Esaie 10:24 - Ma Zhiklè

²⁴ Gar haha Bi Zhiklè bi mbiaʼa a goɗ aranta: Ndohi ga, man kinè a zhè te Sion, kin gu zlau ndohi Assyrie ɓai, man ta tse kinè a gada, ta slambaɗdaha kinè mènèwèd, lèmèlèmè ara ndohi Egypte ta gau halaʼa.

Esaie 10:24 ပူးပေါင်းရင်းမြစ်များ

II Rois 19:6

Esaie a ngaɗa ta: Va-gaɗa na bi kinè: Ndo nzi pèc pècèk a goɗ arsa: Ka gu zlau ma man ka tsena ɓai, man golahi bi ta derɗyè a vna.

Exode 14:9

A ndohi Egypte ta hu a verzi ta aranta, a ta ngats ta, ta mana a ma iyam mbiaʼa, plèshi kiki var tèlèba, a ndohi a deb plèshi, a ndohi var Pharaon – te Pi-Hahiroth, zuraʼa a Baal-Tsephon.

Exode 5:14

A ndohi mɓer ndohi Israel, man sojèhi Pharaon ta pau, ta tse ta, a ta gada ta: A patsna kin helka kwa tar mpats ngiɗè bi èhèmè?

Esaie 10:5

Wobau a géɗ ndohi Assyrie! I fu a gada mbèzl va ga, a mènèwèd man i ndèh ndohi a vna.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 14:29

Ndohi Philistie, kin wuffa ɓai, te man gada man ta tse kinè a vna, mpasla; aman hutor ndemhal man ta ngelaʼa, a nʼngwoda va na a kwak. Kra nengaʼa a gi skwi ngiɗè man ara kedam, man a hi a zhiklè.

Esaie 27:7

Ndo nzi pèc pècèk a ntsau Israel lèmèlèmè ara man a ntsau ndo ntse Israel ɗè? Ta bazla lèmèlèmè ara ndohi mbazl ta ɗè?

Esaie 30:19

Kinè ndohi Sion, man kin nzi te Jérusalem, kin da kuɗi a ma ma asaɓai. Kin da si Zhiklè te va, aman kin da kuɗi a sam na; ncin na, a cèʼa.

Esaie 30:32

A géɗ mali staɗ staɗ man ta gau, a ndah ta staɗ staɗ, a tsi ganga a ganzavar a géɗèʼa, a ndah ta, a nceda ri a zhiklè a vata.

Esaie 35:4

Va-gaɗa ta ndohi man ndav ta mʼmbeɗ na: Va-sassaya di kinè, kin gu zlau ɓai! Na haha Zhiklè kinè! A shkè a mpil gèɗ ndohai, a jhèɗè skwi mpil gèɗ, nengaʼa a shkè a ntakaha kinè a ri na.

Esaie 37:22

Na haha ma man Ndo nzi pèc pècèk a goɗ a géɗ nengaʼa: Bidalai, dem Sion a rka ka ara zai, a ngwossaha ka. Dem Jérusalem a geda gèɗ kwota-kwotaʼa te deɓ ngaya.

Esaie 37:6

Esaie a ngaɗa ta: Va-gaɗa na bi kinè: Ndo nzi pèc pècèk a goɗ arsa: ka gu zlau ma man ka tsena ɓai, man golahi bi ta derɗyè a vna.

Esaie 4:3

Te deɓaʼa ko wawa man a zhè a nshèffè te Sion dai, tèlèba man ta jè-kaha va te Jérusalem, ta da baha ta ndohi nkezlaʼa, ko wawa man ta windo nzlem-baɗ ta man ta zhè a nshèffè te Jérusalem.

Esaie 46:13

I herda kinè skwi mʼmbel ndo a tsagi ma, az dra ɓai. Skwi mʼmbel ndo ga a goko ndodoh azɓai. I va na skwi mʼmbel ndo a Israel te Sion, a Israel, nʼnjèl ga.

Esaie 51:13

Ndo nzi pèc pècèk man a nge ka, man a mwuzhè giɗfèk, a ngu herkeda, a pca ka a gèɗ, kè! Ka gu gudza gudzaʼa a sam shèwa ma-yamhi ngaya pèc pècèk, man a woya a ngedas ka; Shèwa mayamhi ngaya ani na tema?

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Esaie 7:4

Gaɗa na: Gu maya a ka nza tètè, ka gu zlau ɓai, ndav ngaya da gudzu ɓai a géɗ pèmbèzh cèw haha man vodzok a ɗüzhè a pa, a géɗ ndav Retsin a Syrie a kra Remalia, man a vècè ara vogwa.

Esaie 9:4

Kotokoroh züdo man a dè hu-tsasl, hutsaslaʼa, maslaka man pombaz a pa, ta da fa na vogwa, a vogwa a da ndiaʼa.

Michée 5:5

Ta da bazl ta ndohi Assyrie a tsakwal, a ndohi kokwar Nimrod a kafahi gwèsh. Ta da mbel nga te ri ndohi Assyrie, aman ta shkè a kokwar nga, a ta mbècè sak a kuma herkeda nga.