Esaie 1:4 - Ma Zhiklè

⁴ Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Esaie 1:4 ပူးပေါင်းရင်းမြစ်များ

Genèse 13:13

Aman ndohi Sodome, ndohi malihi mbiaʼa, ndohi mphömè a sam di Ndo nzi pèc pècèk.

II Rois 21:22

A njè-keda Ndo nzi pèc pècèk, Zhiklè babhi na, a ndzadzara civèɗ Ndo nzi pèc pècèk ɓai.

II Chroniques 12:1

Aman bi Roboam a nʼngots wuɗi ma, nʼnga a mbia ma, a njè-keda ma kita Ndo nzi pèc pècèk, a ndohi Israel tèlèba a nda nengaʼa.

II Chroniques 27:2

Jotham a ngau skwi nzuraʼa a sam di Ndo nzi pèc pècèk, lèmèlèmè ara Ozias, bab na, a gau. Aman a nda a gi Zhiklè ɓai. Ndohai ta ngwoda ndo ta genè.

Néhémie 1:7

A vava nga gu skwi man ambaɓi kumba a sam ngaya, nga dzadzara ma nkwèr ngaya ɓai, ma kita, ma nde nga man ka va na Moise, ɓél ngaya.

Psaumes 58:3

Aʼai! Kin tèlèba kin ga skwi te kokwar zura ɓai; ri kinè a ga na wuɗi a herkeda.

Psaumes 71:22

Zhiklè ga, te deɓaʼa i da shida ka gèɗ a ganzavar, a i hér nlèɓèslè ngaya, Zhiklè Israel nkezlaʼa.

Psaumes 78:40

Ta slambaɗa na vasak kumba tʼhèshèkèɗ, ta gu a civèɗ heshèkèɗ, a ndav nengaʼa a kuɗai.

Psaumes 78:41

A ta jkeda Zhiklè gene, a ta poko na gèɗ auda genè, a ta ɗawarama na ndav a Zhiklè Israel nkezlaʼa.

Psaumes 78:57

Lèmèlèmè ara bababhi ta, ta lèɓèslè ɓai. Ta men la a deɓa, a ta gu ara sulom man a ngwoda ta va a gèɗ.

Psaumes 78:8

a ta gi azɓai ara babhi tengaʼa man ta gu mèdègèɗ a ta tsena gèɗ ɓai, verzi ndohi man ta mana ndav ta ɓai, man mèzhèɓ tengaʼa nlèɓèslèa a sam Zhiklè ɓai.

Psaumes 89:18

Aman ka, wuɗi ta, man ta jégèr va a géɗèʼa, a géɗ pombi ngaya, drom tengaʼa nzlatseda.

Exode 32:7

Ndo nzi pèc pècèk a ngaɗa na Moise: Do, sulomahai, ndohi ngaya, man ka helka ta auda te kokwar Egypte, ta gi malai.

Esaie 1:23

Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Esaie 1:28

Aman ndohi man ta tsena gèɗ ɓai, a ndohi mali tèlèba, ta gedas ta. A tengaʼa man ta jèkeda Ndo nzi pèc pècèk, ta zi ta.

Esaie 10:6

I hilèʼa, a i ndèhè ndohi mphö-mè a vna. I zlindèʼa a sam ndohi herkeda man i gi ndav a géɗ tengaʼa, a da düm skwi te pa, a gi metsar te pa, am batsaha ta a civèɗ ara koskosai.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 14:20

Ka da humdè va a nda tengaʼa te gi dzavi azɓai, a géɗ man ka gedassa kokwar ngaya, a ka bazl ta ndohi ngaya. Ta da bèhè verzi ndo man ambabi haha asaɓai a mèdèp.

Esaie 29:19

Mbela-wahai ta da wuffè zaʼa, a géɗ Ndo nzi pèc pècèk, a ndohi ntawassa holholaʼa ta slébèrdè Zhiklè Israel nkezlaʼa.

Esaie 3:8

Jérusalem mʼmbeɗ na, Juda ngedas na, ko te skwi man ta gèɗèʼa, ko te skwi man ta giaʼa, ta woy Ndo nzi pèc pècèk ɓai, ta gi zlau a sam di bi nengaʼa azɓai.

Esaie 30:1

Wobau a géɗ wudahi man ta tse-na gèɗ ɓai, Ndo nzi pèc pècèk a gaɗa. Man ta gi skwi man i hur ka ɓai, ta derzla ma, aman te Mèzhèɓ ga ka ɓai, a ta tsama na malai a deɓ malai.

Esaie 30:15

Gar haha Ndo nzi pèc pècèk, Zhiklè Israel nkezlaʼa, a goɗ aranta: Aman kin menkaɗa deɓa a kin nza, kin da mbél kinè. Aman kin nzi tètèʼa, a kin pi ndav a Zhiklè, kin ngècè wuɗai; aman kin woya ɓai,

Esaie 30:9

Ta ndohi man ta tsena gèɗ ɓai, wudahi ncèkèl-ma, man ta fi gèɗ a ma kita Ndo nzi pèc pècèk azɓai,

Esaie 31:2

Aman nengaʼa ba, maya na zhè, a da fi matakwan, a mindè ma nengaʼa a deɓa azɓai. A da slambaɗa ta va a ndohi ambaɓihiaʼa, a skwi man ndohi ambaɓihiaʼa ta woy a ta takaha kinè a vna.

Esaie 37:23

Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 41:20

Tèlèba ta da rkaʼa, a ta suna, ta her gèɗ, a ta co a ndav: skwi haha a shkè te ri Ndo nzi pèc pècèk; Zhiklè Israel nkezlaʼa a ngau.

Esaie 5:19

Man ta gaɗa: Da vaska va, da ndeva mizlinè nengaʼa yau yau, aman nga rkaʼa! Skwi man Sion a nhur a da giaʼa, da gau, a nga suna!

Esaie 5:24

Gar haha lèmèlèmè ara nèʼèn vogwa a ndi düsh dau, a vogwa a ndeda ksof a ma hüyom, zluzlor tengaʼa a da nde na a ndefèn vogwa, a nwurzhè a nɗuz na ara mbokom. A géɗ man ta dérɗè ma kita Zhiklè bi mbiaʼa, a ta kwola ma Zhiklè Israel Zhiklè bi mbiaʼa, a ta kwola ma Zhiklè Israel nkezlaʼa,

Esaie 57:17

I gu ndav a gèɗ shèwa tengaʼa. I tsau, ndav a ndzayè, i ngheda va ga. Aman tengaʼa ta tsena gèɗ ɓai, to do a civèɗ ara man ndav tengaʼa a woyaʼa.

Esaie 58:2

Ta woy iyè lèk-lèk, a ta woy a ta sun civèɗ ga. Ara ndohi man ta gi skwi nzuraʼa, a ta jèkeda ma kita Zhiklè ɓai, ta jhèɗè ma kita nzuraʼa a sam ga; ta woya aman Zhiklè a herda ta va.

Esaie 65:11

Aman kinè man kin jèkeda Ndo nzi pèc pècèk, man za ga nkezlaʼa mpca kinè a gèɗ, man kin va na skwi nʼndi a Gad, a kin ndha kokwi a kin va na Meni,

Esaie 65:3

A sam ndohi man ta pokoy gèɗ auda pèc pècèk, man ta ndar ɓurdi te gi lak, a ta ndar ɓurdi a sam man ta roma.

Esaie 9:17

Aman malai a zlèzlèmè ara vogwa, a ndeda vatak a nkuɗdzari a ma, a nfa na vogwa a wof, a vodzok a ndüzhè dekdekaʼa.

Jérémie 15:6

Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 2:31

Kinè verzi ndohi mè? Va-tsena ma Ndo nzi pèc pècèk: Israel a fiyè a hèshèkèd, a herkeda ruva dè? Ndohi ga ta gaɗa: Nga pra ma, nga shkè a deɓa a sam ngaya asaɓai, èhèmè?

Jérémie 2:33

Ka tila civèɗ ngaya amba amba, a ka woy bakai! A géɗ nengaʼa ba, ka senda malai.

Jérémie 2:5

Ndo nzi pèc pècèk a goɗ ar haha: Babhi kinè ta ngatsa a sam ga mali mè? A ta jèkyè a ta dè a verzi skwi ambalai a ta gedas ta.

Jérémie 32:32

A géɗ skwi man ambaɓi tèlèba man ndohi Israel a ndohi Juda ta gau, a ta pokoy gèɗ ndav auda a vna, tengaʼa bihi ta a wud bihi ta, ndohi mvi skwi a Zhiklè ta, a ndohi nhadka ma ta, ndo te Juda a ndohi kokwar Jérusalem.

Jérémie 50:29

Va-bahka ta ndohi lèkèɗ, tèlèba man ta sun mɓèr skwai a lèkèɗ, a kokwar Babylone. Va-nza na ma a sam tèlèba, aman ta slaha ta hi auda azɓai. Va-ga na ara maya nengaʼa man a gau, va-ga na lèmèlèmè ara man nengaʼa a gau. Aman nengaʼa a grè gèɗ a sam Ndo nzi pèc pècèk, Zhiklè Israel nkezlaʼa.

Jérémie 51:5

Aman Zhiklè Israel a Juda, Zhiklè bi mbiaʼa, a jèkeda kokwar ta a gèɗ ta ɓai, ko herkeda tengaʼa nʼndha a malai a sam Zhiklè Israel nkezlaʼa.

Jérémie 7:19

Aman ta pokoy gèɗ ndav auda a iyè dè? Ndo nzi pèc pècèk a gaɗa. Ta gayè a iyè dè? Ta gu skwi ta a va ta, ta ngècè hori a di ta.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Ezéchiel 14:5

A i da mbeɗama ta ndav a ndohi Israel, tengaʼa man ta jèkyè, a gèɗ vri tengaʼa kumba.

Ezéchiel 16:33

Fali dam staɗ staɗ tèlèba ta va ta skwi a pa. Aman ka, ka va ta skwi mbalai a ndohi man ka gu mphömè a nda ta, a ka ruɓ ta, ka woy a ta shkè a sam ngaya te sam tèlèba, a ta gi mphömè a ka.

Ezéchiel 16:45

Ka dem mam ngaya man a kwola baki na a wud na. Ka demam te va demamhi ngaya, man ta kwola baki ta a wud ta. Mam kinè, dem Heth. Bab kinè ndo Amor.

Daniel 9:11

Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Sophonie 1:6

Ta tèlèba man ta ngwoda na deɓa a Ndo nzi pèc pècèk, a ta woy a ta tsi ri a nengaʼa ɓai.

Nombres 32:14

Antanta kinè a zhè te di man a babhi kinè, wud ndohi malai, a kin poko na gèɗ ndav auda a Ndo nzi pèc pècèk, a ngi ndav holholaʼa.

Matthew 11:28

Vo-washkè a sam ga, kin tèlèba man ntulè a keɗ kinè, man skwi mwuɗitpa a ga kinè, a i da va kinè nshèk va.

Matthew 23:33

Zhüzhokihai! Wud tsebarhai! Kin da hi kinè auda a sam vogwa kita a maya mè?

Matthew 3:7

Aman a rka ndohi pharisie a ndohi sadducée ta shkè a sam baptême kumba, a ngaɗa ta: Kinè wud tsebarhai, nʼngreda kinè wa, aman kin slaha kin hi kinè a ndzoan Zhiklè man a di a shkè?

Romans 8:7

Aman skwi man ndo a hérèʼa ara nyakaɗ na, nengaʼa mayam Zhiklè, a fi gèɗ a ma kita Zhiklè azɓai, a slaha ɓai.

1 Corinthians 10:22

Aman nga woy a nga poko na gèɗ auda a Bi Yèsu a ngi srak ɗè? Nga fena wuɗi nengaʼa ɗè?

Deutéronome 29:25

A ta mbeɗa ta a ma: A géɗ man ta jèkeda nderzlè-ma man ta gu a Ndo nzi pèc pècèk, Zhiklè babhi ta, man a nhelka ta auda te kokwar Egypte.

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

Deutéronome 32:19

Ndo nzi pèc pècèk a nrkaʼa, a nkwol ta, a ngu ndav a géɗ wudahi na a dalahi na.

Deutéronome 32:5

Ndohi nengaʼa ta kwolaʼa, verzi ndohi ambaɓihiaʼa, ndohi nʼngwèdè ndo.

Colossiens 1:24

Anai i wuffè te matakwan man i si a géɗ kinè. A matakwan Kristi, man az tèlè di ɓai, i rufa te va ga, a géɗ mpi ndohi Zhiklè, va nengaʼa.

Apocalypse 18:5

Aman mali nengaʼa nʼndika a zhiklè, a Bi Zhiklè a hér mphömè nengaʼa.

Juges 10:10

A ndohi Israel ta kuɗi a sam Ndo nzi pèc pècèk, a ta gaɗa na: Nga gu malai a sam ngaya, a gèɗ man nga jèkeda Zhiklè nga, a nga dzodzor Baalhai.