Ephésiens 3:16 - Ma Zhiklè

¹⁶ Da va kinè wuɗai, ara mèshèlè nʼnjèl nengaʼa, aman kin gi a ndohi wuɗai te ndav kinè, te Mèzhèɓ nengaʼa.

Mofa New Testament

¹⁶ Da va kinè wuƌai, ara mèshèlè n'njèl nenga'a, aman kin gi a ndohi wuƋai te ndav kinè, te Mèzhèɓ nenga'a.

Ephésiens 3:16 ပူးပေါင်းရင်းမြစ်များ

Job 23:6

Ar nga da virslè a vna a wuɗi dè? Aʼai, sèi da fu zlembaɗ genè!

Psaumes 138:3

A pats man i baha ka, ka mbeɗkay a ma, ka va na wuɗi a ndav ga.

Psaumes 28:8

Ndo nzi pèc pècèk, wuɗi ndohi na, sam mʼmbel ndo nengaʼa man a mbaɗa na mbar a gèɗ.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Zacharie 10:12

Ndo nzi pèc pècèk, nengaʼa wuɗi tengaʼa, a ta dè a ma te nzlembaɗ nengaʼa.

Matthew 6:13

Ka de nga a sam man a pe nga a wi ɓai, aman ɓer nga te ri nengaʼa man ambaɓai. Aman kokwar-bi a ngaya, a wuɗai, a nʼnjèlè, pèc pècèk a mèdèp ba. Amen.

Romans 2:29

Aman nengaʼa ndo Juif nzuraʼa, man ndo Juif te ndav. Nengaʼa nʼngél ngwon nzuraʼa, man ndav ntila, man ndo a ngoɗ ka ɓai, aman Mèzhèɓ Zhiklè a ngau. Ndo arsa a ngècè nʼnjèlè a sam ndohi ka ɓai, aman a sam Zhiklè.

Romans 7:22

Ma kita Zhiklè te ndav ga a woy a ngi skwi man amba;

Romans 9:23

a nʼngreda nʼnjèl nengaʼa mbiaʼa a sam nga man nga sia te va, man a til nga te va nshèlèkurhiaʼa a nʼnjèl na.

1 Corinthians 16:13

Va-nza a dai, va-nza taraʼa te ncè-a-ndav, va-nza ara ngurhai, va-nzala va kinè!

2 Corinthians 12:9

a nengaʼa a ngaɗayè: Pombi ga da dèʼa ka, aman wuɗi ga a gi te ndohi man wuɗi ta azɓai. Gar haha i woya man i jégèr va nshèlèkuraʼa a géɗ man wuɗi ga azɓai, a wuɗi Kristi a nzi a sam ga.

2 Corinthians 4:16

Gar haha nga ngézhè azɓai; aman ko va nga a gédèsh na, ndav nga a gi a mɓuaʼa pèc pècèk.

Ephésiens 1:18

Da wina di kinè, aman kin shin skwi man kin zhèrè te ndav, man a baha kinè a pa, a nʼnjèl skwi Zhiklè mbiaʼa man kin da ngècèʼa man a va ta ndohi nengaʼa.

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Ephésiens 2:7

Pombi nengaʼa mbiaʼa arsa a ngreda nga te mwoy-ndo nengaʼa a sam nga te Kristi Yèsu.

Ephésiens 3:15

a nzlembaɗ nengaʼa ta baha ta wudahai, te zhiklè te géɗèʼa, a géɗ herkeda ba, tèlèba.

Ephésiens 3:8

A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

Ephésiens 6:10

Te deɓaʼa: Va-nzala va kinè te Bi Zhiklè, a wuɗi nʼnjèl na!

Philippiens 4:13

I slaha skwi tèlèba a nda nengaʼa, man a vay wuɗai.

Philippiens 4:19

A skwi man kin tèkwènèʼa, Zhiklè ga a di a va kinè, ara nʼnjèl nengaʼa mbiaʼa te Yèsu Kristi.

Colossiens 1:11

kin nzala, a wuɗai, ara wuɗi nʼnjèl nengaʼa tèlèba, aman kin dè a ma ma te nzhèr skwi a dai, a mwuffe.

Colossiens 1:27

tengaʼa man Zhiklè a woya a ngreda ta skwi mèshèlè a nʼnjèlè te skwi man nʼngheda a sam ndohi nte deɓa: nasa Kristi te kinè, nʼnjèlè man nga zhèrè te ndav.

Colossiens 2:2

A va ta wuɗi a ndav ta, a ta hümdè te mwoy-ndo a ta shin skwi mbelaʼa tèlèba te Kristi.

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

Hébreux 11:34

ta mbatsa wuɗi vogwa, ta mbel ta te ri kafahi gwèsh, ta ngots wuɗai, man nshèlèkuraʼa wuɗi ta azɓai, ta ngots wuɗai a sam var, ta gu aman ndohi var mayamhai ta mindè va ta a deɓa.

1 Peter 3:4

Aman a woy va kinè ntila tʼhwaɗaʼa, a skwi te ndav man a gédè-shè azɓai, a mèzhèɓ nlüɓekwaʼa, a gumai. Nasa skwi mbiaʼa a sam di Zhiklè.