Esaie 14:24 - Ma Zhiklè

²⁴ Zhiklè bi mbiaʼa a mʼmbaɗa: A vava, a gi ara man i huro, a skwi man i basla na gèɗ a vá, a zhè.

Esaie 14:24 ပူးပေါင်းရင်းမြစ်များ

Genèse 41:32

Aman nshunè a nkeɗa Pharaon sak cèw, a skwi man Zhiklè a nhur te ndav, a gi a vava, a gia ndul ndul.

Job 23:13

A skwi man a hérèʼa a nda giaʼa, a gedassa civèɗ nengaʼa wa? Skwi man ndav nengaʼa a woyaʼa – a giaʼa.

Psaumes 110:4

Ndo nzi pèc pècèk a mʼmbaɗa, nengaʼa a ngwèdè ma na azɓai. Ka ndo mvi skwi a Zhiklè a mèdèp, lèmèlèmè ara Melchisédek.

Psaumes 33:10

Ndo nzi pèc pècèk a gedassa skwi man ndohi herkeda ta hérèʼa; a skwi man kokwar-bihai ta woy a ta giaʼa, a ndeda a skwi ambalai.

Psaumes 92:5

Aman ka, Ndo nzi pèc pècèk, ka vay mwuffè a ma, a skwi man ka giaʼa; i wuffè a gèɗ mizlinè ri ngaya.

Exode 17:16

Aman a ngaɗa: Tolom var Ndo nzi pèc pècèk te rai! Ndo nzi pèc pècèk a gi var a Amalek, te verzi tèlèba, a dè a ma ma.

Proverbes 19:21

Ndo a hér skwi man a woya a ngia kumba; aman sèi skwi man Ndo nzi pèc pècèk a woyaʼa, a gai.

Proverbes 21:30

Skwi ngiɗè azɓai, maya ngiɗè azɓai, nshin skwi ngiɗè azɓai, man a slaha a nzlècè a sam Ndo nzi pèc pècèk.

Esaie 10:5

Wobau a géɗ ndohi Assyrie! I fu a gada mbèzl va ga, a mènèwèd man i ndèh ndohi a vna.

Esaie 19:12

Ndohi maya ngaya ta tema? Sèi ta ngra ka skwi man Zhiklè bi mbiaʼa a nhur a géɗ Egypte.

Esaie 19:17

Kokwar Juda a da pa ta zlau a gèɗ a ndohi Egypte. Ko wawa man ta slefi ma Ndo nzi pèc pècèk a sam na, a gi zlau a géɗ skwi man Zhiklè a nhur a da giaʼa.

Esaie 55:8

Skwi man i hérèʼa, az lèmèlèmè ara man kin hérè te ndav kinè ɓai. Civèɗ kinè az lèmèlèmè ara civèɗ ga ɓai, Ndo nzi pèc pècèk a gada.

Esaie 55:9

Ara man giɗfèk a zhè kerpaʼa dra a géɗ herkeda, lèmèlèmè civèɗ ga a zhè kerpaʼa dra a sam civèɗ kinè; a skwi man i hérèʼa a géɗ skwi man kin hérè ar kinè.

Jérémie 23:20

Ndo nzi pèc pècèk a gi ndav, ndav nengaʼa a mènèhi azɓai, ha a rufa skwi na, a nʼnga skwi man a nhuro. A pats nʼndikèma skwai kin da cinè zuraʼa.

Jérémie 29:11

Aman iyè, i sun skwi man i hérè a géɗ kinè, Ndo nzi pèc pècèk a gaɗa; i hér gumai, matakwan ka ɓai; a i va kinè nshèffè a ma ma, a nzhèr skwi te ndav.

Jérémie 44:26

Aman va-tsena ma Ndo nzi pèc pècèk, kinè ndohi Juda tèlèba, man kin nza te kokwar Egypte: lyè i mbaɗa a nzlembaɗ ga, Ndo nzi pèc pècèk a gaɗa: Ndo Juda ani da tsu ri a ma ma a nzlembaɗ ga asaɓai, a ngaɗa: Bi Zhiklè Ndo nzi pèc pècèk da zhè a nshèffè, te kokwar Egypte tèlèba, da goɗ ɓai!

Jérémie 49:20

Gar haha va-tsena ma man Ndo nzi pèc pècèk a goɗ a gèɗ Edom; a skwi man a nhur a woya a ngiaʼa a sam ndohi Thé-man. Ta da zlama ta daʼai a wud tambakihi nhezakaʼa, ta da gedassa sam nʼnzi ta, a vava.

Jérémie 50:45

Gar haha va-tsena ma man Ndo nzi pèc pècèk a goɗ a gèɗ Babylone, a skwi man a nhur a woya a ngiaʼa a sam ndohi Chaldée. Ta da zlama ta daʼai a wud tambakihi nhezakaʼa, ta da gedassa sam nʼnzi ta, a vava.

Lamentations de Jérémie 3:37

Skwi nʼnga, man Bi Zhiklè a ngoɗ ka ɓi, a nangwa?

Ezéchiel 12:25

Iyè Ndo nzi pèc pècèk, i dè gèdèʼa: Ma man i woya a i gèɗèʼa, a da gai. I da gèɗèʼa, kinè a zhè dai, ndohi mèdègèɗ, a i da giaʼa, arsa, Ndo nzi pèc pècèk a gaɗa.

Ezéchiel 39:4

Kinè a ndohi var ngaya, a ndohi herkeda man ta zhè a sam ngaya, kin da kèlèhi a géɗ za Israel. I va ka a mangayakihai, a skwi tèlèba man kelpasl a va te dak, a ta da nde ka ma.

Amos 3:6

Ta tsi tolom te kokwar, a ndohi ta gudzi azɓi dè? Matakwan ngidè a zhè te kokwar, man Ndo nzi pèc pècèk a sun ɓi dè?

Amos 8:7

Ndo nzi pèc pècèk a goâ a mʼmbèɗè a sam nʼnjèl Jacob: Skwi man ta gu tèlèba, a da pcèyè a gèɗ azɓai.

Matthew 11:25

A pats nasa Yèsu a nhüno a ngaɗa: I shida ka gèɗ, Bab ga, Bi zhiklè a Bi herkeda, aman ka nghede skwi haha a sam ndohi maya, a ndohi man ta sun skwi te gèɗ; ka nzedkoɗauda a sam ndohi man ta gre di ɓai.

Actes 4:28

a ta gu skwi man ri ngaya a woya a ngiaʼa a ka herda hai.

Ephésiens 1:9

Te nengaʼa a nʼngra nga skwi man Zhiklè a woyaʼa, nʼnghedaʼa, ara man ambaha.

Hébreux 4:3

Aman nga, man nga co a ndav, nga dè a pa a sam nshèk va, ara man Zhiklè a gaɗa: I gu ndav, a i mbaɗa, aman ta dè a sam nshèk va ga azɓai. Ko mizlinè nengaʼa nʼnga ma daga nhinkaɗ herkeda.

Josué 11:20

Ndo nzi pèc pècèk a hur a nsassaya ndav ta, a ta woy var a Israel, a ta gedas ta, a ta ngècè pombi azɓai, a ta zi ta, ara man Ndo nzi pèc pècèk a njè na ma a gèɗ a Moise.