Esaie 10:13 - Ma Zhiklè

¹³ Aman nengaʼa a ngaɗa: I gau a wuɗi ri ga, a maya ga: iyè, i ndo maya. I herdaha kuma ndohi a pa, i hul skwi mèshèlè tengaʼa, i koldoko ta bihi auda ara ngul-ndo.

Esaie 10:13 ပူးပေါင်းရင်းမြစ်များ

II Rois 15:29

A pats man Pékach a ngu bi te Israel, Tiglath-Piléser, bi Assyrie, a mshkè, a nceda Ijjon, Abel-Beth-Maaca, Janoach, Kédesh, Hatsor, Galaad a Galilée, herkeda Nephthali tèlèba, a ma, a nhel ta ndohi kokwar a ɓèlè a kokwar Assyrie.

II Rois 16:8

Te deɓaʼa Achaz a nzlinda na verzhègenè a guro man a zhè te gi Ndo nzi pèc pècèk, man a zhè te gi skwi mèshèlè bai, a skwi mbalai a bi Assyrie.

II Rois 17:24

Bi Assyrie a mbaha ta ndohi te Babylone, te Cutha, te Avva, te Hamath, te Sepharvaim, a mva ta herkeda te Samarie a tengaʼa te di man a ndohi Israel, a ta co kokwar-bi Samarie a kokwar ta, a ta nza a herkeda sa ara kokwar ta.

II Rois 17:6

Te mvi bi Osée 9, bi Assyrie a nduma Samarie, a nhel ta ndohi Israel a ɓèlè a kokwar Assyrie, a mpe ta a kokwar Chalach, a za Chabor, a woyam Gozan, a kokwarhi mbimbihiaʼa te Mèdes.

II Rois 18:11

A nhel ta ndohi Israel a ɓèlè a kokwar Assyrie, a mpe ta a kokwar Chalach, a gèɗ za Chabor, a ma woyam Gozan, a kokwarhi mbibihiaʼa te Mèdes,

II Rois 18:15

Ezéchias a mhul Suli tèlèba man a zhè te gi Ndo nzi pèc pècèk, man a zhè te gi skwi mèshèlè bai, a mpa na.

II Rois 18:32

ha pats man i shkè a i da hil kinè a kokwar ngiɗè, man lèmèlèmè ara kokwar kinè, man dau a barassa, man movar a gi lak, kokwar man wof tsna a vongwom a ndev ɓi te pa, a kin nzi a nshèffè, a kin tidè azɓai. Kin va na civèɗ a Ezéchias da ngwode kinè ɓai, man a gada: Ndo nzi pèc pècèk a da mbel nga!

I Chroniques 5:26

A Zhiklè Israel a nslambaɗda ndav Pul, bi Assyrie, a Tilgath Pilnéser, bi Assyrie; a Tilgath-Pilnéser a nhel ta ndohi Ruben a ndohi Gad a rèta ndohi Manassé a ma, a ta de ta a kokwar Chalach, te Chabor, te Hara, a ma woyam Gozan ba, a ta nza te pa ha patsna.

Proverbes 28:11

Ndo mèshèlè a sam di na a gaɗa i ndo maya; aman ndo ntawassaʼa man maya na zhè, a wuzhè ndav ndo sa.

Esaie 10:8

Aman a gaɗa: Ndohi ngra-grahiaʼa bihi tèlè ka ɓi ɗè?

Esaie 5:21

Wobau a géɗ ndohi man ta gaɗa: nga ndohi maya, a ta fa va ta a ndohi maya.

Jérémie 46:8

Egypte, nengaʼa a nslambaɗa ara woyam Nil, a gidè va ara iyam man a gi tskuɗuf-tskuɗufaʼa! A ngaɗa: I da slèmbèɗè, i da ndha herkeda, i da zede kokwar tèlèba, a ndohi te pa.

Jérémie 48:14

Kin gèɗè mè: nga ngul ndohai, nga ndohi var man nga sun var?

Ezéchiel 25:3

Gada ta ndohi Ammon: Va-tsena ma Bi Zhiklè! Bi Zhiklè a goɗ ar haha: A gèɗ man kin ngwoshè kiɗè kiɗè a gèɗ sam ga nkezlaʼa man ta derɗaʼa, a gèɗ herkeda Israel man a nʼnde na hèshèkèɗ, a gèɗ ndohi Juda, man ta hel ta a ɓèlè –

Ezéchiel 26:2

Ka ndo, Tyr a goɗ a géɗ Jérusalem: Yowa, kokwar gani mbiaʼa ngedas na! Anai i da ɓicè skwi mèshèlè ndohi man ta gedas ta.

Ezéchiel 29:3

Hod ma a ka gaɗa: Bi Zhiklè a goɗ ar haha: Di man a ngaya ma, Pharaon, bi Egypte! Ka kedam mbiaʼa, man ka mènè te woyam Nil a ka gaɗa: Woyam Nil a ga ga, iyè a ngau.

Ezéchiel 35:13

Kin slambaɗkay a va, kin goɗ ma ambaɓiaʼa a géɗ ga. I tsena mbelembela ba!

Daniel 4:27

Gar haha, bi ga, i woy a i ngra ka maya: tila mali ngaya a ngi skwi nzuraʼa, tila mphömè ngaya, a mbelawahai ta da se ka te va, wa ngiɗè ba a da gi daraʼa.

Daniel 4:30

Bai a ngaɗa: Nasa Babylone, kokwar mbiaʼa, man i rom a sam nʼnzi bi ga, a wuɗi ga mbiaʼa, a nʼnjèl wuɗi bi ga!

Amos 5:27

I da hel kine a ɓèlè a wud kokwar Damas, Ndo nzi pèc pècèk a gaɗa, man nzlembaɗ na Zhiklè bi mbiaʼa.

Amos 6:13

Kin wuffè a géɗ skwi ambalai, a kin gada: nga ngots wuɗi a ri nga ka ɓi dè?

Habakuk 1:11

Ta hi ara ndombozlor, a ta fu wuɗi ta a zhiklè ta.

Habakuk 1:16

Gar haha ta mbèh skwi a lata ta, ta fèɗè madzaf a gozhèm ta, a ta pèr skwi kumba, a ta ndi skwi kumba.

Habakuk 2:6

Ta tèlèba ta ngala na gèɗ, ta gèɗè ma njkedè ndo a géɗ nengaʼa, a ta gaɗa: Wobau a géɗ ndo man a ɓicè skwi man a nengaʼa ka ɓai – a da ndikè ta ahngwa? Wobau a géɗ ndo man a ɓicè dua a gèɗ.

Deutéronome 8:17

a woya ɓai aman ka hérè te ndav ngaya: Wuɗi ga, wuɗi ri ga a mvay skwi mèshèlè haha tèlèba.

Juges 7:2

Ndo nzi pèc pècèk a ngaɗa na Gédéon: Ndohi da nza ka a tsagi kumba ar haha bai. I slaha a i pa ta ndohi Madian a ri a tengaʼa azɓai, man ɓai ndohi Israel ta da fi va a sam ga, a ta gaɗa: Nga mbel nga a ri nga.