Esaie 16:5 - Ma Zhiklè

⁵ Pombai a va na wuɗi a sam nʼnzi ɓai, a ndo kita nlèɓèslèʼa nzuraʼa a nzi a pa, te gi David.

Esaie 16:5 ပူးပေါင်းရင်းမြစ်များ

II Samuel 23:3

Zhiklè Jacob a ngaɗayè; nengaʼa man a ɓer Israel a ngadayè; ndo man a gi bai a géɗ ndohai, zuraʼa, ndo man a gi bai a zlau Zhiklè,

II Samuel 5:9

Te deɓaʼa David a nʼnza te gi bai, a mbaha na kokwar David. A hinè te Millo, a nromko te tsagi te tsagai, a ndikeda hwaɗ gai.

II Samuel 7:16

Aman gi ngaya a kokwar-bi ngaya sèi ta nzi a sam ga a mèdèp. A sam nʼnzi bi ngaya da nza a mèdèp.

I Rois 10:9

I shid gèɗ a Ndo nzi pèc pècèk, Zhiklè ngaya, man a va ka pombai, a nʼnzede ka a gèɗ sam nʼnzi bi Israel a mèdèp, a nfe ka a bai a ka gi kita zuraʼa.

II Chroniques 31:20

Na haha skwi man Ezéchias a ngau te Juda tèlèba. A ngau skwi man amba, zuraʼa, skwi man amba a vava a sam Ndo nzi pèc pècèk, Zhiklè na.

Psaumes 85:10

A vava, skwi mbel ndo Zhìklè a zhè ndul ndul a sam tengaʼa man ta gi zlauaʼa. Nʼnjèl Zhiklè da zhè te kokwar nga!

Psaumes 89:14

Ri ngaya, wuɗi na zhè ara ri ngul ndo. Wudi ri ngaya a zhè, ri mandi ngaya nzlatseda.

Psaumes 96:13

a sam Ndo nzi pèc pècèk; aman a shkè, a shkè a ngi kita herkeda. Nengaʼa a da gi kita herkeda zuraʼa, a gi kita ndohi herkeda a ma nengaʼa nzuraʼa.

Psaumes 98:9

a sam Ndo nzi pèc pècèk; aman a shkè, a shkè a ngi kita herkeda. Nengaʼa a da gi kita a ma nengaʼa nzuraʼa a gi kita ndohi herkeda tsarayaʼa.

Psaumes 99:4

Bai, wuɗi na zhè, kita ambaha. Ka, man ka vi ma kita. Ma kita a ngi-zuraʼa ka gu te Jacob.

Proverbes 20:28

Ndav amba a nlèɓèslè ta ɓer bai. Ngi-zuraʼa a salkoɗi sam nʼnzi bi nengaʼa auda.

Proverbes 29:14

Bai man a ga ta kita zuraʼa a ndohi ntawassaʼa, sam nʼnzi bi nengaʼa a nzi a ma ma.

Esaie 33:22

Aman Ndo nzi pèc pècèk man a gi kita nga. Ndo nzi pèc pècèk, nengaʼa a da mbel nga.

Esaie 55:4

Na haha, i vau a ndo malwuɗai a sam ndohai, a ɓai, aman a ncè ta ma ndohi tèlèba.

Daniel 7:14

A ta va na wuɗai a nʼnjèlè a wuɗi bai, a ndohi herkeda te verzi tsaɗ tsaɗ a nèʼèn tsaɗ tsaɗ tèlèba ta gu mizlinè nengaʼa. Wuɗi nengaʼa, wuɗi man a nzi a mèdèp, man a ndev azɓai, kokwar-bi nengaʼa a gédèshè azɓai.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Amos 9:11

A pats nasa i da ɗèɗèyè gi David man mʼmbeɗ na a pa, a i ndè zlerɗi mbazlaʼa, a i cèpè sam man i ɗaɗayda a pa, a i rèmeʼa ara zlèzleʼa zaʼa.

Michée 4:7

Ndohi vedal i ge ta a tser ndohai, a ndohi man ta venda gèɗ ta ta ndi a kokwar-bi mbiaʼa. Ndo nzi pèc pècèk a gi bi tengaʼa a géɗ za Sion, a hinè antanta a ma ma a mèdèp.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.