Esaie 11:2 - Ma Zhiklè

² Mèzhèɓ Ndo nzi pèc pècèk a da nzi a géɗ nengaʼa. Mèzhèɓ mava te ndav, a maya te gèɗ. Mèzhèɓ man a ngrédè maya, man a vi wuɗai, Mèzhèɓ nshindè skwai a zlau Ndo nzi pèc pècèk.

Esaie 11:2 ပူးပေါင်းရင်းမြစ်များ

II Samuel 23:3

Zhiklè Jacob a ngaɗayè; nengaʼa man a ɓer Israel a ngadayè; ndo man a gi bai a géɗ ndohai, zuraʼa, ndo man a gi bai a zlau Zhiklè,

Psaumes 72:2

a da ga ta kita a ndohi nengaʼa a ngi-zuraʼa, a helka ta mbelaw ndohi ngaya auda te kita.

Exode 28:3

Goɗ a ndohi tèlè man maya ta ta zhè, man i va ta maya nslebi skwai, a ta gi maslaka Aaron, a ta faɗa na mbar a gèɗ, a ndi a ndo mvi skwi a Zhiklè.

Esaie 28:6

A ndi a mèzhèɓ kita a ndo man a bèzlè kita, a ndi a wuɗi ngul ndohai man ta dzam ta ndohi var auda a ntamagi kokwar.

Esaie 32:15

ha pats man mèzhèɓ a shkèhi te géɗèʼa a géɗ nga. Te deɓaʼa tazli hèshèkèɗ nʼngwoda a gi dau, a gi dau nʼngwoda na a gi lak.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 48:16

Va-herdekay va, va-tsenaʼa! Tʼhinkaɗ na i godo, a metsar ka ɓai. Daga man skwi haha a gai, i zhè. Anai Ndo nzi pèc pècèk a nzlindyè a Mèzhèɓ nengaʼa.

Esaie 59:21

Aman iyè, nga derzla ma nga aranta a tengaʼa, Ndo nzi pèc pècèk a gada: Mèzhèɓ ga man a nzi a géɗ ngaya, a ma ga man i va ka a ma, da kazla auda te ma ngaya ɓai a mèdèp, ko te ma wud wudahi ngaya, a hinè antanta a ndè a ma ma a mèdèp, Ndo nzi pèc pècèk a gaɗa.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Matthew 3:16

Aman Jean a nʼnga na baptême a Yèsu ma, a Yèsu a mshkè auda te iyam, na haha gidfèk a mwin na, a nrka Mèzhèɓ Zhiklè man a shkèhai a gèɗ na, ara nkuɗhom.

Jean 14:17

Mèzhèɓ nzuraʼa, man herkeda a slaha a ncè ɓai, te man a rka bai, a sun bai. Aman kinè, kin sun nengaʼa, te man nengaʼa a nzi a sam kinè, a zhè te ndav kinè.

Jean 15:26

Aman nengaʼa man a nzaka kinè a deɓa a shkè ma, nengaʼa man i woy a i zlinda kinè te Bab ga, Mè-zhèɓ nzuraʼa, man a shkè te Bab ga, a da gi malwuɗi a sam kinè a géɗ ga.

Jean 16:13

Aman nengaʼa, Mèzhèɓ nzuraʼa nda shkè ma, a ngreda kinè ma nzuraʼa tèlèba. Aman nengaʼa a gèɗè ma te gèɗ na azɓai. Aman ma man a tsenaʼa, a gèɗèʼa; a ngreda kinè skwi man a di a shkè.

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Actes 10:38

kin suna, ara man Zhiklè a va na wuɗai a Yèsu ndo Nazareth haha, te Mèzhèɓ Zhiklè nkezlaʼa. A nengaʼa a nsawala, a ngu man amba, a mʼmbel ta ndohi tèlèba man bi madzagi a ga ta, te man Bi Zhiklè a zhè a nda nengaʼa.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

Deutéronome 34:9

A Josué, kra Nun, nʼndha a Mèzhèɓ Zhiklè a maya, a géɗ man Moise a mfa na ri a gèɗ. A ndohi Israel ta tsena ma nengaʼa, a ta gu ara man Ndo nzi pèc pècèk a njè na ma a gèɗ a Moise.

2 Timothy 1:7

Zhiklè a mva nga Mèzhèɓ zlau ka ɓai, aman Mèzhèɓ wuɗai a mwoyndo, a nga gshè va nga.

Apocalypse 1:4

Jean a gaɗa ta mpi ndohi Zhiklè tsaraɗ te kokwar Asie: Pombai da zhè a nda kinè, a gumai te nengaʼa, man a zhè antanta, man a zhè zlèzlèa, man a di a shkè, te Mèzhèɓhi tsaraɗ ba, man ta zhè a sam nʼnzi bi nengaʼa,