Esaie 14:1 - Ma Zhiklè

¹ Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 14:1 ပူးပေါင်းရင်းမြစ်များ

Esther 8:17

Te kokwar staɗ staɗ tèlèba, a sam staɗ staɗ tèlèba, man ma bai a ndika a pa, ndohi Juif ta wuffè, ndav ta langlangaʼa, ta gu ngolala, ta ɓica a sam skwi nʼndai. Ndohi kumba te va ndohi nte deɓa ta nde ta a Juifhai. Zlau ndohi Juif a ndza ta.

Psaumes 102:13

Aman ka, Ndo nzi pèc pècèk, ka nzi a géɗ sam nʼnzi bai a mèdèp. Ndohi te verzi wud wuda ta hér ka a ma ma.

Psaumes 102:14

Ka da slèmbèɗè, Sion a da se ka te va. Tiɗè sama ma, patsa azhè aman ka va na pombai.

Psaumes 143:12

Te pombi ngaya ka da ndevda mayamhi ga, ka da zede ta ndohi nʼngay matakwan tèlèba, te man iyè, i ɓèl ngaya.

Psaumes 98:3

A nhur pombi nengaʼa a sam ndohi Jacob, a nhur nlèɓèslè nengaʼa a sam ndohi Israel. Te verzi herkeda tèlèba, ta rka skwi mʼmbel ndo Zhiklè nga.

Esaie 19:18

A pats nasa, kokwar zlam te kokwar Egypte ta da gèɗè daʼai Canaan, a ta mbèɗè a ta vi va ta a ri Zhiklè bi mbiaʼa. Staɗ, nzlembaɗ na Ir-Harèhès (kokwar ngedassaʼa).

Esaie 21:1

Nhèdè ma a géɗ Babylone: Te civèɗ hèshèkèɗ, a dal Négeb, ndombozlor a nslambaɗkaɗa te kokwar te dukwaɗ.

Esaie 27:6

A pats man a di a shkè, Jacob a da tsi zluzlor, Israel a da fcè, a wurzhè, a nyi nengaʼa a ndha herkeda tèlèba.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 41:9

Ka man i cka ka te verzi herkeda, man i baha ka te man a tsagi herkeda, a i gada ka: Ka ɓèl ga. I ngatska ka auda, i kwol ka ɓai.

Esaie 44:1

Aman anai, Jacob, ɓèl ga, a Israel, man i ngotskodauda, va-tse-naʼa!

Esaie 45:14

Ndo nzi pèc pècèk a gaɗa: Skwi ntul mizlinè ndohi Egypte, a gani kokwar Ethiopie a ndohi Saba, ngur-gurhiaʼa, a dè a sam ngaya, a gi a skwi ngaya. Ta dè a verzi ngaya a cèlèlèu te sak, ta da kèlèhi a deɓ sak ngaya, a ta kuɗi a sam ngaya: Zhiklè a zhè, sèi a sam ngaya genè Israel, a sam ngiɗè azɓai, Zhiklè ngiɗè azɓai.

Esaie 47:1

Washkèhai, nza a va mèrwèc, bidalai, dem Babylone! Nza a herkeɗa, washkè auda a sam nʼnzi ɓai, dem Chaldee! Ta baha ka dem röftukwaʼa; a lèɓèslè te deɓaʼa asaɓai.

Esaie 49:10

Mi a bazl ta azɓai, iyam a dza ta azɓai, pats a te ta azɓai; aman ndo man ta sia te va, a de ta, a lè ta a sam nlèlè iyam.

Esaie 49:13

Kinè giɗfèkihai, va-gu langlangaʼa. Herkeda, wuffa! Zahai, va-guzlau! Aman Ndo nzi pèc pècèk a bid ta ndohi na, mbelawahi nengaʼa ta sia te va.

Esaie 49:15

Kra nkèshèa a pca na gèɗ a mam na ɗè? Kra hwaɗ na a sia te va azɓi ɗè? Ko man mpca na a gèɗ, ka pcèy a gèɗ a iyè azɓai.

Esaie 49:25

Ndo nzi pèc pècèk a gaɗa: Ko gar haha, i da ngezlama ta ɓèlèlihi te ri ngul-ndo; a skwi man ndo mbiaʼa a ngso, a hi na. Iyè, man nga bèzl va a ndo mayam ngaya; iyè man i da mbel ta wudahi ngaya.

Esaie 49:7

Ndo nzi pèc pècèk, man a mbel Israel, Zhiklè Israel nkezlaʼa, a ngaɗa na ɓèl ndohi shèwa, man ndohi ta kwolaʼa, man a mpra ta zlau a va a ndohi herkeda: Bihi mbibihiaʼa ta da rkaʼa, a ta slambaɗa; bihi nkèshèʼa ta da gurɓèhai a sam Ndo nzi pèc pècèk man nlèɓèslèʼa, a sam Zhiklè Israel nkezlaʼa, man a nʼngatska ka auda.

Esaie 54:3

ka zlèzlèmè te civèɗ ri mandai, ka zlèzlèmè te civèɗ ri gula, a ndohi te verzi ngaya ta da ndi kokwar-bihai, a ta nzi te kokwar man dikai.

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Esaie 56:3

Ndo man verzi ndohi ngiɗè, a nhumdko va a Ndo nzi pèc pècèk, da goɗ arsa: Ndo nzi pèc pècèk da dzamyè auda te va ndohi na ɓai. Ndo man ngwon nʼngela, da goɗ ɓai: na haha i tsuɓa.

Esaie 60:10

Ndohi man verzi ta tsaɗ ta da rèm zlazlar kokwar ngaya, a bihi tengaʼa ta da gi mizlinè ngaya. I gu ndav, a i tse ka; aman mwoy-ndo ga a gi a ka siyè te va.

Esaie 60:14

Wud ndohi man ta zumda ka gèɗ a di ta shkè a sam ngaya a gurmbèzh. Tengaʼa tèlèba man ta derɗe ka, ta da kèlèhi a deɓ sak ngaya, a ta baha ka ‘kokwar Ndo nzi pèc pècèk’ – ‘Sion Zhiklè Israel nkezlaʼa’.

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Jérémie 16:15

Aman ta gada: ara man Ndo nzi pèc pècèk a zhè, man a nhelka ta ndohi Israel a deɓa te kokwar te man a gédèʼa, tʼherkeda tèlèba man a ndzam ta a pa zlèzlèʼa. I da helka ta a deɓa a kokwar ta, man i va na babhi ta.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:8

A pats nasa, Zhiklè bi mbiaʼa a gaɗa, i da pasla wof te daʼai ngaya, a i da ngesla teɓa te sak ngaya, a ndohi verzi ngiɗè ta ga ka a ɓèlè asaɓai.

Jérémie 31:4

I da ɗaɗay ka, a ka ɗaɗaya, bidali te Israel. Ka da ngècè mwuffè a ka tsi tèzlèzlèu, ka da shkè auda a verzi ndohi ngècè man ta ngwèshè.

Jérémie 50:33

Zhiklè bi mbiaʼa a goɗ ar haha: Ndohi Israel a ndohi Juda ta tʼhai, ta ga ta matakwan. Ndohi tèlèba man ta hel ta a ɓèlè, ta gs ta hai, ta woy a ta pre ta ɓai.

Jérémie 51:51

Aman nga tsena, ara man ta dérɗèʼa, a nga gu horai, hori a di nga; aman ndohi verzi tsaɗ ta shkè a sam nkezlaʼa, a gi Zhiklè.

Ezéchiel 16:60

Aman iyè i hér nderzlè-ma nga man nga derzlaʼa, man ka dali dai, a nga derzla ma a ka a mèdèp.

Ezéchiel 47:22

Va-gu jimèr a va kinè, a va ndohi man verzi ta tsaɗ man ta zhè a sam kinè, man ta yi wudahi a sam kinè. Ta lèmèlèmè ara wudahi Israel tas. Sèi da ngots skwi nʼndi gai a jimèr a nda kinè te ndev verzi Israel.

Zacharie 1:17

Boho a wuɗai a vaʼa arsa! Zhiklè bi mbiaʼa a gaɗa: I da pshè ta ma kokwarhi ga dai. Ndo nzi pèc pècèk a da bidè Sion dai, a da ngècè Jérusalem auda zaʼa.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Luke 1:54

Nengaʼa a ntakaha Israel, ɓèl na.

Luke 2:32

skwi nhél sam man a ngreda ta civèɗ a ndohi herkeda tèlèba; nʼnjèlè a sam Israel, ndohi ngaya.