Esaie 11:15 - Ma Zhiklè

¹⁵ Ndo nzi pèc pècèk a gidè ri nengaʼa a géɗ woyam mbiaʼa te Egypte, a ngworaʼa, kozlar nengaʼa wobkwobkaʼa a kezla te va tsaraɗ, a ndohi ta bizhè a pa a kotokoroh te sak.

Esaie 11:15 ပူးပေါင်းရင်းမြစ်များ

Exode 14:21

A Moise a ngudo rai a géɗ woyam, a Ndo nzi pèc pècèk a ngoko kozlar mbiaʼa te civèɗ nkèl pats, a vad tèlèba, a woyam ngwor na, a iyam a ngelna te va cèw.

Exode 14:22

A ndohi Israel to do a pa a ta tawaɗa a sam ngworaʼa, a iyam a gu ngela va a ri gula, ngela va a ri mandai.

Exode 14:29

Aman ndohi Israel ta beza a matsa a ndev woyam a sam ngworaʼa, iyam nʼngela te va cèw, te man a ri gula, te man a ri mandai, ara zlazlar.

Esaie 19:16

A pats nasa, ndohi Egypte ta ara ngwozihai; ta gi zlau, ta gudzai.

Esaie 43:16

Ndo nzi pèc pècèk, man a mbazlda civèɗ a ndev woyam mbiaʼa, a mwinèʼa civèɗ te va iyam mbiaʼa, a goɗ aranta.

Esaie 44:27

A i gaɗa na iyam mbiaʼa: Gwor ngaya! A i gwora woyamhai.

Esaie 50:2

Man i shkè, i ngatsa ndo a pa ɓi èhèmè? Man i boho, ndo a mʼmbeɗay a ma ɓi èhèmè? Ri ga a shila ɓai, kumba tüsloʼa man i preka kinè auda ɗè? Wudi ga aman i mbel kinè azɓi ɗè? Na haha i gwora woyam mbiaʼa a ndzoan ga. I gwora woyam, a i ndeda hèshèkèɗ, a klèfihi te pa ta husl ta, a géɗ man iyam azɓai. A skwihi te pa ta bazl ta a mi iyam.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 63:12

Man ri nengaʼa nʼnzalaʼa a ntakaha ri mandi Moise, a nʼngela iyam a ma tengaʼa, aman ta hér nzlembaɗ nengaʼa a mèdèp.

Esaie 7:20

A pats nasa Ndo nzi pèc pècèk a da shèma ta gwots auda te gèɗ, a sak, a bozozom, a pidök man a ndzhoüo a slembelom te wud woyam Euphrate.

Esaie 8:7

na haha, Bi Zhiklè a baha na iyam woyam mbiaʼa, man a hi a wuɗai: bi Assyrie a nʼnjèl nengaʼa tèlèba, a nzede ta. Woyam mbiaʼa sa a dè auda a dzah, a tsagi woyam,

Ezéchiel 29:10

A géɗ nengaʼa i ga ka kita a gèɗ, a gèɗ woyam Nil ba. I da gédèshè kokwar Egypte, a ndi a dikai, a hinè te Migdol, ha ndè Syène, ha ndè a ma kokwar Ethiopie.

Ezéchiel 30:12

Woyam a da gwor na, a i va ta kokwar a ri a ndohi ambaɓihiaʼa. I ndeda kokwar a hèshèkèɗ, a skwi tèlèba te pa, a i pe ta a ri ndohi man verzi ta tsaɗ. Iyè, Ndo nzi pèc pècèk, i goɗa.

Zacharie 10:11

Ta da bizhè a ndev woyam Egypte, a Ndo nzi pèc pècèk a slèmbèɗdè iyam te woyam, a woyam Nil a da gwor na. Assyrie a da fi va asaɓai; gada bi Egypte ba asaɓai.

Apocalypse 16:12

A gol Zhiklè mamokwaʼa a mbada kokwi na a géɗ Euphrate, woyam mbiaʼa. A iyam nengaʼa a nshe na, aman civèɗ ntila, man a bihi te man a mvèng pats.