Ephésiens 4:2 - Ma Zhiklè

² Va-manda gèɗ a hai, a ndav nlüɓekwaʼa, vo-zhor skwi a ma ma, va-lèɓèslè a va kinè, ngiɗè a sam ngiɗè, te mwoy-ndo.

Mofa New Testament

² Vamanda gèƋ a hai, a ndav nlüɓekwa'a, vozhor skwi a ma ma, valèɓèslè a va kinè, ngiƋè a sam ngiƋè, te mwoy-ndo.

Ephésiens 4:2 ပူးပေါင်းရင်းမြစ်များ

Psaumes 138:6

Ndo nzi pèc pècèk a zhè te géɗèʼa, a paka di a hai, ko dra, a sen ta ndohi nfi va.

Psaumes 45:4

Helda tsakwal ngaya a rai, ka ngul ndo! A nʼnjèl ngaya, a njèzlè-bi ngaya a ngre-dè auda!

Proverbes 16:19

Dara man nga manda gèɗ a hai a nda mbelawahai, a géɗ man nga kezla skwi man ndohi nfi va ta ɓüco.

Proverbes 3:34

A ngwossaha ta ndohi man ta ngwossaha, aman a va ta pombai a ndohi mʼmanda gèɗ ta a hai.

Ecclésiaste 7:8

Dara ndikè-ma skwai, a géɗ nhin na. Dara ndav ndo man a zhèr skwi a ma, a géɗ ndav ndo nfi va.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Nombres 12:3

Moise, ndo a ndav lüɓekwaʼa, a fena ndohi ngiɗè tʼherkeda tèlèba.

Matthew 11:29

Va-kelawda wof nte daʼai ga a daʼai kinè, va-slebau a sam ga! Aman iyè, i ndo man ndav lüɓekwaʼa, a i manda gèɗ ga a hi a sam tèlèba; a ndav kinè a ngècè nshèk va.

Marc 9:19

A Yèsu a mʼmbeɗa ta a ma: Kinè ndohi man kin cè a ndav kinè azɓai; i da nzi a sam kinè gen ɗè? I da takaha kinè gen dè? Va-ckoɗa a sam ga! A ta cko kra a sam nengaʼa.

Actes 20:19

i manda gèɗ ga a hai a kuda a di kumba, a matakwan a va, a géɗ ndohi Juif man ta vhèy ma a gèɗ.

Romans 15:1

Aman nga, man wuɗi nga a zhè, sèi nga takaha ta ndohi man wuɗi ta azɓai te skwi man ta slaha ɓai, a nga nzi ara man ambaha nga genè ka ɓai.

1 Corinthians 13:7

A fa na kwa a gèɗ skwi tèlèba, a cè skwi tèlè a ndav, a zhèr skwi tèlè te ndav, a zhüɓ skwi tèlèba.

Galates 6:2

Staɗ staɗ da takaha a nzhüɓ skwi man a nzala na ndo ngiɗè, aman ar haha kin gu ara ma kita Kristi.

Ephésiens 1:4

Aman te Yèsu, a mpar nga mpèrè, man herkeda nʼnge di ɓai, aman nga gi a ndohi nkezlaʼa, mali nga azɓai a sam di na, te mwoy-ndo nengaʼa,

Colossiens 1:11

kin nzala, a wuɗai, ara wuɗi nʼnjèl nengaʼa tèlèba, aman kin dè a ma ma te nzhèr skwi a dai, a mwuffe.

1 Timothy 6:11

Aman ka, ndo Zhiklè, hu ngaya a skwi haha, dzodzor ngi-zuraʼa: zlau Zhiklè, ncè-a-ndav, mwoy-ndo a ndav, nzhèr skwia dai, ndav nlüɓekwaʼa.

2 Timothy 2:25

a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;

Jacques 1:21

Gar haha, va-suɗa skwi nlizhèa, a maya ambaɓiaʼa tèlèba auda a va. Vo-co ma mbelaʼa man ta zlekeda a ndav kinè, a ndav nlüɓekwaʼa. Aman nengaʼa a slaha a mbela nshèffe kinè.

1 Peter 3:15

Aman va-kezla ndav kinè, va-nza a ndav ntila pèc pècèk te Bi Yèsu Kristi, aman kin slaha kin mbeɗa ta a ma a ndohi tèlèba, man ta dzhaɗ kinè a géɗ skwi man kin zhèrè te ndav.

1 Peter 3:8

Man ar haha: Kin tèlèba, va-nza a nhèr gèɗ staɗ a ndav staɗ: ndohi da se kinè te va, va-woy kramam kinè a ndav amba, va-manda gèɗ a hai.