Esaie 1:17 - Ma Zhiklè

¹⁷ Va-slebau ngi skwi man amba, va-woy skwi nzuraʼa, va-ngra na maya a ndo man a cè skwi ndo a wuɗai, va-takaha kra dikai, va-nza na a deɓa a ngwoz mazai!

Esaie 1:17 ပူးပေါင်းရင်းမြစ်များ

Psaumes 34:14

Da ɓer nèʼèn na te skwi ambaɓiaʼa, a tapiɗaf ma nengaʼa a sam ncèkèlma,

Exode 22:21

Ndo mbrok, ka zumda na gèɗ bai, ka ga na matakwan bai, aman zlèzlèa kinè ba kin ndohi mbrokihai te kokwar Egypte.

Proverbes 15:25

Ndo nzi pèc pècèk a gedassa gi ndohi nfi va, a til godzovok ngwoz mazai.

Proverbes 21:3

Ngi skwi nzuraʼa, nɗèl skwi nzuraʼa, ambaha Ndo nzi pèc pècèk, a fena skwi man nga va na.

Proverbes 31:9

Goɗ ngèɗè zuraʼa a ka bozlo kita zuraʼa, nza ta a deɓa a mbelawahai a ndohi ntawassaʼa.

Esaie 1:23

Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Esaie 10:2

man ta fi zlembaɗ a kita ndohi ntawas-saʼa azɓai, a ta cèma ta skwi a ndohi nta-wassaʼa te kita, ta ngwode ta ngwozi ma-zihai, a ta gi metsar a sam wud dikai.

Esaie 56:1

Ndo nzi pèc pècèk a goɗ arsa: va-dzodzor ma kita, va-gu zuraʼa, skwi mʼmbel ndo ga a shkè ndul ndul; a ngi zura ga a gudoko va auda a di ndohai ndul ndul.

Esaie 58:6

Njèkè skwi nʼndi man ambahayè aranta ka ɓi dè: Man ka pra ta cèlèlèu a ndohi man ta par ta ambalai; ka proko ta wof nkelawa auda te daʼai, ka proko ta ndohi man ta ɓurte ta, a ka paslko ta wof nkelawa te daʼai tèlèba auda.

Jérémie 21:12

Ndohi gi David, Ndo nzi pèc pècèk a goɗ ar haha: Va-gu kita a prèk langa, va-mbela ndo man ndo ambaɓiaʼa a nga na wuɗai, auda te ri nengaʼa; man ɓai ndzoan ga a shkè auda ara vogwa, a da ndeda skwi a ma, ndo mʼmbècè azɓai, a géɗ maya kinè man ambaɓai.

Jérémie 22:3

Ndo nzi pèc pècèk a goɗ ar haha: Va-gu kita zuraʼa, va-mbela ndo man ndo ambaɓiaʼa a nʼnga na wuɗai, auda te ri nengaʼa! Ndo mbrok, kra dikai, ngwoz mazai, kin ga ta matakwan ɓai, kin ga ta wuɗi ɓai, kin keɗa ndo man nʼnga mali ɓai a sam haha ɓai!

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Ezéchiel 18:31

Va-wusheda mali tèlèba man kin gau aussa a sam kinè! Va-woy ndav mɓuaʼa a mèzhèɓ mɓuaʼa. Kinè ndohi Israel, kin woy mʼmetsi èhèmè?

Ezéchiel 22:7

A sam ngaya ndohi ta derde bab ta a mam ta. A sam ngaya ta ga na wuɗi a kra dikai, a ngwoz mazai, a ndohi mbrokihai.

Ezéchiel 45:9

Gar haha Bi Zhiklè a gaɗa: Kinè wud bihi Israel – klèng ma! Va-jèkeda malai, a kin gu wuɗi bai! Va-gu skwi zuraʼa man amba, va-jèke ta ndohi ga, kin dzam ta auda te gi dau ta bai, Bi Zhiklè a gaɗa.

Daniel 4:27

Gar haha, bi ga, i woy a i ngra ka maya: tila mali ngaya a ngi skwi nzuraʼa, tila mphömè ngaya, a mbelawahai ta da se ka te va, wa ngiɗè ba a da gi daraʼa.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Zacharie 8:16

Va-gu skwi haha! Vo-goɗ ma nzuraʼa, ngiɗè a sam ngiɗè; va-gu kita zuraʼa tè kokwar kinè!

Deutéronome 14:29

A ndo Lévi man a ngatsa skwi ɓai, man skwi nʼndi gi nengaʼa az a sam ngaya ɓai, ndo mbrok, kra dikai, a ngwoz mazai man ta zhè a sam ngaya, da shkè, da ngeza hwaɗ a vna. A Ndo nzi pèc pècèk, Zhiklè ngaya, a pshè ka ma te mizlinè ri ngaya tèlèba.

Jacques 1:27

Njèjèr Zhiklè zuraʼa, lizhèɓiaʼa, a sam di Zhiklè, Bab nga, aranta: Nwèr di mbelawhai, a ngwozi mazihi te nlèyè tengaʼa; mɓir va aman skwi herkeda a lizhèʼa azɓai.