Esaie 16:12 - Ma Zhiklè

¹² Te deɓaʼa, man Moab a ngeza va na a sam te géɗèʼa, a dè a sam ntsi ri nengaʼa, a ngècè skwa azɓai.

Esaie 16:12 ပူးပေါင်းရင်းမြစ်များ

I Rois 11:7

A nrom sam mʼmbèh skwi a Kemosch, skwi Moab man a ndara na Zhiklè. A nrom sam mʼmbèh skwi a Moloch, skwi ndohi Ammon man a ndara na Zhiklè; a géɗ za a tsagi Jérusalem, te civèɗ mvèng pats.

I Rois 18:29

A géɗ pats nkalda ma, a ndzakaɓama ta gèɗ, ha dakwaɗ, tiɗè sam mvi skwi a Zhiklè. Aman cèɓèk cèɓèk, a ntsena ma ta ɓai, a mʼmbeɗa ta a ma ɓai.

II Rois 19:12

Zhiklehi ndohi herkeda, man babhi ga ta gedas ta, ta mbela kokwar ta dè? Gozan, a Charan, Retseph, a ndohi Eden man ta te Telassar?

II Rois 3:27

Te deɓaʼa a nco tsuvom kra nengaʼa, ndo nʼndi gi bi nengaʼa, a nʼndara na zhiklè a géɗ zlazlar kokwar. A géɗ skwi haha ndohi Israel ta gu ndav kumba kumba, a ta jèkeda, a ta men ta a deɓa a ngwai.

Proverbes 1:28

Te deɓaʼa ta da bahayè; aman i da fi zlembaɗ asaɓai. Te deɓaʼa ta da hassyè; aman ta da ngatsyè asaɓai,

Esaie 15:2

Ta tivè a Dibon, a sam man ta va na skwi a Zhiklè, a ta kuɗai. Moab a gi wobau te Nébo, te Médeba. Gèd ndohi tèlèba nshèʼa, bozozom ta nshèʼa.

Esaie 16:13

Ma haha Ndo nzi pèc pècèk a goɗ a géɗ Moab halaʼa.

Esaie 26:16

Ndo nzi pèc pècèk, te va matakwan ta woy ka. Aman ndzoan ngaya a nʼngats ta, ta kuɗai.

Esaie 37:38

Pats ngiɗè, aman a ntsu ri te gi zhiklè mbèh skwi Nisroc, wudahi nengaʼa, Adrammélec a Sharetser, ta keɗaʼa a tsa-kwal. A ta hu ta a kokwar Ararat. Esar-Haddon, kra nengaʼa, a ngu bi te di man a na.

Esaie 47:13

Ka ge matakwan a va ngaya a sam ndohi nʼngatsa ka maya – sèi ta shkè! Ndohi man ta ngela giɗfèk, tengaʼa man ta ɗèlè te bantai, ta hér skwi te mvèng kia te mvèng kia, da takaha ka a ta ngra ka skwi man a da ga ka.

Jérémie 10:5

Ta ara kslah kokwai te gi dau, ta slaha ta gèɗè azɓai, sèi ta zuɓ ta nzhɗɓè, ta slaha ta dè a sak ɓai. Kin gu zlau tenga ɓai, ta ga kinè skwi ambaɓiaʼa azɓai; aman ko skwi man amba ta slaha ɓai.

Jérémie 48:13

Moab a da gi hori a sam Kemosh, lèmèlèmè ara Israel a gu hori a sam Béthel, man a ngu gèɗ a vna.

Jérémie 48:35

Ndo nzi pèc pècèk a gaɗa: I da zedkoɗauda te Moab, ndo man a vi skwi a zhiklè a géɗ za, a ndo man a vi skwi a vri na.

Jérémie 48:46

Wobau a géɗ ngaya, Moab! Ndohi Kemosh klèng! Aman ta hel ta wudahi ngaya ma a ta gi ɓèlè, dalahi ngaya ba ta gi ɓèlè.

Jérémie 48:7

A géɗ man ka pu ndav a skwi man ka gau, a skwi mèshèlè ngaya, ka ba ta gs ka: Kemosh a ndohi mvi skwi a Zhiklè, a wud bihi nengaʼa, ta dè ɓèlè.

Nombres 21:28

Aman pats ngiɗè, vogwa a mshkè auda te Hesbon, nèʼèn vogwa a nsiambaɗa te kokwar Sihon, a nʼndeda Ar-Moab a ma, a Baalhi a gèɗ za a ma woyam Arnon.

Nombres 22:39

Te deɓaʼa Balaam a Balak to do, a ta shkè a Kirjath-Hutsoth.

Nombres 22:41

A prèk, Balak a nco Balaam, a ndaʼa a géɗèʼa, a Bamoth-Baal. Te pa Balaam a nrka rèta ndohi Israel.

Nombres 23:14

A ndaʼa a gi dau man ta baha na sam-nʼngél-dai, a géɗ za Pisga. A nrom sam mvi skwi a Zhiklè tsaraɗ, a nzloho zlè a drok staɗ a géɗ sam mvi skwi a Zhiklè staɗ staɗ tèlèba.

Nombres 23:28

A Balak a nda Balaam a géɗ za Peor, zuraʼa a ma hèshèkèɗ.

Nombres 24:17

I rkaʼa, aman antanta di ka bai – i wèrèʼa, aman ndul ndul di ka bai – bantai a vangkaɗauda te verzi Jacob. Gaɗa bi a shkè auda te Israel, a mbatsama ta gèɗ a ndohi Moab, a vatasl gèɗ ndohi Seth tèlèba.