Esaie 13:22 - Ma Zhiklè

²² Kda dak a bkwè te gi ɓai, nvalaval a kuɗi te gi man ndohi ta gots te pa. Pats ndikèmaʼa kalka ma, ta mènè a vata azɓai.

Esaie 13:22 ပူးပေါင်းရင်းမြစ်များ

Psaumes 44:19

Ndav nga a mʼmen na a deɓa ɓai, sak nga a mbeza zlawa a civèɗ ngaya ɓai.

Esaie 14:23

Gi nengaʼa i geda a gi matakwas, a draɓ, a i patsedaussa a sambak ngédèshè skwai, Zhiklè bi mbiaʼa a gaɗa.

Esaie 25:2

Ka ndeda kokwar a kwazlazlam, ka mbeɗda zlazlar kokwar, a gi bihai, aussa. Ndohi nsawalkaɗa a gèɗ ta nza a dala a ta rèm kokwar te deɓaʼa asaɓai.

Esaie 32:14

Aman gi bihi nʼnde na a dikai. Nhèzlèwè kokwar klèng, ko kuda ɗiak a cinè te pa azɓai. Gi ngurèʼa a ma ntskal a nʼnde na hi ara dala ambalai. Skwi dak a wuffè te pa, skwi kuɗom a ndi mandi a pa,

Esaie 34:13

Te gi bihai, vatak a grè; nhelas a nkuɗdzarai ta gi mbiaʼa, barkda a gi gi te pa, a zhèrèu a nzi a pa.

Esaie 34:14

Skwi dakhai ta zli gèɗ te pa a nvalaval. Madza-gihai ta zli gèɗ te pa. Sèi mblom a nzi a pa, a mènè a pa.

Esaie 35:7

Wyak nwotwotaʼa ara vogwa a nʼnge na a sam nhèyè iyam; herkeda nʼngwora kusalaʼa a nʼnge na a nlèlè iyam. Tʼhwaɗ wof ntus-tusaʼa man gi nvalaval te pa, cénjè-ra a wasla ta grè a pa.

Esaie 43:20

Skwi dak ta da sle-bardyè, nvalaval a zhèrèu. Aman i kèl iyam tʼhèshèkèɗ, a woyam a tsohi-tsoh, a i va ta iyam nsai a ndohi man i par ta,

Jérémie 48:16

Ngédèshè Moab a shkè tsam-tsam. Matakwan nengaʼa a herdeka na va.

Jérémie 51:33

Aman Zhiklè bi mbiaʼa, Zhiklè Israel, a goɗ ar haha: Kokwar Babylone nara hedak a pats man ta kizlè dau te pa. Njèkè kètè, a pats mɓicè skwi na a mshkè ma.

Jérémie 9:11

I da mbeɗɗa Jérusalem a hai, a i ndeda a gi skwi dak. I ndeda kokwar Juda a hèshèkèd, a ndo a nzi a pa azɓai.

Lamentations de Jérémie 4:3

Ko barkdadihai ta wèr di wud ta, aman ta ciɗè wa. Kokwar ndohi ga a nkalda skwi a pa ara zhèrèu tʼhèshèkèd.

Michée 1:8

Gar haha i kuɗai a i gi wobau, i dè a daf sak, a verzi a dala, i kuɗi ara nvalaval, man mi a keɗaʼa, a i kuɗi ara wuzhèm.

Habakuk 2:3

Skwi a da rka ka a di a ma dai, ndikèmaʼa a herdeka va, a ngwèdè azɓai. Ko a nzi dai, zhoro! A da gi a vava, a da gi ndèzl.

Sophonie 2:14

Te ndevaʼa rèwè skwai a mènè a pa, skwi dak tsaɗ tsaɗ. A diki tengaʼa, diakihai a matakwas ta da nghé-dè va a pa. Wuzhèm a kuɗi a nvakavar, ngwak a ntamagai.

Deutéronome 32:35

Ha pats kita, pats mpil gèɗ, a pats man ta da kèlèhai. Aman pats ngédèshè tengaʼa ndul ndul, ndikè-ma tengaʼa a herdeka va.

2 Peter 2:3

A géɗ ntétékè Suli tengaʼa ta da mbeɗ kinè. Kita tengaʼa ntila ma, daga zlèzlèa, a skwi ngedas ta a zhèr ta.