Esaie 17:8 - Ma Zhiklè

⁸ A pi di a vri man ri nengaʼa a ngau, a skwi man ri nengaʼa nroma, asaɓai, a woy skwi mbèh skwai a kwa man ta zlatseda a mblom asaɓai.

Esaie 17:8 ပူးပေါင်းရင်းမြစ်များ

II Samuel 22:42

Ta tsi lalau – ndo ntakaha ta azɓai – a Ndo nzi pèc pècèk a tsena nkudi tengaʼa azɓai.

II Chroniques 14:5

A nrom kokwar nʼngala te pa te Juda, te man kokwar a zhè a gumai, var az a vi sa ɓai.

II Chroniques 31:1

Aman skwi haha tèlèba klèng ma, ndohi Israel tèlèba man ta zhè a pa, to do a deɓa a kokwarhi Juda, a ta bazla skwi mʼmbèh skwai, ta mbeɗa mblom, a ta gedasse sam mʼmbèh skwi a géɗ za, a sam mʼmbèh skwi tèlèba te Juda, te Benjamin, te Ephraim, te Manassé. Te deɓaʼa ndohi Israel tèlèba ta men ta a deɓa a kokwar ta, staɗ staɗ tèlèba a sam skwi na.

II Chroniques 34:4

Ta mbeɗda sam mvi skwi a Baal a hai a sam di na, a nʼngelda skwi mʼmbèh skwi pats man ta zlatsa a tsagi ta te man a géɗèʼa, a Astarté, a mpasla skwi man ta vüɗo a nkerɗaʼa, a mwusheda a gi dzavi tengaʼa man ta zla ta skwai.

Exode 34:13

Sèi kin zlerda sam mvi skwi a zhiklèhi tengaʼa aussa, kin bazla kwa man ta Zlatseda, a kin gedassa mblom tengaʼa aussa.

Esaie 1:29

Skwi ntèwèlè gèɗ man kin wuffe a gèɗ nengaʼa, a da pa kinè hori a dai. Gètèl wof man ambaha kinè, a soko kinè pombaz auda te va.

Esaie 10:20

A pats nasa njèkèɗi ndohi Israel, a njèkèɗi ndohi Jacob man ta wuc ta, a ta nzi a nshèffè, ta thè va a nengaʼa man a bazl ta azɓai, aman ta da thè va a Ndo nzi pèc pècèk a vava, Zhiklè Israel nkezlaʼa.

Esaie 17:9

A pats nasa ta jèkeɗa samaʼa, ara sam mʼmbèh skwai a vrai man ndohi Hevi a Amor ta jèkeda man ta hu ta a ndohi Israel. Sam tèlèba hèshèkèɗ genè.

Esaie 2:8

Kokwar tengaʼa nʼndha a skwi mbèh skwai. Ta kalahi a deɓ sak skwi man ta gau, a skwi man ta rom a ri ta.

Esaie 27:9

Mali Jacob mpela a vna, mali nengaʼa mpraʼa arante: a da kerɗa kwa mblom ara dadangwos; kwa nzlatseda azɓai, ta slèmbèɗdè vri azɓai.

Esaie 30:22

Te deɓaʼa kin da rka skwi mbèh skwi verzhègenè, a mblom mbèʼa te pa a guro, ara skwi nlizhèʼa, a kin da wushedaussa ara skwi man a ndara kinè, a kin gaɗa: Vo-do aussa!

Esaie 37:19

Ta wusheda zhiklèhi mbèh skwi tengaʼa a vogwa. Tengaʼa Zhiklè ka ɓai, sèi skwi man ri ndo a ngau, wof a kwa. Skwi man ta slaha ta gedassaʼa.

Esaie 41:29

Na haha, tèlèba ndohi ambalai; skwi man ta gia, skwi ambalai; kwa man ta zlatseda ara mblom, skwi ambalai.

Esaie 44:15

A ndohi ta ngècè shègwa, ta ngélèʼa, a ta dzi vogwa. Ngidè a ti ɗaf a vna, ngiɗè a pètè a zhiklè na, a kèlèhi a deɓ sak nengaʼa, a giaʼa, a tsi riaʼa.

Jérémie 17:2

a ta gi malwuɗai a géɗ tengaʼa. Astarté tengaʼa, wof ndizlimaʼa tèlèba, a géɗ ngègèdhai, a géɗ za, te dak.

Ezéchiel 36:25

Te deɓaʼa i da pan kinè a iyam nkéɗècèʼa, a kin pana. I da pan kinè te skwi man a lizhè kinè tèlèba, te mʼmbèh skwi kinè tèlèba.

Osée 14:8

Ephraim, a da gi a skwi mbèh skwi te deɓaʼa mè? Iyè i mbeɗa na a ma, a i ɓirèʼa, iyè man i ara wof hawan man a dai a yi wuda, ar nyi ngaya.

Osée 14:9

Ndo man maya na zhè, da tsena ma haha; ndo man a sun skwai, da sun skwi haha! Aman civèɗ Ndo nzi pèc pècèk, civèɗ nzuraʼa; ndohi nzuraʼa ta dè a pa; aman ndohi malihai ta kèlèhi a pa.

Sophonie 1:3

I gedas ta, a ndohi ba, a skwi ndzham ba, a ɗia-kihi tʼhwaɗ giɗfèk ba, a klèf te woyam ba. I gi a ndohi ambaɓihiaʼa ta wush ta hai, a i zede ndo a géɗ herkeda, Ndo nzi pèc pècèk a gaɗa.

Zacharie 13:2

A da gi a pats nasa, a i gedassa nzlembaɗ vrihai te kokwar, a ta hér ta asaɓai. Ndohi nhadka ma, a mèzhèɓ ambaɓiaʼa ba, i dzam ta te kokwar, Zhiklè bi mbiaʼa a gaɗa.

Deutéronome 7:5

Sèi kin gia arsa a nda tengaʼa: Kin da mbeɗda sam mʼmbèh skwi tengaʼa aussa; kwa nzlatseda kin kaldahai; vrai va-bazldaussa, va-fa na vogwa a skwi mbèh skwi tengaʼa!