Ephésiens 6:10 - Ma Zhiklè

¹⁰ Te deɓaʼa: Va-nzala va kinè te Bi Zhiklè, a wuɗi nʼnjèl na!

Mofa New Testament

¹⁰ Te deɓa'a: Vanzala va kinè te Bi Zhiklè, awuƋi n'njèl na!

Ephésiens 6:10 ပူးပေါင်းရင်းမြစ်များ

I Chroniques 28:10

Aman antanta suna! Ndo nzi pèc pècèk a nʼngatska ka auda, aman ka da rama na gi nkezlaʼa. Nzala va ngaya, hün mizlinèʼa!

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

II Chroniques 15:7

Gar haha, kinè va-mana ndav kinè, ri kinè da ngots wuɗai, aman skwi ntul kinè a zhè.

Psaumes 138:3

A pats man i baha ka, ka mbeɗkay a ma, ka va na wuɗi a ndav ga.

Esaie 40:28

Kin sun ɓi ɗè? Kin tsena ɓi ɗè? Ndo nzi pèc pècèk, Zhiklè a mèdèp, nengaʼa man a gu verzi herkeda tèlèba. A ngézhè azɓai, ntulè a keɗaʼa azɓai, maya nengaʼa a hi ara iyam te woyam.

Esaie 40:31

aman ndohi man ta pi di a verzi Zhiklè, ta ngècè wuɗi mɓuaʼa. Ta slèmbèɗè a kelpasl ar mangayak, ta hai a ta ngézhè azɓai, ta dè a ntulè a keɗ ta azɓai.

Aggée 2:4

Zorobabel, gsa ndav ngaya genè – Ndo nzi pèc pècèk a gaɗa. Ka Josué, kra Jotsadak, bi ndohi mvi skwi a Zhiklè, gsa ndav ngaya genè; kinè ndohi kokwar tèlèba, va-gsa ndav kinè, Ndo nzi pèc pècèk a gaɗa. Va-gu mizlinè! I zhè a nda kinè, Zhiklè bi mbiaʼa a gaɗa.

Zacharie 8:13

Ndohi gi Juda a ndohi gi Israel: nzlembaɗ kinè skwi mphomdaʼa a sam ndohi herkeda te va nasa; anai i da mbél kinè, a kin gi a skwi mpshè ma. Kin gu zlau ɓai, va-nzala ri kinè!

Zacharie 8:9

Zhiklè bi mbiaʼa a gaɗa: Kin gu zlau ɓai, kinè man kin tsena ma haha a sam ndohi nhadka ma a patsna, a pats man ta pu verzi gi Zhiklè bi mbiaʼa, a ta gu gi nengaʼa.

1 Corinthians 16:13

Va-nza a dai, va-nza taraʼa te ncè-a-ndav, va-nza ara ngurhai, va-nzala va kinè!

2 Corinthians 13:11

Te deɓaʼa, dalahimam ga, va-wuffa, va-tül nshèffè kinè zaʼa, vo-co ma man nga bid kinè a vna, va-hur ma a ndav staɗ, va-woy gumai! A mwoy-ndo Zhiklè a gumai a da nzi a nda kinè.

Ephésiens 1:19

A kin shin wuɗi mbiaʼa a sam nga, man nga co a ndav, ara wuɗi nʼnjèl na man a sam nga,

Ephésiens 3:16

Da va kinè wuɗai, ara mèshèlè nʼnjèl nengaʼa, aman kin gi a ndohi wuɗai te ndav kinè, te Mèzhèɓ nengaʼa.

Deutéronome 31:23

A Ndo nzi pèc pècèk a njè na ma a gèɗ a Josué, kra Nun, a ngaɗa: Gsa ndav ngaya, nze taraʼa, aman ka, ka de ta ndohi Israel a kokwar man i mbaɗa, i woy a i va ta. Iyè a ri ga i zhè a nda ka.

Philippiens 3:1

A vaʼa, dalahimam ga, va-wuffa te Bi Yèsu! I ngézhè azɓai, aman i windè kinè ma lèmèlèmè pèc pècèk, a kin da ngècè wudi a vna.

Philippiens 4:13

I slaha skwi tèlèba a nda nengaʼa, man a vay wuɗai.

Philippiens 4:8

A vaʼa, dalahimam ga, skwi man nzuraʼa, man a maya nlèɓèslèa, man a vava, man nkezlaʼa, man amba, man mbelaʼa, a maya te gèɗ, a nshid gèɗ, va-hur nengaʼa!

Colossiens 1:11

kin nzala, a wuɗai, ara wuɗi nʼnjèl nengaʼa tèlèba, aman kin dè a ma ma te nzhèr skwi a dai, a mwuffe.

2 Timothy 2:1

A géɗ nengaʼa, kra ga, nzala va ngaya, a pombi te Yèsu Kristi!

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

1 Peter 3:8

Man ar haha: Kin tèlèba, va-nza a nhèr gèɗ staɗ a ndav staɗ: ndohi da se kinè te va, va-woy kramam kinè a ndav amba, va-manda gèɗ a hai.

1 Peter 4:11

Ndo man a gèɗ ma, da goɗo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuɗai. Te skwi tèlèba, va-gau aman kin slébèrdè Zhiklè te Yèsu Kristi. Nʼnjèlè a wuɗai a nengaʼa, te nhinkaɗ na a ma ma a mèdèp. Amen.

1 Peter 5:10

Aman Zhiklè pombi tèlèba, man a baha kinè a sam nʼnjèl nengaʼa man a nzi a mèdèp te Kristi, a di a til kinè, a nzal kinè, a va kinè wuɗai, a pi verzi nshèffè kinè man a gidè va azɓai, kinè man antanta skwa a dza kinè kèshkata.

1 John 2:14

Wudahai, i windè kinè te man kin sun Bab Zhiklè. Babhai, i windè kinè, te man kin sun nengaʼa man a zhè te nhinkaɗ na. Golahai, i windè kinè, te man wuɗi kinè a zhè, ma Zhiklè a nzi te ndav kinè, a kin ga a ngul nengaʼa man ambaɓai.

I Samuel 23:16

Jonathan, kra Saul, a nslambaɗa, a ndo Horsha, a sam David, a mva na wuɗai, a njè na ma Zhiklè.