Esaie 1:3 - Ma Zhiklè

³ Marai a sun ndo mʼmono, a kɗèh a sun gi bab na. Aman Israel a senyè ɓai; ndohi ga, maya ta azɓai.

Esaie 1:3 ပူးပေါင်းရင်းမြစ်များ

Psaumes 94:8

Kin ndohi nrzlaʼa te ndev ndohai, va-suna! Kin madaɗauhai, kin da ngècè maya a ngèmè?

Proverbes 28:5

Ndohi ambaɓihiaʼa ta sun skwi nzura ɓai; aman ndohi man ta woy Ndo nzi pèc pècèk, ta sun skwi tèlèba.

Proverbes 6:6

Do a gi ngwolèlè, ka ndo wudar! Pu di a mizlinè tengaʼa, a ka ngècè maya.

Esaie 27:11

Aman ntsatseriaʼa ngwora, ta pasledaussa. Ngwozi ta shkè a ta fa na vogwa. Aman ndohi haha ta tsena gèɗ ɓai, gar haha ta si Ndo nzi pèc pècèk man a ge ta, te va azɓai, Zhiklè nʼnge ta a va ta pombi azɓai.

Esaie 42:20

Ka pu di a skwi kumba: aman ka rka skwa ɓai. Ka fu zlembaɗ, a ka tsena ɓai.

Esaie 44:18

Ta rka ɓai, ta sun nɗèlè ɓai, di tengaʼa ndahaʼa, ta rka ɓai, ndav ta a sun maya ɓai.

Esaie 5:12

Ta mènè a va skwi nʼndai, a ta sli dimèsh a ganzavar a tèzlèzlèu a ganga a shingelèk; aman skwi man Ndo nzi pèc pècèk a giaʼa, ta hera ɓai, ta rka skwi man ri nengaʼa a gia ɓai.

Esaie 5:13

A gèɗ nengaʼa i da venda ta gèɗ a ndohi ga; ndohi nengaʼa mbibi-hiaʼa ta da tiɗ ta a mai; nhèyè ndohi nengaʼa ta da bèzl ta a mi iyam.

Esaie 56:11

Tengaʼa kdadihai man mi a gudèma ta gèɗ, a skwi nʼndi a ngeza ta azɓai. Tengaʼa ndohi mɓer skwai man ta slaha ta tsena skwi ɓai, ngiɗè a dè a civèɗ na, ngiɗè a civèɗ na, staɗ staɗ ta hèsh skwi ta, tèlè ta lèmèlèmè.

Jérémie 10:14

Ndo staɗ staɗ tèlèba, nrzla, maya na azɓai, ndo mviɗè guro tèlèba, skwi mbèh skwi tengaʼa a pa ta hori a dai. Aman skwi man a vɗɗo, skwi ncèkèlma, nshèffè a te tengaʼa ɓai.

Jérémie 10:8

Ta tèlèba, maya ta azɓai, ta rzla, wof ambalai,

Jérémie 35:16

Wudahi Jonadab, te verzi Recab, ta gu ara man bab ta a njè ta a gèɗ; aman ndohi haha ta tsena ma ga ɓai.

Jérémie 4:22

Ndohi ga, maya ta azɓai, ta senyè ɓai. Ndohi nrzlaʼa, madaɗauhai. Maya ta zhè a géɗ skwi man ambaɓai; a skwi man amba ta sun ngia ɓai.

Jérémie 50:6

Ndohi ga ara rèwè tambakihai man ta zlak ta. Ndohi mɓer skwi tengaʼa ta zlakede ta te za, to do a géɗ za, rèwè skwi ta mpca ta a gèɗ.

Jérémie 8:7

Ko ngalawai a sun man tiɗè sama ma; tèlègwai a mbékbèkèu ta sun pats man ta menkaɗa deɓa. Aman ndohi ga ta sun ma nkwèr Ndo nzi pèc pècek ɓai.

Ezéchiel 16:30

Kai! I gi ndav kumba a géɗ ngaya, Bi Zhiklè a gaɗa, aman ntétékè a keɗ ka arsa, ka fali dam man a ftska na va.

Daniel 9:11

Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Osée 2:8

Gar haha i woy a i va na vatak a civèɗ a i ngalda pa a zlazlar, a slaha a hi auda ɓai.

Matthew 13:19

Ko wawa man a tsena ma kokwar-Bi-Zhiklè, aman a sun ɓai, ndo ngedassa ndo a ngezlda ma man ta wusheda a ndav na, a ma; nengaʼa nara skwi man a wushahai a civèɗ.

Romans 1:28

Arsa, a géɗ man ta huro nshin Zhiklè, skwi ambalai, Zhiklè a njèke ta a ri a maya tengaʼa ambaɓiaʼa, a ta gi skwi horai.

2 Peter 3:5

Ta woy a ta shinè ɓai, ara man daga nhinkaɗ na, ma Zhiklè a ngu giɗfèk a herkeda, a herkeda a mshkè auda te iyam, nʼngaʼa a iyam.