19 Skwi haha a da gi te Babylone, kokwar-bi man a fena kokwar-bihi ngiɗè tèlèba. Nʼnjèlè man ndohi Chaldée ta fi va a vna, a da gi lèmèlèmè ara Sodome a Gomorrhe, man Zhiklè a ngedas ta.
Va-bica va tèlèba, va-tsenaʼa! Te va tengaʼa wa, man a njo ar haha? Nengaʼa man Zhiklè a woyaʼa a ndav na, a di a gi skwi man Zhiklè a woyaʼa te Babylone, a ngreda wuɗi na a sam ndohi Chaldee.
Te deɓ mvi 70 sa, i da gi kita a géɗ bi Babylone, a géɗ ndohi kokwar haha ba, a géɗ mali ta, Ndo nzi pèc pècèk a gaɗa. Kokwar ndohi Chaldée, i da ndeda a dikai a mèdèp.
Aman Ndo nzi pèc pècèk a ga na Babylone skwi man a nhuro, herkeda a gi zlau, a gudzai, aman a ndeda kokwar Babylone a hèshèkèɗ, a kokwar man ndo a te pa ɓai.
I zede kinè lèmèlèmè ara man Zhiklè a gu te Sodome a Gomorrhe, a kin nʼngaʼa a gada shègwa nlussoaʼa, man ta ckoɗauda te va vogwa. Ko ar haha kin menkada deɓa a sam ga ɓai, Ndo nzi pèc pècèk a gada.
A géɗ nengaʼa – ara man i zhè—Zhiklè bi mbiaʼa, Zhiklè Israel, a gaɗa – Moab a da ndi lèmèlèmè ara Sodome, a ndohi Ammon lèmèlèmè ara Gomorrhe, sam mbolombolo, sam blèm, a da nde na a hèshèkèɗ a mèdèp. Njèkèɗi ndohi ga ta da helama ta skwi a metsar, a njèkèɗi kokwar-bi ga ta da ndi gi tengaʼa.
aman ta da rka skwi mvècè vogwa, a boma, a vogwa man a gedassaʼa; tser azɓai, nyi skwi azɓai, mandi a grè azɓai, ara Sodome a Gomorrhe, Adma a Tseboim, man Ndo nzi pèc pècèk a ngedas ta a ndav a ndzoan nengaʼa –
A ta peda hutsoɗ a gèɗ, a ta boho a ta kuɗiaʼa, a ta lèyèʼa, a ta gaɗa: Wobau, wobau, ka kokwar mbiaʼa; a sam ngaya ndohi tèlèba, a wurom a géɗ iyam, ta ndaʼa a ndohi mèshèlè te nwèl va ngaya, a pats staɗ ngedas na ma!