Ngazlyè a rai a nga hau! Aman bai a diyè a gi nengaʼa, nga da sli dimèsh, nga da wuffè a nda ka; aman mwoy va kinè, a wuffede nga a fena zom. A vava ta woy ka ambali ka ɓai.
Zhiklè bi mbiaʼa a da tila ta movar a ndohi herkeda tèlèba a géɗ za haha, skwi nʼndi ngraʼa, barassa nva a gai, skwi nʼndi laɓdekdekaʼa, barassa nva a gai, nɗizhèʼa.
Kin su barassa a zom ɓai, ko ka, ko wudahi ngaya, aman kin dè a gi mɓicè-va. Man bai kin metsi kinè. Nasa ma nkwèr kinè te verzi wud wuda kinè a mèdèp.
Ani haha kinè, ndohi ambaɓihiaʼa, kin sun nvi skwi man amba a wudahi kinè. Bab kinè te zhiklè a fenaʼa, aman a va ta Mèzhèɓ Zhiklè nkezlaʼa a tengaʼa man ta jhèɗèʼa. (Mt. 12, 22-30; Marc 3, 19-27)
Aman kinè, va-gu maya a géɗ va kinè, ndav kinè da ndha ɓai a ntétékè skwi nʼndai, a zom, a zlau a géɗ nshèffè kinè tʼherkeda, a pats nasa a shkè a géɗ kinè tsam tsam,
Ndohi tèlèba ta vi barassa man a jèn nshèlèkuraʼa; te deɓaʼa man a keɗ ta ndohi ma, ta sa na njénɓiaʼa a gèɗ. Aman ka ngheda barassa njénaʼa, a ka ckoɗ a deɓa.
Sèi nga nzi zuraʼa, a nga gudko skwi nzuraʼa auda, a ngi ngolahwaɗ ka ɓai, mwoy zom ka ɓai, mphömè ka ɓai, a mbizhèzlawa ka ɓai, mbèzl va a srak ka ɓai.
Aman i winda kinè ma haha, aman kin humda va ɓai a ndo man kin baha na kramam kinè, man nengaʼa ndo mphömè, ndo keda, ndo vrai, ndo nderɗe ndo, ndo njèjèr zom, ndo metsar. Kin ndau skwi a nda nengaʼa ɓai!