Esaie 11:14 - Ma Zhiklè

¹⁴ Ta da kala ta va a za Philistie a ma iyam mbiaʼa, a ta humda va a ta da hil skwi ndohi kokwar man a verzi gai. Ta da cè kokwar Edom a Joab, a ndohi Ammon ta da gi ɓèl ta.

Esaie 11:14 ပူးပေါင်းရင်းမြစ်များ

Esaie 14:29

Ndohi Philistie, kin wuffa ɓai, te man gada man ta tse kinè a vna, mpasla; aman hutor ndemhal man ta ngelaʼa, a nʼngwoda va na a kwak. Kra nengaʼa a gi skwi ngiɗè man ara kedam, man a hi a zhiklè.

Esaie 15:1

Aʼa – aʼa – aʼa – Ar-Moab ngedassa, nʼndev na, a vaɗ staɗ! Aʼa – aʼa – Kir-Moab ngedassa, nʼndev na, a vaɗ staɗ!

Esaie 16:14

Aman anai Ndo nzi pèc pècèk a goɗ aranta: Njèkè mvi makar dai, ara mvi sojè, a nʼnjèl Moab a gédèsh na, a ndohi nengaʼa rèdèdèʼa tèlèba. Njèkèɗia az a vata ɓai, ndohi ambali kèshka-ta genè.

Esaie 25:10

Aman mpshè ma Ndo nzi pèc pècèk a da nzi a géɗ za haha. Ndohi Moab, Ndo nzi pèc pècèk a da mbatsaha ta a sak a sam nʼnzi ta, ara man ta gècè wujèɗ a kuza te diaʼa.

Esaie 33:1

Wobau a géɗ ngaya, ndo nge-dassa skwai, aman ka, ka gedassa ɓai! Wobau a géɗ ngaya, ndo metsar, aman ta ga metsar a skwi ngaya ɓai! Aman ka gedassa skwi klèng ma, ta da gedas ka. Aman ka ga metsar klèng ma, ta da gi metsar a sam ngaya.

Esaie 59:19

A ta da gi zlau nzlembaɗ Ndo nzi pèc pècèk, te civèɗ dukwaɗ, a ta da gi zlau nʼnjèl bi nengaʼa te civèɗ mvèng pats. Aman nengaʼa a shkè ara woyam nterzlaʼa, man nshèffè Ndo nzi pèc pècèk a hèdèʼa.

Esaie 60:14

Wud ndohi man ta zumda ka gèɗ a di ta shkè a sam ngaya a gurmbèzh. Tengaʼa tèlèba man ta derɗe ka, ta da kèlèhi a deɓ sak ngaya, a ta baha ka ‘kokwar Ndo nzi pèc pècèk’ – ‘Sion Zhiklè Israel nkezlaʼa’.

Esaie 63:1

Nenga wa, man a shkè te Edom, te Botsra, a maslaka vèvèzh a va, a dzugorko va a ri a géɗ maslaka nengaʼa, ndaɓaraʼa a wuɗai! Iyè man i goɗ a géɗ ngi-zuraʼa, a i pasla kinè ri ma mʼmbel ndo a hai.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Jérémie 40:11

A ndohi Juda tèlèba te Moab, a sam ndohi Ammon, te Edom, a tengaʼa te kokwar tèlèba ta tsenaʼa, bi Babylone a njèkaha ndohi Juda, a nfu Guedalia, kra Achikam, kra Shephan, a tsuvom ta;

Jérémie 48:40

Gar haha Ndo nzi pèc pècèk a gaɗa: Na haha ndo mayam a hi ara mangayak, a tsi kelpasl nengaʼa a géɗ Moab.

Jérémie 49:2

Gar haha pats a di a shkè, Ndo nzi pèc pècèk a gaɗa, aman ta da cinè nguzli var a géɗ Rabbath ndohi Ammon, a ngi a dikai mʼmbeɗaʼa. Vogwa a nʼndeda dalahi nengaʼa a ma. Israel a da dzam ta ndohi man ta dzama nengaʼa, Ndo nzi pèc pècèk a gaɗa.

Jérémie 49:22

Na haha, a hi a géɗèʼa ara mangayak, a tsi kelpasl a gèɗ Botsra; a pats nasa ndav ngul ndohi Edom lèmèlèmè ara ndav ngwoz man a ɗish kra.

Jérémie 49:28

A géɗ Kédar, kokwar-bihi Hatsor, man Nebucadnetsar, bi Babylone, a gu ngulaʼa, Ndo nzi pèc pècèk a gaɗa: Va-slambaɗa, vo-do, va-gu var a Kédar, va-dum ta ndohi te civeɗ mvèng pats!

Ezéchiel 25:14

I woya aman Israel, ndohi ga, ta gi kita a géɗ Edom te di man a ga. Ta da gi a sam Edom lèmèlèmè ara ndzoan ga, ara ndav ga man a dzay worworaʼa. A Edom a sun kita ga, Bi Zhiklè a gaɗa.

Daniel 11:41

A shkè a kokwar nkezlaʼa ba, a ndohi kumba ta bazl ta. Aman ndohi haha ta da mbel ta te ri nengaʼa:

Joel 3:19

Egypte a nʼnde na hèshèkèɗ, a Edom a sam man skwi a gi a pa azɓai, a géɗ mali man ta gu a sam ndohi Juda, man ta keɗa ndo man nʼnga mali ɓai te kokwar ta.

Amos 9:12

A ta ngècè njèkèɗi Edom a njèkèɗi ndohi herkeda tèlèba, man ta tsu ri a nzlembaɗ ga, a skwi nʼndi gi tengaʼa, Ndo nzi pèc pècèk a gaɗa, nengaʼa man a gi skwi haha tèlèba.

Habakuk 1:8

Plèshihi tengaʼa, nhi tengaʼa a fena kokoya, a fena kdadihi dak. Ndohi plèsh tengaʼa ta haka dra, ara vezai man a ngézl wotsak.

Sophonie 2:5

Wobau a géɗ ndohi a ma iyam mbiaʼa, kinè ndohi Kéreth! Ndo nzi pèc pècèk a goɗ a géɗ kinè: Canaan, kokwar ndohi Philistie, i da gedas ka, ndo a nzi a pa asaɓai.

Sophonie 2:7

Sam a ma woyam mbiaʼa sa, njèkèɗi ndohi Juda ta da ngècèʼa, ta da wèr skwi ta a ma woyam mbiaʼa. A dakwaɗ ta da mènè te gi te kokwar Askalon. Ta pea ta a gèɗ a Ndo nzi pèc pècèk, Zhiklè tengaʼa, azɓai. A da helka ta ndohi a deɓa te ɓèlè.

Sophonie 2:9

A géɗ nengaʼa – ara man i zhè—Zhiklè bi mbiaʼa, Zhiklè Israel, a gaɗa – Moab a da ndi lèmèlèmè ara Sodome, a ndohi Ammon lèmèlèmè ara Gomorrhe, sam mbolombolo, sam blèm, a da nde na a hèshèkèɗ a mèdèp. Njèkèɗi ndohi ga ta da helama ta skwi a metsar, a njèkèɗi kokwar-bi ga ta da ndi gi tengaʼa.

Nombres 24:17

I rkaʼa, aman antanta di ka bai – i wèrèʼa, aman ndul ndul di ka bai – bantai a vangkaɗauda te verzi Jacob. Gaɗa bi a shkè auda te Israel, a mbatsama ta gèɗ a ndohi Moab, a vatasl gèɗ ndohi Seth tèlèba.

Matthew 8:11

Aman i gaɗa kinè: Ndohi kumba ta da shkè te civèɗ mvèng pats, te civèɗ nkèl pats, a ta da nzi a nda Abraham, a Isaac, a Jacob te kokwar-Bi-Zhi-klè.

Juges 6:3

Pats ngiɗè, aman ndohi Israel ta zlekau skwai, ndohi Madian ta shkè a nda Amalek a ndohi te kokwar te civèɗ mveng pats, a ta kala ta a va.