Esaie 1:31 - Ma Zhiklè

³¹ Ndo mbiaʼa a da ndi lèmèlèmè ara kda gogumai, a mizlinè nengaʼa a da gi lèmèlèmè ara nwurcè vogwa. Cèw ba vogwa a da ndiaʼa, ndo mbècè vogwa azɓai.

Esaie 1:31 ပူးပေါင်းရင်းမြစ်များ

Esaie 24:6

Gar haha ma mphömdè herkeda a gedassa herkeda, a ndohi herkeda ta pil gèɗ mali ta. Vogwa a ndi ndohi herkeda a ma, njèkè kèshkata genè.

Esaie 26:11

Ndo nzi pèc pècèk, wuɗi ri ngaya a zhè, aman ta rka ɓai. Sèi ta da rka pats ngiɗè, a ta ngècè hori a dai. Srak a géɗ ndohi ngaya, a vogwa a géɗ mayamhi ngaya, sèi da nde ta a ma.

Esaie 27:4

Man vatak a nkuɗdzarai a fcè, i gi ndav azɓai, i gi wuɗi a vna, i fa na vog-wa.

Esaie 33:11

Kinè a mandi a ksof tʼhwaɗ, kin thè auda ara düsh pandar. Nshèffè man kin soff-koɗauda te ma, a nde kinè a ma ara vog-wa.

Esaie 33:14

Ndohi malai ta gudzi te Sion. Nder-kèzhè ndohai ta gi gurts te va tengaʼa. Ta jhèɗèʼa: Nslaha a nzlècè a tsagi nèʼèn vogwa wa? Nslaha a nzlècè a tsagi vogwa man a mbècè azbi a mèdèp, wa?

Esaie 4:4

A pats man Bi Zhiklè a mponko na derɗa auda a va kokwar Sion, a mponkoɗi pombaz auda te Jérusalem a kita a vogwa.

Esaie 43:17

Nengaʼa man a nzlündo kiki var a ndohi plèsh a ndohi var a bihi sojè tèlèba; ta kala tʼhai, ta slèmbèɗè azɓai, ta mbats ta ara vogwa pitirla man teɓa a ndev na te pa.

Esaie 5:24

Gar haha lèmèlèmè ara nèʼèn vogwa a ndi düsh dau, a vogwa a ndeda ksof a ma hüyom, zluzlor tengaʼa a da nde na a ndefèn vogwa, a nwurzhè a nɗuz na ara mbokom. A géɗ man ta dérɗè ma kita Zhiklè bi mbiaʼa, a ta kwola ma Zhiklè Israel Zhiklè bi mbiaʼa, a ta kwola ma Zhiklè Israel nkezlaʼa,

Esaie 50:11

Na haha kin tèlèba, man kin vècè vog-wa, a skwi ntiv vogwa te rai, vo-do a ndev nèʼèn vogwa kinè, a va vogwa man kin tivèʼa! Skwi haha ri ga a nga kinè, a kin da si matakwan.

Esaie 66:17

Tengaʼa man ta kezla ndav ta, a ta pana ndav ta, te gi lak, a ta dè a gi lak a verzi ndo staɗ te ndevaʼa, man ta ndi zluèd wodala a skwi man nlizhèa ara koʼom, ta da ndev ta a sam staɗ, Ndo nzi pèc pècèk a gaɗa.

Esaie 66:24

Ta dè auda, a ta rka nckondo ndohai man ta kwolyè. Meturɗi te va tengaʼa a metsi azɓai, a vogwa a sam tengaʼa a mbècè azɓai, a ta ndara ta ndohi tèlèba.

Esaie 9:19

Ta gi metsar tʼuna, mi a keɗ ta genè. Ta ndi skwi tʼuna, a ngeza ta ɓi genè. Ndo staɗ staɗ tèlèba ta ndi va ta a ma a dai.

Jérémie 21:12

Ndohi gi David, Ndo nzi pèc pècèk a goɗ ar haha: Va-gu kita a prèk langa, va-mbela ndo man ndo ambaɓiaʼa a nga na wuɗai, auda te ri nengaʼa; man ɓai ndzoan ga a shkè auda ara vogwa, a da ndeda skwi a ma, ndo mʼmbècè azɓai, a géɗ maya kinè man ambaɓai.

Ezéchiel 32:21

Ngul ndohai man ta te gi dzavai, ta da gaɗa na: A mshkèhai, a mènè a sam ndohi ntakaha, a sam ndohi man ngwon nʼngel bai, man tsakwal a mbazl ta.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Matthew 3:10

Antanta dzana te verzi wof, a wof staɗ staɗ tèlèba man a yi wuda zuraʼa azɓai, ta ngélèʼa, a ta kalda a vogwa.

Matthew 3:12

Kokwi te ri nengaʼa. A nengaʼa a da pèvè dau a hedak tèlèba. Dau nengaʼa a da ɓicè a wov, aman topok dau a fa na vogwa man a mbècè asaɓai.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.

Apocalypse 20:10

A bi madzagai man a pe ta a wai, ta kalda a vogwa mbiaʼa, a skwi nvècè vogwa te pa, a sam man skwi dak a ndo nhadka ncèkèlma ba nte pa, a ta ga ta matakwan a pats ba a vaɗ ba a mèdèp.

Juges 15:14

Aman a ndikè ndul ndul a ma kokwar Léchi, ndohi Philistie ta shkè, aman a ta haka na ma a sabi a ma. Aman Mèzhèɓ Ndo nzi pèc pècèk a mshkè a géɗ nengaʼa: A teɓa cèw man ta dzawa a vna, ta nde ta a ndè-fèn vogwa, a skwi ndzawaʼa a mʼwushahai.