ɓèlèlihi na.