Esaie 12:5 - Ma Zhiklè

⁵ Va-slu dimèsh nslébèrdè Ndo nzi pèc pècèk! Aman nengaʼa a ngau nrkedi mbiaʼa. Herkeda tèlèba da suna!

Esaie 12:5 ပူးပေါင်းရင်းမြစ်များ

Psaumes 105:2

Va-sla na dimèsh, va-sla na dimèsh a deɓ ganzavar! Va-nju ma nrkedi nengaʼa tèlèba!

Psaumes 72:19

Ngo-slubordokoy nzlembaɗ nengaʼa nʼnzalaʼa a mèdèp, nʼnjèl nengaʼa da ndha herkeda tèlèba. Amen, Amen.

Psaumes 98:1

Psaume. Va-sla na dimèsh mɓuaʼa a Ndo nzi pèc pècèk, aman nengaʼa a ngau nrke-dai a ri mandi na, ri nengaʼa nkezlaʼa!

Exode 15:1

A pats nasa Moise a ndohi Israel ta slu dimèsh a sam Ndo nzi pèc pècèk, aranta: I woy a i sli dimèsh a Ndo nzi pèc pècèk, aman nʼnjèl nengaʼa mbiaʼa. A nkalda plèsh a ndo man a deɓaʼa a va iyam mbiaʼa.

Exode 15:21

A Miriam a mfu dimèsh: Va-sla na dimèsh a Ndo nzi pèc pècèk, aman nʼnjèl nengaʼa mbiaʼa. A nkalda plèsh a ndo plèsh a va iyam mbiaʼa.

Esaie 24:14

Tengaʼa ta wuffè a ta sli dimèsh. Ta njèl Ndo nzi pèc pècèk a ma woyam mbiaʼa:

Esaie 40:9

Ka man ka hada na ma mbelaʼa a Sion, do za ngurèa! Boho a wuɗai, ka man ka hada na ma mbelaʼa a Jérusalem! Ka goɗ a zlau bail Gaɗa ta kokwarhi te Juda: Na haha, Zhiklè kinè!

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Esaie 42:11

Hèshèkèɗ da wuffa, a ndohi man ta bizhè a pa, a gihi man ndohi Kédar te pa. Ndohi te za sèi da wuffa; va-guzlau te za!

Esaie 44:23

Kinè gidfèkihai, va-gu langlangaʼa; aman Ndo nzi pèc pè-cèk a ngau. Kinè herkeda tʼhwaɗaʼa, va-wuffa! Kinè zahai, a wof nhayaʼa, a wofhi ngaya tèlèba, va-hazlawa a mwuffè! Aman Ndo nzi pèc pècèk a sumka Jacob a deɓa, a ngreda nʼnjèl na auda a sam Israel.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.