Ephésiens 3:17 - Ma Zhiklè

¹⁷ Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedeng-gedengaʼa.

Mofa New Testament

¹⁷ Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedengge denga'a.

Ephésiens 3:17 ပူးပေါင်းရင်းမြစ်များ

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Matthew 13:6

Aman pats a dzai, a halala, a ngworaʼa, te man ta tsa zluzlor ɓai.

Luke 6:48

Nengaʼa lèmèlèmè ara ndo man a rèm gai, a ri vèvèɗ, a pi verzi gi nengaʼa a géɗ pra. A iyam mbiaʼa a hai, a tsi gai, a slaha man a mbeɗè azɓai, te man verzi nengaʼa nra amba.

Jean 14:17

Mèzhèɓ nzuraʼa, man herkeda a slaha a ncè ɓai, te man a rka bai, a sun bai. Aman kinè, kin sun nengaʼa, te man nengaʼa a nzi a sam kinè, a zhè te ndav kinè.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Jean 17:23

Iyè te tengaʼa, ka te iyè, aman ta gi a nstaɗ, jèlèlèʼa; a herkeda da suna, ka nzlindekayè, ka woy ta a ndav ngaya, lèmèlèmè ara man ka woy iyè a ndav ngaya.

Jean 6:56

Ndo man a ndi zluèɗ va ga, a si Pombaz va ga, a nzi te iyè, a iyè i nzi te nengaʼa.

Romans 5:5

Nzhèrè te ndav a pa nga hori a di azɓai, te man mwoy-ndo Zhiklè a zhè te ndav nga te Mèzhèɓ nengaʼa nkezlaʼa man a mva nga.

1 Corinthians 3:6

I zlekau, Apollos a ngaha iyam, aman Zhiklè a ngu man a ngrè.

1 Corinthians 8:1

A géɗ nʼndi zluèɗ mbèh skwai, nga tèlèba nga sun maya. Nshin skwai a grè gèɗ ndo, aman mwoy-ndo a ndav a gi aman a grè a ma ma.

2 Corinthians 13:5

Vo-jkudo ncè a ndav kinè a ri kinè, gar kinè nza te nce-a-ndav, gar kin nza ɓai. Vo-jkudo ndav kinè a ri kinè! Kin sun ndav kinè a ri kinè ɓi ɗè? Kin sun Kristi te ndav kinè ɓi ɗè? Man ɓai, kin ngatsa ɓai.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

Galates 2:20

I nzi a nshèffè, aman anai i ka ɓai, aman Kristi a nzi a nshèffè te ndav ga. I nzi a nshèffè te va ga haha, a géɗ ncè kra Zhiklè a ndav, man a woy iyè a ndav na, a mvau va na a géɗ ga.

Galates 5:6

Aman te Kristi Yèsu, ko ngwon nʼngela, ko ngwon nʼngel ɓai, skwi ambalai; sèi ncè-a-ndav te mwoy-ndo.

Colossiens 1:23

Aman sèi kin nzi taraʼa te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbelaʼa te ndav azɓai, man kin tsenaʼa, a ta njèʼa a géɗ herkeda tèlèba. Iyè Paul, i gaʼa a ndo mizlinè nengaʼa.

Colossiens 1:27

tengaʼa man Zhiklè a woya a ngreda ta skwi mèshèlè a nʼnjèlè te skwi man nʼngheda a sam ndohi nte deɓa: nasa Kristi te kinè, nʼnjèlè man nga zhèrè te ndav.

Colossiens 2:7

Ncè-a-ndav kinè da ga ara zluzlor gedeng-gedengaʼa, a kin dè a ma ma, a kin nzi dai te pa, ara man ta njè kinè. Va-shüd gèɗ a géɗ nengaʼa kumba!

1 John 4:16

A nga suna, a nga co a ndav, Bi Zhiklè a woy nga. Bi Zhiklè, nengaʼa mwoy-ndo, a ndo man a nzi te mwoy-ndo, a nzi te Bi Zhiklè, a Bi Zhiklè a nzi te nengaʼa.

1 John 4:4

Wudahi ga, kinè ndohi Bi Zhiklè, a kin fen ta ndohi nhadka ncèkèlma haha. Aman Mèzhèɓ man a zhè te ndav kinè a fena nengaʼa man a zhè tʼherkeda.

Apocalypse 3:20

Na haha iye a ntamagai, a i bèhè. Ndo man a tsena daʼai ga, a da winay ntamagai, i dè a pa a sam nengaʼa, a nga da ndi skwi a nda nengaʼa, a nengaʼa a nda iyè.