14 Aman anai Ndo nzi pèc pècèk a goɗ aranta: Njèkè mvi makar dai, ara mvi sojè, a nʼnjèl Moab a gédèsh na, a ndohi nengaʼa rèdèdèʼa tèlèba. Njèkèɗia az a vata ɓai, ndohi ambali kèshka-ta genè.
Ta da kala ta va a za Philistie a ma iyam mbiaʼa, a ta humda va a ta da hil skwi ndohi kokwar man a verzi gai. Ta da cè kokwar Edom a Joab, a ndohi Ammon ta da gi ɓèl ta.
Ndav ga a kuɗi a géɗ Moab. Ndohi nengaʼa man ta hi ta dra tar Tsoar, tar Eglath-Shelishija. Ta tivè a Luchith a kuɗa a dai. A civèɗ ndè Choronaim ta tsi lalau a géɗ kokwar man mʼmbeɗ na.
Aman mpshè ma Ndo nzi pèc pècèk a da nzi a géɗ za haha. Ndohi Moab, Ndo nzi pèc pècèk a da mbatsaha ta a sak a sam nʼnzi ta, ara man ta gècè wujèɗ a kuza te diaʼa.
Ndo nzi pèc pècèk a goɗ ar haha: Ndo maya da fu va a géɗ maya na ɓai! Ndo wuɗai da fu va a géɗ wuɗi na ɓai! Ndo mèshèlè da fu va a géɗ skwi mèshèlè nengaʼa ɓai!