Esaie 1:11 - Ma Zhiklè

¹¹ I gi a skwi man kin vay kumba kumba sa mè? Ndo nzi pèc pècèk a gaɗa. I ngeza a droki kumba man kin ndarayè, a mbeza wud zlèhai. Pombaz marihai a tambakihai a ɓokwai nʼngay asaɓai.

Esaie 1:11 ပူးပေါင်းရင်းမြစ်များ

Psaumes 40:6

Ka gu nrkedi kumba a sam nga, ka hur skwi a géɗ nga kumba, Ndo nzi pèc pècèk, Zhiklè ga. Skwi man a lèmdè va a ka, azɓai. I woy a i ngredè nrkedi auda, a i gèɗèʼa; aman i slaha ɓai, ta kumba, ta ngrè azɓai.

Psaumes 50:8

I ga ka ndzoan a géɗ skwi man ka zlay ɓai. Skwi man ka ndarayè te vogwa a zhè a sam di ga pèc pècèk.

Psaumes 51:16

Mbel-yè, te man i ndo nkeɗ ndo, Bi Zhiklè, Zhiklè man a mbelyè; a nèʼèn ga a da njè ngi-zuraʼa ngaya.

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Proverbes 21:27

Skwi man ndo ambaɓiaʼa a vi a Zhiklè, a derde Zhiklè a vna, holholaʼa nengaʼa man a va na, a woya a ngwèdèʼa.

Proverbes 21:3

Ngi skwi nzuraʼa, nɗèl skwi nzuraʼa, ambaha Ndo nzi pèc pècèk, a fena skwi man nga va na.

Esaie 58:2

Ta woy iyè lèk-lèk, a ta woy a ta sun civèɗ ga. Ara ndohi man ta gi skwi nzuraʼa, a ta jèkeda ma kita Zhiklè ɓai, ta jhèɗè ma kita nzuraʼa a sam ga; ta woya aman Zhiklè a herda ta va.

Esaie 66:3

Ndo man a keɗa zlè, lèmèlèmè ara ndo man a keɗa ndo. Ndo man a zli tambak, a ngelama na gèɗ a kda, lèmèlèmè ara ndo man a vi pombaz wodala a Zhiklè. Ndo man a fi vogwa a ɓurdi a ndara na vrai, lèmèlèmè ara man tá wuffè a gèɗ civèɗ tengaʼa, a skwi tengaʼa ambaɓiaʼa ambaha ta te ndav.

Jérémie 6:20

Skwi man ta ndarayè, aman a zhkè ara burdi te Saba, te kokwar dra, i gia kè? Skwi man kin ndarayè, ambahay ɓai; a skwi man kin zlayè, i wuffè a géɗèʼa azɓai.

Jérémie 7:21

Ndo nzi pèc pècèk, Zhiklè Israel, a goɗ ar haha: Va-ndor skwi a vaʼa, va-zloho skwi a vaʼa, va-ndau zluèɗèʼa!

Osée 6:6

Aman mwoy-Zhiklè ambahayè a fena nzli skwi a Zhiklè. Nshin Zhiklè ambahayè a fena nʼndèr skwi a Zhiklè.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Amos 4:5

Va-fa na vogwa a movar man skwi nshégèrè te dai a mbar ɓurdi, vo-boho a ta cèkèlè skwai, ko wawa ara man ndav nengaʼa a woyaʼa. Aman skwi haha ambaha kinè, ndohi Israel, Ndo nzi pèc pècèk a gaɗa.

Amos 5:21

Ngolala kinè ambahayè bai, a nda-rayè. I wuffè a géɗ mɓicè-va kinè azɓai.

Amos 5:22

Aman kin ndaray skwai, i wuffè a géɗ skwi man kin vayè azɓai. A i pi di a mari man kin zlayè a nshid gèɗ azɓai.

Michée 6:7

Ndo nzi pèc pècèk a wuffè a géɗ drokhi 1.000, 1.000 ɗè? A géɗ mbar man a hi ara iyam ɗè? I va na tsuvom ga a géɗ mphömè ga ɗè, kra man i yau a skwi mpil gèɗ mali ga ɗè?

Aggée 2:14

A Aggée a ngaɗa: Lèmèlèmè ndohi haha, lèmèlèmè ndohi kokwar haha a sam ga, Ndo nzi pèc pècèk a gaɗa. Skwi man ta gi a ri ten-gaʼa tèlèba, a skwi man ta va na Zhiklè, skwi nlizhèʼa.

Zacharie 7:5

Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Mal. 1:10

Dara kin pizlè ntamagi Zhiklè, a kin vècè vog-wa a sam mvi skwi a Zhiklè ambali azɓai. I wuffè a géɗ kinè azɓai, Zhiklè ndohi var a gaɗa. A skwi man kin vokoy te ri kinè, nʼngay ɓai.

Nombres 7:45

Matsaraɗ marai, drok staɗ, kra tambak mvi staɗ, man ta ndara na Zhiklè.

Matthew 22:4

Te deɓaʼa a nzlinde ta ɓèlèlihi ngiɗè zaʼa, a ngaɗa: Va-gaɗa ta ndohi man nga baha ta a sam ngolala: Na haha, i tila skwi nʼndi ga ma! Nga bazla zlèhi ngrahiaʼa a skwi kuɗomhi ma. Tèlèba ntila. Vo-washkè a ngolala nfi ngwoz a gai!

Matthew 9:13

Vo-do, va-sun skwi haha: I woy aman ndo a si ndo te va, mvi skwi a Zhiklè ka ɓai. I shkè aman i bèhè ndohi nzuraʼa ka ɓai; i shkè, a i bèhè ndohi malihai.

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.