Ephésiens 2:3 - Ma Zhiklè

³ Nga ba, nga gu arsa zlèzlèʼa, nga dzadzara ntétékè te va nga. A nga gu skwi man va nga, a nhér gèɗ nga a woyaʼa. Nga ndohi man ndzoan Zhiklè a gèɗ, te nyakaɗ nga, lèmèlèmè ara ndohi ngiɗè.

Mofa New Testament

³ Nga ba, nga gu arsa zlèzlé'a, nga dzadzara ntétékè te va nga. A nga gu skwi man va nga, a nhèr gèƋ nga a woya'a. Nga ndohi man ndzoan Zhiklè a gèƋ, te nyakaƋ nga, lèmèlèmè ara ndohi ngiƋè.

Ephésiens 2:3 ပူးပေါင်းရင်းမြစ်များ

Genèse 5:3

Aman mvi Adam 130, a myu kra nguraʼa, man a cka nengaʼa, a mbaha na Seth.

Genèse 6:5

Aman Ndo nzi pèc pècèk a rka, ndohi a géɗ herkeda ta gi skwi ambaɓiaʼa a vata, ta hér sèi skwi man ambaɓai te ndav ta pèc pècèk, a nkuɗi te ndav na,

Genèse 8:21

A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

Job 14:4

Ndo man nlizhèʼa a slaha a nyi ndo mpanaʼa de? Ko staɗ ba azɓai.

Job 25:4

Ndo a slaha a nzi zuraʼa a sam di Zhiklè dè? Ndo man ngwoz a myau, ndzuwoɗaɗaʼa dè?

Psaumes 51:5

I ba i sun mphömè ga, mali ga a zhè a sam di ga pèc pècèk.

Esaie 53:6

Nga tèlèba nga zlak nga, ara tambakihai, nga tèlèba, ngiɗè a civèɗ na, ngiɗè a civèɗ na, a Ndo nzi pèc pècèk a mʼmanda mali nga tèlèba a gèɗ nengaʼa.

Marc 4:19

aman ta hér gèɗ. Ntétékè skwi mèshèlè, a skwi kumba, a pe ta a wai tsaɗ tsaɗ, a pizlè na ma a pa, a ta yi wuda azɓai.

Jean 1:13

ara man Zhiklè a yeka ta, ara ndo ka ɓai.

Jean 8:44

Kinè wudahi bi madzagai, bab kinè, a kin jèjèr ntétékè nengaʼa. Nengaʼa ndo nkeɗe ndo te nhinkaɗ na, a nzi te ma nzuraʼa azɓai, a ma nzuraʼa a te ndav na ɓai. Aman a cèkèlma, di man a na. Nengaʼa ndo ncèkèlma, bab ncèkèlma.

Actes 14:16

Aman zlèzlèa a njèke ta ndohi herkeda tèlèba, te man ta dzodzor civèɗ ara ndav tengaʼa man a woyaʼa.

Romans 1:24

Gar haha, Zhiklè a njèke ta a ri ntétékè ndav ta, a skwi nlizhèa, a ta gedassa va ta a ri ta,

Romans 11:30

Lèmèlèmè ara kinè halaʼa kin fa na gèɗ a Zhiklè ɓai, aman antanta a sam man tengaʼa ta fi gèɗ azɓai, kin si Zhiklè te va,

Romans 13:14

Aman va-feda Bi Yèsu Kristi a va, a kin war di va kinè, aman kin dzodzor ntétékè nengaʼa ɓai!

Romans 2:14

Aman ndohi herkeda, man ta ngatsa ma kita Zhiklè ɓai, a ta dzodzor ma kita Zhiklè, ara man ndav tengaʼa a ngra ta, ko ta ngatsa ma kita Zhiklè ɓai, ndav tengaʼa kala ma kita tengaʼa;

Romans 5:10

Aman Zhiklè a mʼmenda gumi a hai te mʼmetsi kra nengaʼa, te va man nga mayamhi Zhiklè dai, holholaʼa antanta, man gèɗ nga mpela ma, nga da mbel nga te nshèffe nengaʼa.

Romans 5:9

Holholaʼa a da ɓir nga a sam ndzoan Zhiklè, te man antanta nga gaʼa a ndohi nzuraʼa te Pombaz nengaʼa.

Romans 6:12

Gar haha malai da gu bi te va kinè, man a di a metsi na, asaɓai, a kin dzodzor ntétékè nengaʼa ɓai!

Romans 7:18

I suna, skwi man amba azɓai te ndav ga, te va ga. Woyo, i woya genè; aman wuɗi ga azɓai, a i gi skwi man amba.

Romans 9:22

Gar haha kin gèɗè a géɗ Zhiklè kè? Zhiklè a woya a ngreda ndzoan a wuɗi nengaʼa auda. Tengaʼa man ta ngrédè ndzoan nengaʼa auda, a zhèr ta genè, ha tiɗè sam man a gedassaʼa;

1 Corinthians 4:7

Nʼnge ka a mbiaʼa man a fena ndohi ngiɗè, wa? Skwi te ri ngaya, man ka ngatsa ambali ɓi, mè? Aman ka ngots ambalai, ka jégèr va ara man ka ngotso ambali ka ɓai, èhèmè?

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

Galates 3:22

Aman ɗèlèwèr Zhiklè a pizleda ndohi tèlèba a hwaɗ malai. A ndohi man ta co a ndav, ta ngècè ma mpèsl ri te ncè Yèsu Kristi a ndav.

Ephésiens 2:2

Kin dzadzara skwi herkeda, kin fe gèɗ a madzagai, man a gi bai tʼhwaɗ giɗfèk, man a gi mizlinè na antanta te ndav ndohi man ta gi mèdègèɗ a sam Zhiklè.

Ephésiens 4:22

Va-suɗda skwi nhalaʼa a hai, a maya nshèffè kinè nhalaʼa, man a gedas na a ri na, a ntétékè ncèkèlma.

Colossiens 1:21

Kinè ba, man kin halaʼa dra a sam na, mayamhi na te skwi man kin hérèʼa, a kin giaʼa man ambaɓai,

1 Thessalonians 4:13

Aman nga woy a kin suna, dalahimam nga, a géɗ ndohi man ta bazl ta: kin hur gèɗ zlau ɓai, ara njèkèɗiaʼa man ta zhèr skwi te ndav azɓai.

1 Thessalonians 5:6

Gar haha ngo-nzhunokoy ɓai, ara tengahia ngiɗè. Aman ngo-nzokoy a dai, a zom te gèɗ ka ɓai.

1 Timothy 6:9

Tengahi man ta woy a ta ndi a ndohi mèshèlè, ta kèlèhi a skwi man a pe ta a wi tsaɗ tsaɗ, ta kèlèhi a gadda, a ntétékè man ambaɓi tsaɗ tsaɗ, man a gedas ta ndohai, a zede ta.

Titus 3:3

Aman nga ba halaʼa maya nga azɓai, nga fi gèɗ a ma ndo azɓai, nga zlak nga, nga gu ɓèl skwi haha a ntétékè tsaɗ tsaɗ, a nga gu ndzoan a srak, ngiɗè a woy ngiɗè ɓai, ndohi ngiɗè ta ga nga shèwa, a nga ba nga gu shèwa a ndohi ngiɗè.

1 Peter 1:14

Skwi haha va-gu ara wudahi man ta fi gèɗ a ma Zhiklè, kin tütüke skwi nhalaʼa ɓai, ara man kin gau, te va man kin sun maya di ɓai.

2 Peter 2:14

Ta cèkè di a fali ngwoz, mali a ngeza ta azɓai. Ta bid ta ndohi man wuɗi ta azɓai, a ta gedas ta. Ntétékè sulai ntilda va a ndav ta. Ma mphomdaʼa man a Zhiklè a zhè a géɗ tengaʼa.

2 Peter 2:18

Ta gèɗ ma nfi va ambalai, mphömè tengaʼa a ntétékè te va tengaʼa a poko ta gèɗ auda a ndohai man ta mbel ta auda tok tok te ri ndohi ncèkèlma.

1 John 2:16

Aman skwi tèlèba man a zhè tʼherkeda, skwi man ndav ndo a tétékèʼa, skwi man dai a tétékèʼa, nfi va ambalai, a shkè te Bab Zhiklè ka ɓai, aman tʼherkeda.

1 John 2:8

Ko aranta ba i winda kinè ma nkwèr mɓuaʼa, ara a vava, te Kristi, te kinè, te man ruva a ndev na, a skwi nhél sam nzuraʼa a hél sam antanta ma.