Esaie 1:25 - Ma Zhiklè

²⁵ I woya a i ngwoda gèɗ ga, a i wosl ka a ri ga, a i pon-ko derɗa auda tèlè, a i cko zi auda tèlèba.

Esaie 1:25 ပူးပေါင်းရင်းမြစ်များ

Psaumes 119:119

Ndohi ambaɓihiaʼa tʼherkeda tèlèba, ka rka ta ara keli züdo. Gar haha i woy ma malwuɗi ngaya.

Esaie 1:22

Verzhègenè ngaya a nʼnde na a zi züdo. Barassa ngaya, iyam ambali tedai.

Esaie 27:9

Mali Jacob mpela a vna, mali nengaʼa mpraʼa arante: a da kerɗa kwa mblom ara dadangwos; kwa nzlatseda azɓai, ta slèmbèɗdè vri azɓai.

Esaie 4:4

A pats man Bi Zhiklè a mponko na derɗa auda a va kokwar Sion, a mponkoɗi pombaz auda te Jérusalem a kita a vogwa.

Jérémie 6:29

Hemaz a ftè vog-wa, aman a vècè vogwa ambalai; skwi man a shkè auda te vogwa, zia genè, züdo te pa ɓai. Ndohi ambaɓihiaʼa ta shkè auda te va ndohi ngiɗè azɓai.

Jérémie 9:6

Ta gi skwi a wuɗi a ma ma, ta cèkèl ma a ma ma, ta woy a ta senyè ɓai, Ndo nzi pèc pècèk a gaɗa.

Jérémie 9:7

Gar haha Zhiklè bi mbiaʼa a gaɗa: I woya a i wosl ta ara züdo, a i jkede ta. I slaha a i gi skwi ngiɗè a géɗ ndohi ga dè?

Ezéchiel 20:38

Ndohi man ta slambaɗkay a va a ndohi man ta jèkyè, i da parka ta auda te va kinè, aman ta dè a kokwar Israel azɓai, a kin da suna, i Ndo nzi pèc pècèk.

Ezéchiel 22:19

Gar haha Bi Zhiklè a gaɗa: A géɗ man kin tèlèba kin nde kinè a zi züdo, i woy a i ɓic kinè te ndev Jérusalem.

Ezéchiel 22:20

Ara man ta humda verzhègenè a guro a züdo te gezla a ta vatsa na vogwa a gèɗ a ta tiaʼa, lèmèlèmè i da humda kinè a ndav ga a ndzoan ga, a i da ga kinè kita a vogwa.

Ezéchiel 22:22

Ara verzhègenè man ta tia te gezla, i da te kinè te Jérusalem, a kin gi a skwi man ta wèslè te gezla, a kin da suna, lyè Ndo nzi pèc pècèk, man i ga kinè ndzoan a va.

Sophonie 3:11

A pats nasa ka ngècè hori a di azɓai a géɗ skwi man ambaɓai man ka gu a sam ga. A pats nasa i preka ta ndohi nfi va ngaya auda te va kinè, a ka grè gèɗ a géɗ za ga nkezlaʼa asaɓai.

Mal. 3:3

Ndo nzi pèc pècèk a da nzi a hai, a wèsl skwi tèlèba, a pènè skwi tèlèba, a da til wudahi Lévi, a da wosl ta ara guro a verzhègenè, aman ta va na skwi a Zhiklè zuraʼa.

Matthew 3:12

Kokwi te ri nengaʼa. A nengaʼa a da pèvè dau a hedak tèlèba. Dau nengaʼa a da ɓicè a wov, aman topok dau a fa na vogwa man a mbècè asaɓai.

Deutéronome 32:43

Kinè ndohi nte deɓa, vo-slubordo ndohi na; aman nengaʼa a jhèdè aman ndohi nʼnga na matakwan ta pil gèɗ a géɗ Pombaz ɓèlèlihi na, a tila ta kokwar na a ndohi na.

Apocalypse 3:19

Ndohi man i woy ta a ndav ga, i ngatsa ta maya a ndzoan, a i ngez ta. Gar haha nzala va ngaya, a ka ngwode ndav ngaya!