Esaie 1:23 - Ma Zhiklè

²³ Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Esaie 1:23 ပူးပေါင်းရင်းမြစ်များ

II Chroniques 36:14

Bihi Juda a ndohi mvi skwi a Zhiklè ta gu malai a vaʼa a vaʼa, a ta dzodzor skwi man a ndèrè a ndo man ndohi nte deɓa ta giaʼa. Ta derɗa gi Zhiklè man Ndo nzi pèc pècèk a kezlaʼa te kokwar Jérusalem.

Exode 23:8

Ndo man a woya a ruɓ ka, ka co bai! Ndo man ta ruɓa, a di a pa na a dai, a térɗa ta ma a gèɗ a ndohi man ta gau zuraʼa.

Proverbes 17:23

Ndo ambaɓiaʼa a cè skwi mbalai man ta va na a metsar, aman a ngwèdè civèɗ kita.

Proverbes 29:24

Ndo man ta kezli skwi a ndo metsar, kala man a gi shèwa va na; a sun skwi mphomdaʼa, aman a ngredè azɓai.

Esaie 1:17

Va-slebau ngi skwi man amba, va-woy skwi nzuraʼa, va-ngra na maya a ndo man a cè skwi ndo a wuɗai, va-takaha kra dikai, va-nza na a deɓa a ngwoz mazai!

Esaie 1:18

Anai vo-washkè, a ngotsommokoy ma, Ndo nzi pèc pècèk a gaɗa. Aman ma-lihi kinè nduzoʼa ara vèvèzh, ta da gi a nslekaɗaʼa ara gogumai. Aman nteva, ta da ngwod ta ara gwots tambak.

Esaie 1:22

Verzhègenè ngaya a nʼnde na a zi züdo. Barassa ngaya, iyam ambali tedai.

Esaie 28:14

Gar haha, va-tsena ma Ndo nzi pèc pècèk, kinè ndohi ngwossaha Zhiklè, man kin kwor ta ndohi te kokwar Jerusalem!

Esaie 3:14

Ndo nzi pèc pècèk a ga ta kita a ndohi nhalaʼa, a wud bihi ndohi na. Kinè man kin ndoko skwaʼa auda te gi lak, a kin helda skwi ndohi ntawassaʼa a ma a wuɗai.

Esaie 30:1

Wobau a géɗ wudahi man ta tse-na gèɗ ɓai, Ndo nzi pèc pècèk a gaɗa. Man ta gi skwi man i hur ka ɓai, ta derzla ma, aman te Mèzhèɓ ga ka ɓai, a ta tsama na malai a deɓ malai.

Esaie 33:15

Nen-gaʼa man a dè te ngi-zuraʼa, man a gèɗè ma nzuraʼa, man a kwola gani ngi ri, man a hela ri na a nkwola skwi man ta woy a ta ruɓè a vna, man a ndè zlembaɗ na, a woya a ncinè tsaval ndohi nkeɗe ndo ɓai, a pizlè di na, a woya a nrka mali ɓai.

Esaie 5:23

A géɗ man ta ruɓ ta, ta prokoɗi ndo mali auda te kita, a ta fa na kita a gèɗ a ndo man nʼnga mali ɓai.

Esaie 65:2

I tila ri ga pèc pècèk a sam ndohi man ta woya ɓai, ta tsena gèɗ ɓai, man ta a civèɗ ambaɓiaʼa, ara man ndav tengaʼa a woyaʼa.

Jérémie 22:17

Aman ka, ka pi dai a ka pi ndav ngaya a mali genè, aman ka keɗa ndo man a nga mali ɓai, ka ga ta matakwan, ka ga ta shèwa.

Jérémie 32:32

A géɗ skwi man ambaɓi tèlèba man ndohi Israel a ndohi Juda ta gau, a ta pokoy gèɗ ndav auda a vna, tengaʼa bihi ta a wud bihi ta, ndohi mvi skwi a Zhiklè ta, a ndohi nhadka ma ta, ndo te Juda a ndohi kokwar Jérusalem.

Jérémie 4:17

Ta nza na ma a kokwar, ta tèuda a pa, a géɗ man ta slambaɗkay a va, Ndo nzi pèc pècèk a gaɗa.

Jérémie 5:5

I woy a i dè a sam ndohi mbibihiaʼa a i gaɗa ta, te man tengaʼa ta sun civèɗ Ndo nzi pèc pècèk, ta sun kita Zhiklè tengaʼa. Aman tengaʼa ba ta proslko wof nkelawa auda te daʼai, ta pra teɓa.

Jérémie 5:6

A géɗ nengaʼa marizhèlè te dak a cizl ta, kda dak a nde ta ma, kokoya a pi va te deɓ kokwar ta. Ndo man a dè auda te kokwar, ta cizl ta. Te man mali ta a zhè kumba, ta men ta a deɓa dra.

Ezéchiel 12:2

Ka ndo, ka nza te ndev ndohi mèdègèɗ. Di ta a zhè, ta rka bai. Zlembaɗ ta a zhè, ta tsena ɓai, a géɗ man ta ndohi mèdègèɗ.

Ezéchiel 22:27

Ndohi ngaya mbibihiaʼa nara kdadihi dak man ta cizlè skwai, a ta keɗa ndo, a ta gedassa nshèffè a ta ndi hwaɗ a vna.

Osée 4:18

Ta ndohi zom man ta gi mphömè lèk lèk.

Osée 5:10

Bihi Juda nara ndohi nherda kuma; i zuva ta ndzoan ga a gèɗ ara iyam.

Osée 9:15

Shèwa tengaʼa mɓica tèlèba te Guilgal; te pa i ga a ndo mayam ta. A géɗ skwi man ta gi a shèwa, i woy a i dzam ta auda te gi ga. I woy ta te deɓaʼa asaɓai. Tsuvomhi tengaʼa tèlèba ndohai mèdègèɗ.

Amos 5:12

Aman i suna, mali kinè a zhè mbiaʼa, a kin gu skwi man ambaɓi kumba. Kin gi shèwa a ndo nzuraʼa, kin co skwi man ta ruɓ kinè a vna, kin ngwoda ta kita a gèɗ a ndohi ntawassaʼa.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Michée 3:9

Kinè tsuvomhi ndohi Jacob, kinè mbibihiaʼa te Israel, man ma kita ambaha kinè ɓai, a skwi nsaraʼa kin dzaraʼa tèlèba, va-tsena ma haha!

Michée 6:12

Ndohi mèshèlè te kokwar ta ɓica skwi a wuɗai, a ndohi kokwar ta cèkèlma, nèʼèn tengaʼa a ngwèdè ndo.

Michée 7:3

Ri tengaʼa mwosla a ta gi skwi man ambaɓai. Ndo mbiaʼa a jhèɗè skwai. Ko ndo kita ba a ndi ndo. Ndo mbiaʼa a gi ara man a woyaʼa, ta terɗè kita.

Zacharie 7:10

Kin ga ta wuɗi a ngwozi mazihi a wud dikai, a ndohi man verzi ta tsaɗ, a ndohi ntawassa ɓai, a kin hur skwi man ambaɓi ɓai te ndav kinè, ngiɗè a géɗ ngiɗè.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

Nombres 22:7

A ndohi nhalaʼa te Moab, a ndohi nhalaʼa te Madian, to do, a skwi mbali te rai, a ta ndika a sam Balaam, a ta menda na ma Balak.

Matthew 21:13

a ngaɗa ta: Ta Windo te ɗèlèwèr Zhiklè: Ta baha na gi ga, gi ntsi rai. Aman kinè, kin ndeda a gi ndohi metsar.

Marc 11:17

A Yèsu a nsenda ta, a ngaɗa ta: Ta Windo te ɗèlèwèr Zhiklè ɓi ɗè, ta baha na gi ga, gi ntsi ri ndohi herkeda tèlèba. Aman kinè, kin ndeda a gi ndohi metsar.

Luke 19:46

a ngaɗa ta: Ta Windo te ɗèlèwèr Zhiklè: gi ga, gi ntsi rai. Aman kinè, kin ndeda a gi ndohi metsar.

Luke 24:27

Te deɓaʼa a hinè a sam Moise, a sam ma ndohi nhadka ma tèlèba, a nsenda ta ma tèlèba te ɗèlèwèr Zhiklè a géɗ Yèsu.

Deutéronome 16:19

Ka da ngwoda kita ɓai, ka da por ndo mpèrè ɓai, ka co skwi man ta woy a ta ruɓ ka a vna ɓai; aman skwi mbalai a ndeda ndohi a mandazlai, a ngwèdè ma ndohi nzuraʼa.

Jacques 1:27

Njèjèr Zhiklè zuraʼa, lizhèɓiaʼa, a sam di Zhiklè, Bab nga, aranta: Nwèr di mbelawhai, a ngwozi mazihi te nlèyè tengaʼa; mɓir va aman skwi herkeda a lizhèʼa azɓai.

I Samuel 8:3

Aman wudahi nengaʼa ta gsa civèɗ bab ta ɓai, aman ta woy sulai. Aman ndohi ta ruɓ ta, ta co, a ta ngwoda kita.