Esaie 1:16 - Ma Zhiklè

¹⁶ Va-pana va, va-tila va kinè! Va-cè na shèwa kinè auda a sam diga! Va-jè-keɗa malai!

Esaie 1:16 ပူးပေါင်းရင်းမြစ်များ

II Rois 17:13

Aman Ndo nzi pèc pècèk a mbid ta ndohi Israel a Juda a deɓa a ma ndohi nhadka ma nengaʼa tèlèba, a ndohi nsun skwi tèlèba, a ngaɗa: Vo-ngwodko ndav kinè te civèɗ kinè man ambaɓiaʼa, va-dzodzor ma nkwèr ga, ma man i de kinè a vna, ara ma kita tèlèba man i njè ta a gèɗ babhi kinè, a i zlündo a sam kinè a ma ndohi nhadka ma, ɓèlèlihi ga.

Psaumes 26:6

Ri ga mpana, mali nlizha ɓai, a i dè a sam mvi skwi a ka, Ndo nzi pèc pècèk,

Psaumes 34:14

Da ɓer nèʼèn na te skwi ambaɓiaʼa, a tapiɗaf ma nengaʼa a sam ncèkèlma,

Psaumes 37:27

Ngwoda na deɓa a skwi ambaɓiaʼa, gau skwi man amba, a ka ngècè sam nʼnzi a mèdèp.

Psaumes 51:2

a pats man Nathan, ndo nhadka ma, a mshkè a sam na, te deɓaʼa man a gu mphömè a Bath-Shéba.

Proverbes 21:3

Ngi skwi nzuraʼa, nɗèl skwi nzuraʼa, ambaha Ndo nzi pèc pècèk, a fena skwi man nga va na.

Proverbes 4:27

Ka beza zlawa ɓai; ce na sak ngaya auda a sam malai.

Esaie 52:11

Vo-do kinè! Vo-do kinè! Va-jèkeda sam haha! Kin lama na skwi nlizhèʼa ɓai! Vo-do auda te ndev tengaʼa! Va-pana ri kinè man kin zhüɓ kolongwi Ndo nzi pèc pècèk!

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 25:5

Ta gaɗa: Ko wawa te ndev kinè da menkada deɓa te civèɗ nengaʼa man ambaɓai, te maya nengaʼa man ambaɓai, a kin da nzi tʼherkeda man Ndo nzi pèc pècèk a va kinè, a va ta babhi kinè a mèdèp.

Jérémie 26:3

Wa ngiɗè ba ta da cinèʼa, a ta menkaɗa a deɓa, staɗ staɗ tèlèba a civèɗ tengaʼa ambaɓiaʼa; a skwi man ambaɓai man i hur i da giaʼa, a géɗ maya man ambaɓai man ta gau, i da gia azɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 4:14

Jérusalem, pana ndav ngaya te mali tèlèba, aman ka mbél ngaya! Mali man ka hérèʼa a da nzi a ndav ngaya ta ahngwa?

Amos 5:15

Va-gu shèwa a skwi man ambaɓai, va-woy skwi man amba, va-gu kita nzuraʼa a ntamagi kokwar, wa ngiɗè ba Ndo nzi pèc pècèk, Zhiklè bi mbiaʼa, a da va ta pombai a njèkèdi ndohi te gi Joseph.

Jonas 3:8

aman da feda maslaka sam kuɗa a va, da kuɗau a sam Bi Zhiklè a vata, staɗ staɗ tèlèba da menkaɗa deɓa te civèɗ mali na,

Zacharie 13:1

A pats nasa nlèlè iyam a zhè a sam ndohi gi David a ndohi Jérusalem, a pènè malai a skwi nlizhèʼa.

Zacharie 7:7

Ma haha Ndo nzi pèc pècèk a goɗ te ma ndohi nhadka ma nengaʼa zlèzlèʼa ka ɓi ɗè, aman ndohi ta nza te Jérusalem, te kokwarhi a tsagi nengaʼa dai, a ta nza te pa a gumai, ko te kokwar Négeb a Shéphela, ndo te pa.

Matthew 3:8

Va-ngre-da auda zuraʼa, ara man kin ngwode ndav kinè!

Actes 22:16

Anai ka zhèr mè? Slambaɗa, a ka gu baptême, gu aman malihi ngaya ta pana, a ka tsu ri a nzlembaɗ Yèsu.

Romans 12:9

Va-woy ndo a vava, a nʼngwèdè ndo ka ɓai! Va-gu shèwa a skwi man ambaɓai, va-zleɓ a va a skwi man amba!

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

Jacques 4:8

Va-herda na va a Zhiklè, a nengaʼa a di a herdeka kinè va. Va-pana ri kinè, kinè ndohi malai, va-tila ndav kinè, kin ndohi nʼngwèdè ndo!

1 Peter 2:1

Gar haha shèwa tèlèba, ncèkèlma tèlèba, nʼngwèdè-ndo tèlèba, srak a ntsi derngasl tèlèba, va-jèkeda!

1 Peter 3:11

Da herda va na a deɓa a sam skwi man ambaɓai, da gu skwi man amba, da woy gumai, da hu a verziaʼa.

Apocalypse 7:14

A i gaɗa na: Bi ga, ka, ka suna. A nengaʼa a ngaɗayè: Tengaʼa man ta shkè auda te matakwan mbiaʼa, a ta pana maslaka tengaʼa, a ta slekaɗa maslaka tengaʼa te Pombaz kra tambak.