Esaie 10:20 - Ma Zhiklè

²⁰ A pats nasa njèkèɗi ndohi Israel, a njèkèɗi ndohi Jacob man ta wuc ta, a ta nzi a nshèffè, ta thè va a nengaʼa man a bazl ta azɓai, aman ta da thè va a Ndo nzi pèc pècèk a vava, Zhiklè Israel nkezlaʼa.

Esaie 10:20 ပူးပေါင်းရင်းမြစ်များ

II Rois 16:7

Achaz a nzlinde ta ndohi sak a sam Ti-glath-Piléser, bi Assyrie, aman a ngaɗa na: I ɓèl ngaya, i kra ngaya. Washkè a ka mbelkay auda te ri bi Syrie, te ri bi Israel man ta slambaɗa a ta da gi var a iyè.

II Rois 19:31

Aman njèkèɗia a zhè aman a da shkè te Jérusalem, a ndohi man ta hu ta a ta mbel ta a za Sion. Srak Zhiklè bi wuɗai a da gi arsa.

II Chroniques 14:11

A Ndo nzi pèc pècèk a mbazl ta ndohi Ethiopie a ma Asa a Juda, a ndohi Ethiopie ta hu ta.

II Chroniques 28:16

Te ndev nasa, bi Achaz a nzlündo ndo a sam bihi Assyrie, da takaha.

II Chroniques 28:20

Tilgath-Pilnéser, bi Assyrie, a mshkè a ngu var a vna, a ngu a ndo mayam na, a ntakaha ɓai.

Esdras 9:14

A nga za kwola ma nkwèr ngaya, a nga hil ngwozi te va ndohi man ta mbèh skwi ambaɓiaʼa aranta dè? Ar ka gi ndav a géɗ nga a ka zede nga a mèdèp, a ka jèkè ndo azɓai, ko staɗ, ka ɓi dè?

Esaie 1:9

Aman agassa Zhiklè bi mbiaʼa a njèkaha nga kèshkata ɓai, ar nga lèmèlèmè ara Sodome, ara Gomorrhe.

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 11:16

Njèkèɗi ndohi na, man ndohi Assyrie ta jèke ta, ta ngots civèɗ, lèmèlèmè ara ndohi Israel man ta shkè auda te kokwar Egypte.

Esaie 37:4

Gar Ndo nzi pèc pècèk, Zhiklè ngaya, a ntsena ma bi sojè bai, man bi Assyrie, bi nengaʼa, a nzlündo, aman a ndérdè Zhiklè man a zhè a nshèffè, – a da ga na skwi ambaɓiaʼa a géɗ ma man Ndo nzi pèc pècèk, Zhiklè ngaya, a ntsenaʼa. Gar haha tsu rai a géɗ njèkèɗihiaʼa man ta zhè a nshèffè dai.

Esaie 46:3

Kinè ndohi gi Jacob, va-tsena ma ga; a kinè njèkèɗi ndohi gi Israel tèlèba, man i takaha kinè daga man kin ya di ɓai, a i wara kinè dai daga nyakad kinè!

Esaie 50:10

Te ndev kinè ndo man a gi zlau Ndo nzi pèc pècèk, da tsena ma ɓèl nengaʼa! Ndo man a dè te ruva, skwi nhél sam az a sam na ɓai, da pu ndav a nzlembaɗ Ndo nzi pèc pècèk, da gso va a Zhiklè na!

Esaie 6:13

Te skwi kula, njèkè skwi staɗ te pa ɗè? Aman te skwi kula skwi staɗ njèkaha, a di a gédèshè zaʼa, lèmèlèmè ara wof man tajèkeda go-doraʼa a pa, lèmèlèmè ara wof lakalak man ta ngelaʼa a ta jèkeda godozlomaʼa a pa. Godozlom nengaʼa, tser ndohi nkezlaʼa.

Jérémie 3:23

A vava nhèzlèwè a géɗ za, skwi nʼngwèdè ndo. A vava skwi mʼmbél Israel a zhè a sam Ndo nzi pèc pècèk, Zhiklè nga.

Jérémie 44:14

Ndo man a hi azɓai; ndo man a mʼmbelda va na ɓai te va njèkèdi ndohi Juda, te va ndohi man ta dè a kokwar Egypte, a ta nzi a pa. Ta dè deɓa a kokwar Juda, man ta woy a ta dè deɓa, azɓai. A vava ta da shkè a deɓa asaɓai; man ndohi man ta wuc ta kètè genè kla!

Osée 14:3

Assyrie da takaha nga ɓai, nga da nzi a deɓ plèsh azɓai, a nga da baha na skwi man ri nga a ngau: Zhiklè nga, azɓai. Ka man kra dikai a se ka te va.

Osée 5:13

Aman Ephraim a rka matakwan nengaʼa, a Juda a rka mblè nengaʼa. Ephraim a mdo a kokwar Assyrie, a nzlündo ndo sak a sam bi Jareb. Aman nengaʼa a slaha a mbel kinè azɓai, a mblè a pkwè a pa azɓai.

Michée 5:3

Te deɓaʼa nengaʼa a sièmbèɗè, a wèr di rèwè na a wuɗi Ndo nzi pèc pècèk, a nʼnjèl nzlembaɗ Ndo nzi pèc pècèk, Zhiklè na. A ta nza, a nengaʼa a gi a mbiaʼa, wuɗi na a ndikè ha verzi herkeda.

Sophonie 3:13

Njèkèɗi ndohi Israel, skwi mèmè man skwi nzura ka ɓai, ta da gi asaɓai; ta cèkèlma azɓai; ta ngwèdè ndo azɓai. Ta wèr skwi ta, ta mènè a sam skwi ta, ndo a pra ta zlau a va azɓai.