Esaie 15:2 - Ma Zhiklè

² Ta tivè a Dibon, a sam man ta va na skwi a Zhiklè, a ta kuɗai. Moab a gi wobau te Nébo, te Médeba. Gèd ndohi tèlèba nshèʼa, bozozom ta nshèʼa.

Esaie 15:2 ပူးပေါင်းရင်းမြစ်များ

II Samuel 10:4

A Hanun a mpar ta ndohi David, a ta shèma ta rèta bozozom, a ta ngelama ta maslaka te ndav, a ta zlinde ta a deɓa.

I Chroniques 19:4

A Hanun a mpar ta ndohi David a nshèma ta bozozom te civèɗ ngiɗè, a nʼngelama ta maslaka te ndav, a nzlinde ta a deɓa.

Job 1:20

Te deɓaʼa Job a nslambaɗa, a nkuratseda maslaka nengaʼa aussa, a nsha gèɗ, a nkalda va na a hi a herkeda, a ntsu rai, a ngaɗa:

Esaie 14:31

Ntamagai, gau wobau! Kokwar, tsu lalau! Ndohi Philistie tèlèba – va-gudzau! Ndohi var ta shkè te man a verzi gai ara vodzok, a ndohi tengaʼa ko staɗ a minè a deɓa azɓai.

Esaie 15:3

Ta a civèɗ a maslaka sam kuda a va, a géɗ gai, a dal kokwar, tèlèba ta kuɗai, kuɗa a gu pana di pana dai.

Esaie 16:12

Te deɓaʼa, man Moab a ngeza va na a sam te géɗèʼa, a dè a sam ntsi ri nengaʼa, a ngècè skwa azɓai.

Esaie 16:7

A géɗ nengaʼa ndohi Moab ta kuɗai a géɗ va ta, ta kuɗi tèlèba. Ta kuɗi diki Kir-Haréseth, a leyde ta.

Esaie 22:12

Bi Zhiklè bi mbiaʼa a mboho a pats nasa, a woya aman ta kuɗai a ta tsi lalau, atashi gèɗ atavi maslakasam kuɗa a va.

Esaie 3:24

Modo a da zhkè te di man a ɓurdi; zhèwèd ambalai te di man a skwi deɓa; gèɗ nshèʼa te di man a gèɗ ntsaffaʼa; bho te di man a maslaka mbelaʼa; wuɗah te di man a mbambi man a dai.

Jérémie 3:21

Fu zlembaɗ! Ndohi Israel ta kuɗai a géɗ za, te man ta beza a civèɗ ambaɓiaʼa. Ndo nzi pèc pècèk, Zhiklè tengaʼa, a mpca ta a géɗ.

Jérémie 47:2

Ndo nzi pèc pècèk a goɗ ar haha: Na haha iyam a slèmbèdè te man a géɗèʼa, a gi a woyam mbiaʼa, man a hi auda a dzah, a zeda kokwar a skwi man nʼndha te pa tèlèba, kokwar a ndohi te pa. Ndohi ta kuɗai, ta gudzai, tèlèba man ta nza te kokwar.

Jérémie 47:5

Ta ndeva kokwar Gaza ma; Askalon, ko kuɗ ɗiak a te pa ɓai; njèkèɗiaʼa a vara lèmèlèmè. Ka cèh va, tè ngèmè?

Jérémie 48:1

A géɗ Moab: Zhiklè bi mbiaʼa, Zhiklè Israel, a goɗ ar haha: Woba Nebo, aman ta dumda ma! Kirjathaim, hori a dai, ta cedama. Misgab, hori a dai, nkalatʼhi ma.

Jérémie 48:18

Wash-kèhai te nʼnjèlè, nzahai a herkeda ngworaʼa, dem man ka nza te Dibon. Aman ndo ngedassa Moab a shkè a sam ngaya, a gedassa gihi ngaya ndakmaʼa.

Jérémie 48:31

Gar haha i ɗish va a géɗ Moab, i gi wobau a géɗ Moab tèlèba, ta kuɗai a géɗ ndohi Kir-Hérès.

Jérémie 48:35

Ndo nzi pèc pècèk a gaɗa: I da zedkoɗauda te Moab, ndo man a vi skwi a zhiklè a géɗ za, a ndo man a vi skwi a vri na.

Jérémie 49:3

Hesbon, ngoy va, te man Ai ngedas na. Dalahi Rabbath, va-kuɗau, va-feda maslaka sam kuɗa a va, va-gu wobau, va-gots tʼhwaɗ zlazlar, a géɗ man Malcom a dè ɓèlè, a nda ndohi mvi skwi a Zhiklè, a wud bihi nengaʼa.

Jérémie 7:29

Shè gèɗ ngaya, a ka wusheda gwots aussa, a ka gu wobau! Aman Ndo nzi pèc pècèk a nkwol ta ndohi man ta poko na gèɗ ndav auda.

Ezéchiel 27:31

Ta shè gèɗ a géɗ ngaya, ta feda maslaka sam kuɗa a va, ta kuɗai a géɗ ngaya a ka layde ta.

Ezéchiel 30:2

Ka ndo, hod ma! Goɗo: Bi Zhiklè a goɗ ar haha: Vo-ngoy va! Ayah! Ayah! Pats ambaɓai!

Ezéchiel 7:18

Ta da fi maslaka sam kuɗa a va, ta gudzai, tèlè hori a dai, ta tèlèba gèɗ mshaʼa.

Lèv. 13:40

Aman ndo ngiɗè, gwots gèɗ nengaʼa a wush na, deb dengi nʼndaʼa, ndoʼa nlizhɓai.

Lèv. 21:5

Ndohi mvi skwi a Zhiklè da shoko gwots auda te gèɗ bai, da sha bozozom rèta rèta bai, da bazla medi bai.

Amos 8:10

A i da ngwoda ngolala kinè, a ndi a sam kuâa, a dimèsh mwuffè kinè tèlèba a nguzlah. I va kinè maslaka sam kuɗa a va tèlèɓa, ko wawa a da she gwots gèɗ na auda. I gi a ndohi a lèyè ara man ta kuɗi kra nguraʼa man na staɗgenè. Ndikè-ma skwi nengaʼa ara pats mwuɗitpa.

Nombres 21:28

Aman pats ngiɗè, vogwa a mshkè auda te Hesbon, nèʼèn vogwa a nsiambaɗa te kokwar Sihon, a nʼndeda Ar-Moab a ma, a Baalhi a gèɗ za a ma woyam Arnon.

Nombres 21:30

Nga bazla Moab a tsakwal ma, a hinè te Hesbon, ha ndè Dibon. Nga fa na vogwa, ha ndè Nophach, ha ndè Medeba.

Nombres 32:3

Atharoth, Dibon, Jaezer, Nimra, Hesbon, Eleale, Sebam,

Nombres 32:38

Nebo a Baal-Meon, a ta humbaɗa nzlembaɗ kokwar Baal, a Sibma; a ta va ta nzlembaɗ mɓuaʼa a kokwarhi man ta roma.

Deutéronome 14:1

Kinè wudahi Ndo nzi pèc pècèk, Zhiklè kinè! Kin bazla di ɓai, a géɗ ndo man a mets na! Kin sha gèɗ ɓai!

Deutéronome 34:1

Moise a njèkeda dal Moab, a nteva za Nebo, a géɗ Pisga, zuraʼa a Jéricho. A Ndo nzi pèc pècèk a nʼngra na kokwar tèlèba: Galaad ha ndè Dan,